Kollitinki 2:18 - Bible Fulfulde Bénin New Testament

¹⁸ "Winnan malaykaajo eklesiya Tiyatira bi'aa: Nani ɗo haalaaji *Ɓiɗɗo Alla mo gite mum nandi hande ɗenŋal yiite, koyɗe makko e nandi hande janni boɗeeri.

Kollitinki 2:18 ပူးပေါင်းရင်းမြစ်များ

Matiye 17:5

O heennyay batugo, ko duulel jalboowel gom wari ommi ɓe. Ɗon daane gom ƴiwi der duulel ŋel, wi'i: «Oo ɗo laatii *Ɓiɗɗo am jiɗaaɗo, mo cuɓumi. Kettinanee mo!»

Matiye 27:54

Hooreejo soogeeji deenuɗo Yeesu, e soogeeji mum, yi'i dimmaaɗe leydi e ko waɗi fu. Ɓe kuli puy, ɓe bi'i: «E gooŋa, o laati nun *Ɓiɗɗo Alla!»

Matiye 3:17

Ɗon daane gom nanaa dow kammu, e wi'a: «Oo ɗo nun laatii *Ɓiɗɗo am jiɗaaɗo, mo ceyoriimi.»

Luka 1:35

Malaykaajo toontii mo wi'i: «*Ruuhu Ceniiɗo waran dow maa, baawɗe Alla Towuɗo suddete hande ɗoogi. Gam majjum ɓiɗɗo ceniiɗo mo dimoytaa noddetee Ɓiɗɗo Alla.

Yuhaana 1:14

Haala laatike neɗɗo. Neɗɗo on jooɗodii e meeɗen, oo hebbi moƴƴere e gooŋa. Men ji'ii tedduŋal makko, tedduŋal ŋal Ɓiɗɗo bajjo heɓata e baaba mum.

Yuhaana 1:49

Natanayel toontii, wi'i: «Moodibbo, a laati nun *Ɓiɗɗo Alla, a Laamiiɗo Isira'iila nun.»

Yuhaana 10:36

Onon mo Alla seni, ko lili mo e duuniyaaru, oo ɗon nun bi'oton: ‟A yennii Alla!” Gam o wi'ii oo laatii *Ɓiɗɗo Alla.

Yuhaana 3:16

Gam Alla yiɗii duuniyaaru sanne faa hokki Ɓiɗɗo mum bajjo, gam goonɗinɗo mo fu to halku, amma heɓa yonki tabitiiki.

Yuhaana 3:18

Goonɗinɗo mo hiitataake, amma mo goonɗinay, hiitaamaa ko, gam o goonɗinay inne *Ɓiɗɗo Alla bajjo.

Yuhaana 5:25

Mii bata on e gooŋa: Wakkati e wara, ki yottike du, wakkati de maayɓe nanata daane *Ɓiɗɗo Alla. Nanuɓe ne bo wuuran.

Golle Lilaaɓe 16:14

Debbo kulɗo Alla, bi'eteeɗo Liidiya, cippoowo gude boɗeeje, mo siire Tiyatira, e hettinii waaju amen. Joomiraawo maɓɓiti ɓerne makko gam o goonɗina ko Pol waajotoo.

Golle Lilaaɓe 8:36

Ɓe tokki laawol maɓɓe faa ɓe jottii diyam. Semmenteejo on wi'i: «Diyam nani! Ko haɗatanmi waɗeego *batisi?» [

Roma 1:4

O hollitaama e baawɗe, diga e *Ruuhu Ceniiɗo, o laati nun *Ɓiɗɗo Alla de o fintini mo e maayɓe. Kanko woni *Almasiihu, Joomiraawo men.

Roma 8:32

Kanko, mo saloraaki Ɓiyiiko, amma o hokkitirii mo gam meeɗen en fu. Noy woni o hokkirtaa en ko o woodi fu e moƴƴere, diga e Ɓiyiiko?

Kollitinki 1:11

Daane nen e wi'a: "Ko ji'ataa, winnu ɗum der ɗerewol, lildaa eklesiyaaji jeeɗiɗi ɗii ɗo: Efesu e Samirna e Pergamu e Tiyatira, e Sardis, e Filadelfiya e Lawdikiya."

Kollitinki 2:1

«Winnan malaykaajo eklesiya Efesu, bi'aa: Nani haalaaji jogiiɗo koode jeeɗiɗi der junŋo mum nyaamo, jahoowo hakkune fitillaaji kanŋeeri jeeɗiɗi:

Kollitinki 2:24

Amma onon horiiɓe der Tiyatira, onon ɓe tokkay laawol ŋol, onon ɓe annaa ko woɓɓe wi'ata “asiiri *Seyɗan lugguɗo”, mi yowantaa on dongal kuuŋal.