Kollitinki 2:10 - Bible Fulfulde Bénin New Testament

¹⁰ Taa hulu toora ɓadiika tawugo maa. Daa Seyɗan maɓɓan woɓɓe mon der kasu, gam poonneɗon, on toorete faa balɗe sappo. Laata koolaaɗo faa maayde, mi hokkete keɓal jaalorgal, waato yonki.

Kollitinki 2:10 ပူးပေါင်းရင်းမြစ်များ

Matiye 10:22

Himɓe fu wanyan on gam am. Amma munyuɗo faa heennyitirde, joomum hisinte.

Matiye 10:28

To on kulee warooɓe ɓannu, ɓe baawataa ko wari yonki. Amma, kulee baawoowo ko halki ɓannu e yonki fu der yiite jahannama.

Matiye 24:13

Amma munyuɗo faa timmoode, hisan.

Marku 13:13

Himɓe fu wanyan on gam sabbu am. Amma munyuɗo faa timmoode, hisan.»

Marku 8:35

Gam jiɗɗo hisingo yonki mum, dullan ki, amma majjinɗo ki sabbu am e sabbu *linjiila, hisinan ki.

Luka 21:12

Amma ko huune ɗum fu laatoo, on nanŋete, tooreɗon, jaareɗon kiiteɗon der cuuɗi juulirɗe, ɓaawo mum, on maɓɓete der kasu, jaareɗon yeeso laamiiɓe e mawɓe genni gam inne am.

Yuhaana 12:25

Neɗɗo fu jiɗuɗo yonki mum, dullan yonki tabitiiki, banyuɗo ki e duuniyaaru nu, heɓan yonki tabitiiki.

Yuhaana 13:2

Wakkati hiraane, *Seyɗan watti e ɓerne Yahuuda Iskariyot ɓii Simon o jammoo Yeesu.

Yuhaana 13:27

Ɓaawo o jaɓi lonŋere nen, Seyɗan naati e makko. Yeesu wi'i mo: «Waɗu ko gaɗataa, law!»

Golle Lilaaɓe 20:24

Amma mi daaray yonki am hande kii laatanii am tedduki, mi heɓa ni yottinoygo e welwelo golle ɗe Yeesu Joomiraawo halfinimmi, kanje woni waajaago *linjiila ka moƴƴere Alla.

Golle Lilaaɓe 21:13

Pol toontii, wi'i: «Koni bullanton am, oon tampinammi? Min, mi siriyake, hinaa haɓɓeego tan, amma mi maaya *Urusaliima gam inne Yeesu Joomiraawo.»

Korintu Aranol 9:25

Jiɗɗo daɗugo der doggudu fu, sey elta ɓannu mum der huune fu. Kamɓe, ɓee gaɗa ɗum gam heɓugo keɓal meetalol ɗayloowol, amma enen, een tammi heɓugo meetalol ŋol ɗaylataa.

Efesu 2:2

Kanji tokkunoɗon, hande no duuniyaaru yahirta, ɗowtaniɗon hooreejo ruuhuuji kalluɗi, tawaaɗi hakkune dow e ley. Ruuhuuji ɗin nun gollotoo faa e hanne caka himɓe yedduɓe Alla.

Efesu 6:12

Gam e himɓe bane kaɓidinten, amma e ruuhuuji kalluɗi, tawaaɗi dow kammu, gooduɗi baawɗe e semme, e laamanii duuniyaaru nu niwre.

Yaakuuba 1:12

Barke laatantoo tinniiɗo der tooraaji jarbotooɗi ɗum. Gam to tinnaare makko tabitii, o heɓan tedduŋal, kan woni yonki tabitiiki, ki Alla haɓɓani yiɗuɓe ɗum alkawru.

Piyer Aranol 5:4

To Duroowo mawɗo yottake, on meelete meetalol tedduŋal ŋol hiiɗɗataa.

Piyer Aranol 5:8

Kakkilee, oon deeni! Gam ganyo mooɗon *Ibiliisa e yiilito hande jaggere kalɓoore, dartoore mo ne ƴakkata.

Kollitinki 13:14

Ŋa ƴoyri himɓe duuniyaaru e kaayeefiiji. Ŋa hokkaama baawɗe waɗugo kaayeefiiji ɗin yeeso bisaa arana. Ŋa bati himɓe duuniyaaru waɗa tooruure nandune e bisaa nawnaaŋa e kaafahi ko daɗi.

Kollitinki 13:2

Bisaa ŋa ji'umi e nandi e muusuuru. Koyɗe magga e wa'i hande koyɗe dawaaŋel. Hunnuko magga e wa'i hande hunnuko jaggere. Kuuŋa ŋan hokki bisaa ŋan baawɗe mum, e kittaal mum, e baawɗe mawɗe.

Kollitinki 13:7

Ŋa hokkaa baawɗe haɓugo e himɓe Alla, ŋa jaaloo ɓe. Ŋa hokkaa baawɗe laamanaago lenyi fu, e himɓe fu, e ɗenɗe fu, e leydiije fu.

Kollitinki 17:14

Ɓe kaɓan e *Jawgiyel, amma ŋel jaaloto ɓe, gam kanŋel laatii Joomiraawo joomiraaɓe, e Laamiiɗo laamiiɓe. Wonduɓe e maggel, laatiiɓe noddaaɓe, e suɓaaɓe, e hoolaaɓe, jaalodinto e maggel.»

Kollitinki 2:13

Mii anni to jooɗiɗaa, ɗon nun laamorde *Seyɗan woni. Aa jogii inne am, a yedday goonɗingo am baa der wakkati Antipas seedeejo am koolaaɗo waraa caka mooɗon, to Seyɗan woni.

Kollitinki 2:9

Mii anni toora maa, e talakaaku maa, baa no aa jom jawdiijo. Mii anni kalluka ka wi'ooɓe e laatii *Yahuduuɓe batata dow maa. Amma fewre, ɓe laati nun jama'aare saafooɓe *Seyɗan.