Kollitinki 2:14 - Bible Fulfulde Bénin New Testament

¹⁴ Amma mii woodi ko pelan maa mi: Aa woodi woɓɓe tokkuɓe ekkitinol Balaama. Balaama ekkitiniino Balak waɗa no himɓe Isira'iila yanirta. O acca ɓe ƴakka tew caafiraaɗum tooruuje, ɓe gaɗa jeenu bo.

Kollitinki 2:14 ပူးပေါင်းရင်းမြစ်များ

Matiye 18:7

Bone laatanii duuniyaaru nuu, gam woodi ko doƴƴata himɓe der hakke. Waɗataako ko doƴƴata himɓe waray, amma bone laatanto laatiiɗo daliila majjum!

Golle Lilaaɓe 15:29

To on ƴakkee tew caafiraaɗum tooruuje, to on nyaamee ƴiiƴam e ko saaɗi, accee jeenu. To on deenii ko'e mooɗon no wooɗi e majjum, on gaɗii ko wooɗi. Jam wonana on!»

Golle Lilaaɓe 21:25

Goonɗinɓe ɓe lenyi janani kan, men dawrii men binnani ɓe to ɓe ƴakku tew kiisanaaɗum tooruuje, to ɓe nyaamu ƴiiƴam, to ɓe ƴakku ko saaɗi, ɓe acca bo teele centiniiɗe.»

Roma 11:9

Dawda bo wi'i: «Nyaamduuji juulɗe maɓɓe laatanoo ɓe pittol e to ɓe pergotoo, ɗum laatanoo ɓe doƴƴere, e riiba golle maɓɓe.

Roma 14:13

Gam majjum, en accee gaccontirgo. Ko haani gaɗen woni accen resango banniraaɓe ko ferginta ɓe, ɓe jana.

Roma 14:21

E ɗum wooɗi, to neɗɗo ƴakku tew, to o yaru bo innabojam, o acca waɗugo huune ko ferginta banniraawo makko.

Roma 9:32

Gam ume nun? Gam ɓe dartiray ɗum e goonɗinki. E anniya maɓɓe nun ɓe dartiri ɗum, go ɓe pergi dow hayre doƴƴoore ɓe.

Korintu Aranol 1:23

Amma enen, habaru tiggol *Almasiihu dow *leggal palaaŋal baajotoɗen. Yahuduuɓe e daari ɗum ko ferginta ɓe, Yunaninkeeɓe bo e daari ɗum haaŋaare.

Korintu Aranol 7:2

Amma, gam to on gonee der jeenu, e haani gorko fu e woodi debbo mum, debbo moy fu bo, e woodi gorko mum.

Iburaninkeeɓe 13:4

Moy mooɗon fu teddina teegal, gorko laatoo koolaaɗo dow debbo mum, debbo bo laatoo koolaaɗo dow gorko mum. Gam Alla hiitoto waɗooɓe nyidduɗum, e jeenooɓe.

Piyer Aranol 2:8

Kayre ferginta himɓe, kayre bo doƴƴata ɓe» Saliiɓe goonɗingo haala kan, fergoto dow mayre, kanjum Alla resani ɓe.

Piyer Ɗiɗaɓol 2:15

Ɓe accii laawol poortiiŋol, ɓe majjii, ɓe tokki laawol Balaama, jiɗuɗo heɓa ceede diga waɗugo kalluɗum.

Yahuuda 1:11

Bone laatanii ɓe! Gam ɓe tokkii laawol Kayiinu. Ɓe gattii ko'e maɓɓe der majjere, hande ne Balaama , gam ɓe keɓa jawdi. Ɓe turtii hande no gorko bi'eteeɗo Koora turtiri, go ɓe kalki.

Kollitinki 2:20

Amma woodi ko pelan maa mi. Aa acci Ijabeeli, debbo bi'oowo hoore mum annabiijo. Oo janŋina, oo jarboo gollotooɓe am, gam ɓe gaɗa jeenu, ɓe ƴakka tew caafiraaɗum tooruuje.

Kollitinki 2:4

Amma ko pelan maa mi woni, a accii yidde maa arandeere.

Kollitinki 21:8

Amma hulhulɓe, e ɓe walaa goonɗinki, e soɓuɓe, e warooɓe himɓe, e jeenooɓe, e waɗooɓe dobo dobooje, e saafooɓe tooruuje, e fewooɓe fu, maayo yiite kuɓɓoowe e kibiriita nun woni geɗu maɓɓe. Kanjum woni maayde ɗiɗawre.»

Kollitinki 22:15

Amma laatiiɓe dawaaɗi, e waɗooɓe dobo dobooje, e jeenooɓe, e warooɓe himɓe, e saafooɓe tooruuje, e yiɗuɓe fewre go e fewa fu, wonoto yaasi.