Kollitinki 20:12 - Bible Fulfulde Bénin New Testament

¹² Mi yi'ii maayɓe, mawɓe e petton e darii yeeso kittaal laamu. Dewte maɓɓitaa. Den dewtere wonne maɓɓitaa, kayre woni dewtere yonki. Maayɓe hiitaa hande no winniraa der dewte, moy fu jaka golle mum.

Kollitinki 20:12 ပူးပေါင်းရင်းမြစ်များ

Matiye 11:22

Gam majjum, mii wi'a on: Nyalaane darŋal, kiita Tirus e Sidon hoyan e ka mooɗon.

Matiye 16:27

Gam *Ɓii neɗɗo waran e tedduŋal *Baaba mum, e *malaykaaɓe mum. Den o yoɓan moy fu ko waɗi der golle mum.

Luka 10:20

Amma to on accee ɓerɗe mooɗon wela gam ginnaaji ɗowtanake on, amma accee ɓerɗe mon wela gam inɗe mon e winnaa dow kammu.»

Golle Lilaaɓe 24:15

Mii hoolii Alla mo ɓe kooli kamɓe bo, fintinan foonnitiiɓe e ɓe foonnitaaki fu diga maayɓe.

Roma 2:6

O yoɓan moy fu jaka gaɗu muuɗum.

Korintu Aranol 4:5

Gam majjum, to on kiitee goɗɗo ko wakkati yottoo, keɗee faa Joomiraawo wara. Kanko wurtinta ko suuɗii der niwre, o hollita ko woni der ɓerɗe himɓe. Nyalaane majjum, moy fu heɓan yettoore kaananne mo to Alla.

Korintu ɗiɗaɓol 5:10

Doole en fu daroɗen yeeso hiitorde *Almasiihu, moy fu heɓa riiba ko waɗunoo der duuniyaaru, geetum naa bo kalluɗum.

Filippi 4:3

An gollidoowo e am koolaaɗo, mii eelee ballaa rewɓe ɓen, ɓe gollidii e am gam waaju *linjiila, kamɓe e Kelema e gollodiiɓe e am woɓɓe, inɗe maɓɓe winnaama der dewtere yonki.

Kollitinki 11:18

Mone waɗii heeferɓe, amma mone maa wari. Wakkati kiitotoɗaa maayɓe waɗii, wakkati de barjotoɗaa annabiiɓe maa, gollanooɓe maa, waɗii, wakkati de barjotoɗaa himɓe maa, hulɓe inne maa waɗii, mawɓe e petton fu, wakkati bo waɗii de kalkataa halkooɓe leydi.»

Kollitinki 13:8

Himɓe wonuɓe e duuniyaaru, ɓe inɗe mum winnaaka der dewtere yonki diga fuɗɗoode duuniyaaru, sujidanan bisaa ŋan. *Jawgiyel kiisanooŋel nun woodi dewtere nen.

Kollitinki 17:8

Bisaa ŋa ji'uɗaa, ŋa na'onno, amma jooni, ŋa walaa. Ŋa wurtoyto diga e gayka lugguka, ŋa yaha halkoygo. Inɗe himɓe duuniyaaru woɓɓe winnaaka e dewtere yonki diga fuɗɗoode duuniyaaru. Ɓe kaayɗinto to ɓe ji'ii ŋa, gam ŋa na'onno, go ŋa walaa kade, amma ŋa wittitoyto.

Kollitinki 19:5

Daane ƴiwi diga kittaal laamu, e wi'a: "Jettee Alla meeɗen, onon gollantooɓe mo fu, onon hulɓe mo, mawɓe e petton!"

Kollitinki 2:23

Mi waran ɓiɓɓe makko. Eklesiyaaji fu annan min woni liinyoowo hakkillo e ɓerɗe. Mi yoɓan bo moy mooɗon fu ko waɗi.

Kollitinki 20:11

Ɓaawo majjum, ji'umi kittaal laamu manŋal daneyal, e jooɗiiɗo dow maggal. Leydi e kammu doggi yeeso makko, yi'aaka kade.

Kollitinki 20:13

Maayo tuuti maayɓe mum. Maayde e joonne maayɓe bo tuuti maayɓe mum. Den moy maɓɓe fu, hiitaa deydey golle mum.

Kollitinki 20:15

Neɗɗo mo inne mum winnaaka der dewtere yonki, faɗɗaama der maayo yiite.

Kollitinki 21:27

Ko soɓi fu naatataa der mayre. Gaɗoowo ko sentinii, e pewoowo naatataa ton. Amma naatooɓe ton woni, ɓe inɗe mum winnaa der dewtere yonki, ne *Jawgiyel.

Kollitinki 22:12

Yeesu wi'i: "Kettinee, mii wara, ɓooyataa. Mi waddan barjaari gam mi warjoo moy fu deydey golle mum.

Kollitinki 3:5

Hande non, jaaliiɗo fu ɓornoto kolte daneeji. Mi moytataa inne makko diga dewtere yonki pay. Mi seedoto yeeso *Baaba am e yeeso malaykaaɓe mum, oo laatii mo am.