Kollitinki 2:5 - Bible Fulfulde Bénin New Testament

⁵ Gam majjum, siwtor diga to januɗaa. Tuubu, den gaɗaa golle maa arandeeje! To hinaa nun, mi waran, mi ikkina fitilla maa e nokkuure mum, sey to a tuubii.

Kollitinki 2:5 ပူးပေါင်းရင်းမြစ်များ

Matiye 5:14

Onon laatii jayŋol duuniyaaru. Genni mahaani dow waanne suuɗataako.

Matiye 5:15

Fitilla bo huɓɓataake gam ka ommee gummal. Amma ka ɓilete dow to fitilla ɓiletee, gam ka yaynana wonuɓe der suudu fu.

Marku 12:9

Jooni noo, noy jom gesa on waɗata? O waran, o halka gollooɓe ɓen, o yowana gesa ŋan woɓɓe juuɗe.

Luka 1:17

O yahan yeeso makko e ruuhu *Eliya e baawɗe mum, gam o weldina baabiraaɓe e ɓiɓɓe mum, o wittinaan bo nanaruuɓe ɓe keɓa faamu, foonnitiiɓe. O siriyanto Joomiraawo himɓe wonotooɓe gam mum.»

Luka 20:16

«O waran o halka yowanaaɓe gesa ŋan, o yowana ŋa woɓɓe.» No jama'aare nani haala kan, ɓe bi'i: «To iri majjum laato!»

Galaatiya 5:4

Onon dartooɓe laataago foonnitiiɓe diga e tawreeta, on ceedi e Almasiihu, on boɗɗodike e moƴƴere Alla.

Filippi 2:15

gam laatoɗon ɓe walaa gacce, laaɓuɓe, ɓiɓɓe Alla ɓe walaa ko elee, wonɓe der jaamanuuru biisiinu, oonyiinu, laatoɗon yaynooɓe der duuniyaaru hande fitillaaji.

Iburaninkeeɓe 10:32

Ciwtoree nyalaaɗe arandeeje, ɓaawo de Alla yaynani on, on jarii bone mawɗe, amma on darike e semme, kaɓuɗon.

Piyer Ɗiɗaɓol 3:17

Amma onon banniraaɓe yiɗaaɓe, on keɓii seedineego, to non kakkilee to himɓe yedduɓe Alla majjina on, sottina on diga darande mon.

Yahuuda 1:24

Alla waawan reenugo on e perge, faa o darna on yeeso tedduŋal makko e seyo, on galaa gacce.

Kollitinki 1:20

Nani ɗo asiiri koode jeeɗiɗi ɗe ji'uɗaa der junŋo am nyaamo, e fitillaaji kanŋeeri jeeɗiɗi. Koode jeeɗiɗi, laatii malaykaaɓe eklesiyaaji jeeɗiɗi. Fitillaaji kanŋeeri jeeɗiɗi bo, laatii eklesiyaaji jeeɗiɗi.

Kollitinki 16:9

Guli cattuɗi waɗi himɓe. Ɓe jenni inne Alla gooduɗo baawɗe dow boneeji ɗin. Amma ɓe tuubay, ɓe teddina mo.

Kollitinki 2:16

Gam majjum tuubu, to hinaa nun, ɓooyataa, mi waran to maa, mi haɓidan ɓe e kaafahi gonuki e hunnuko am.

Kollitinki 2:19

Mii anni golle maa, e yidde maa, e goonɗinki maa, e ballal ŋal ballataa woɓɓe, e munyal maa. Mii anni golle maa cakitiiɗe e ɓuri arandeeje ɗuuɗugo.

Kollitinki 2:2

Mii anni golle maa, e tinnaare maa, e munyal maa. Mii anni a munyantaa halluɓe, a foonnii wi'ooɓe e laatii lilaaɓe, amma ɓe laataaki ɗum, a tawii ɓe laati nun fewooɓe.

Kollitinki 3:19

Himɓe ɓe jiɗumi, mi felan ɓe, mii fooɗa noppi maɓɓe. Gam majjum, tinna tuubaa!