Kollitinki 2:23 - Bible Fulfulde Bénin New Testament

²³ Mi waran ɓiɓɓe makko. Eklesiyaaji fu annan min woni liinyoowo hakkillo e ɓerɗe. Mi yoɓan bo moy mooɗon fu ko waɗi.

Kollitinki 2:23 ပူးပေါင်းရင်းမြစ်များ

Matiye 16:27

Gam *Ɓii neɗɗo waran e tedduŋal *Baaba mum, e *malaykaaɓe mum. Den o yoɓan moy fu ko waɗi der golle mum.

Luka 16:15

Yeesu wi'i ɓe: «Oon gaɗa yeeso himɓe hande foonnitiiɓe, amma Alla e anni ɓerɗe mon. Gam ko himɓe teddinta, laati nun ko nyiddi yeeso Alla.

Yuhaana 21:17

O wi'i mo kade: «Simon, ɓii Yuhaana, aa yiɗimmi na?» Piyer ɓerne mum biisii, gam o wi'i ɗum de tatawre: «Aa yiɗimmi na?» Piyer wi'i mo: «Joomiraawo aa anni huune fu, aa anni bo mii yiɗu maa.» Yeesu wi'i mo: «Duru baali am ɗii.

Yuhaana 4:16

Yeesu wi'i mo: «Yahu noddoy gorko maa, garidon!»

Golle Lilaaɓe 1:24

Ɓe du'ii, ɓe bi'i: «Joomiraawo, an annuɗo ɓerɗe himɓe fu, faamin men mo cuɓuɗaa der ɗiɗo ɓee ɗo,

Roma 14:12

Den moy meeɗen fu toontanto hoore mum yeeso Alla.

Roma 8:27

Alla annuɗo ko woni der ɓerɗe himɓe e anni ko Ruuhu yiɗi. No Alla yiɗiri bo, nun nun Ruuhu du'orantoo himɓe makko.

Korintu ɗiɗaɓol 5:10

Doole en fu daroɗen yeeso hiitorde *Almasiihu, moy fu heɓa riiba ko waɗunoo der duuniyaaru, geetum naa bo kalluɗum.

Galaatiya 6:5

Gam moy fu roonoto e hoore mum doongal mum.

Iburaninkeeɓe 4:13

Walaa fu ko tagaa, ko suuɗanii Alla, huune fu laaɓi e gite makko. Kanko jottinoyten ko gaɗuɗen fu.

Piyer Aranol 1:17

Der du'aaje mon, oon nodda Alla «*Baaba» mon, kanko woni kiitotooɗo moy fu deydey gaɗu muuɗum, o suttontirtaa himɓe, gam majjum nyaamee goonki mooɗon der duuniyaaru ɗo e kulol Alla.

Kollitinki 2:11

Gooduɗo noppi, nana ko *Ruuhu batata eklesiyaaji! Jaaliiɗo, maayde ɗiɗawre meemataa ɗum."

Kollitinki 2:7

Gooduɗo noppi fu, nana ko *Ruuhu batata eklesiyaaji! Jaaliiɗo fu, mi hokkan ɗum nyaama ɓiɓɓe leggal yonki gonuŋal der aljanna Alla.»

Kollitinki 20:12

Mi yi'ii maayɓe, mawɓe e petton e darii yeeso kittaal laamu. Dewte maɓɓitaa. Den dewtere wonne maɓɓitaa, kayre woni dewtere yonki. Maayɓe hiitaa hande no winniraa der dewte, moy fu jaka golle mum.

Kollitinki 20:13

Maayo tuuti maayɓe mum. Maayde e joonne maayɓe bo tuuti maayɓe mum. Den moy maɓɓe fu, hiitaa deydey golle mum.

Kollitinki 22:12

Yeesu wi'i: "Kettinee, mii wara, ɓooyataa. Mi waddan barjaari gam mi warjoo moy fu deydey golle mum.

Kollitinki 6:8

No daarumi, go ji'umi puccu haako haakowol. Baɗɗiiɗo ŋol e wi'ee Maayde, joonne maayɓe e tokki mo. Ɓe kokkaa baawɗe dow fecco duuniyaaru nayawre, gam ɓe bara himɓe e kaafahi, e rafo, e nyawuuji bonɗi, e bisaaji ladde.