Kollitinki 19:12 - Bible Fulfulde Bénin New Testament

¹² Gite makko e wa'i hande ɗenŋal yiite. Oo mellii meetali laamu ɗuuɗɗi. Inne e winna dow makko, goɗɗo annaa ne, to hinaa kanko.

Kollitinki 19:12 ပူးပေါင်းရင်းမြစ်များ

Matiye 11:27

Baaba am hokkii am huune fu der junŋo am. Walaa annuɗo *Ɓiɗɗo to hinaa Baaba. Walaa annuɗo Baaba bo, to hinaa Ɓiɗɗo, e mo Ɓiɗɗo yiɗi hollitingo ɗum.»

Matiye 21:5

«Batee ɓiɓɓe Siyoona, bi'on: ‟Daaree, laamiiɗo mon e wara e mon, oo ɗiggi, oo waɗɗii babba, e ɓinŋel mum .”»

Matiye 28:18

O ɓattii, o wi'i ɓe: «Mi hokkaama baawɗe dow kammu e leydi fu.

Luka 10:22

*Baaba, a hokkii am huune fu. Walaa annuɗo moy Ɓiɗɗo laatii sey Baaba, walaa bo annuɗo moy Baaba laatii to hinaa Ɓiɗɗo, e mo Ɓiɗɗo yiɗi hollitingo ɗum.»

Yuhaana 17:11

Mi wonataa der duuniyaaru kade, mii wara to maaɗa. Amma kamɓe ɓe na'on der duuniyaaru. An *Baaba Ceniiɗo, reenir ɓe inne maaɗa ne kokkuɗaa am, gam ɓe laato gootum hande no laatoriɗen gootum.

Yuhaana 17:12

No gondunoo mi e maɓɓe der duuniyaaru, mi reenirii ɓe inne maa ne kokkuɗaa am. Mi hakkilanii ɓe, baa gooto e maɓɓe majjay to hanaa ɓii halkere, gam ko batanaa e Dewte goonɗinee.

Efesu 1:21

Hande non Almasiihu laatorii ɓuruɗo laamuuji e baawɗeeji e semmeeji e mawɓe fu. Kanko nun laatii hooreejo dow ko woodi inne fu, hinaa der duuniyaaru nuu ɗo tan, amma e der duuniyaaru nu yeeso bo.

Iburaninkeeɓe 2:9

Amma een ji'a Yeesu leesinanooɗo wakkati seɗɗa ley malaykaaɓe, jooni o meelinaama tedduŋal e manŋu. Gam ume? Gam o toorake, o maayi. Hande non, sabbu moƴƴere Alla, o maayiranii himɓe fu.

Kollitinki 1:14

Hoore makko e gaasa makko e rawni tar hande hottollo e kosam, gite makko e wa'i hande ɗenŋal yiite.

Kollitinki 12:3

Maane gom kade hollitii dow kammu, go kuuŋa gom boɗeya, manŋa, hollitii. Ŋaa woodi ko'e jeeɗiɗi e galalɗi sappo, hoore fu e woodi meetalol laamu.

Kollitinki 13:1

Ɓaawo majjum, ji'umi bisaa gom e wurtoo der maayo, ŋaa woodi galalɗi sappo, e ko'e jeeɗiɗi. Hoore fu e woodi meetalol laamu. Inɗe jennooje Alla e winnaa dow ko'e ɗee fu.

Kollitinki 19:16

Inne gom e winnaa dow toggoore makko, e dow asaaŋal makko: "Laamiiɗo laamiiɓe, e Joomiraawo joomiraaɓe."

Kollitinki 3:12

Jaaliiɗo fu, mi waɗan ɗum darŋanal der suudu Alla am, o wurtataako e mayru abada. Mi winnan dow makko inne Alla am, e inne wanŋarde Alla am, waato *Urusaliima kesol, ƴiwoowol diga dow kammu, to Alla am. Mi winnan bo dow makko, inne am heyre.

Kollitinki 6:2

No daarumi, go ji'umi puccu danewol. Baɗɗiiɗo ŋol e jogii biroogal, o hokkaa meetalol, o yawti hande jaalotooɗo gam o jaaloo bo.