Kollitinki 19:10 - Bible Fulfulde Bénin New Testament

¹⁰ Jicciimi ley koyɗe makko, gam mi sujidana mo, amma o wi'immi: "Taa waɗu ɗum! Min bo, mi gollantooɗo Alla nun hande maa, e hande banniraaɓe maa jogiiɓe seedaaku Yeesu. Sujidan Alla!" Gooŋa ka Yeesu holliti, kanka nun hokki annabiiɓe haala ka ɓe bati dow makko.

Kollitinki 19:10 ပူးပေါင်းရင်းမြစ်များ

Matiye 4:10

Yeesu toontii mo, wi'i: «Dillu diga ɗon, an *Ibiliisa, gam e winnii der dewtere: ‟Sujidan Alla Joomiraawo maaɗa, kanko tan teddintaa!”»

Marku 5:22

Ɗon hooreejo suudu waajorde bi'eteeɗo Jayrus wari, yi'i mo, jiccii yeeso makko,

Marku 7:25

Ɗon sikan debbo gom mo ɓinŋel mum dewel woodi ginnool nani Yeesu e batanee, ɗon maa ɗon o wari, o jiccanii mo.

Luka 1:19

Malaykaajo on toontii mo wi'i: «Min woni Jibiriila, dariiɗo yeeso Alla. Mi lilaama gam mi batee habaru belɗo oo.

Luka 24:44

O wi'i ɓe: «Nani ka batunoomi on wakkati gondunoomi e mon: ‟Ko bataa dow am der dewte Muusa, e der dewte annabiiɓe, e der Jabuura fu, e haani hebba.”»

Yuhaana 5:39

Oon biɗitoo Dewte gam oon miiji ɗe kokkan on yonki tabitiiki. Kanje seedantoo am.

Golle Lilaaɓe 10:43

Annabiiɓe fu batii haala makko, ‟wi'i goonɗinɗo mo fu heɓan yaafuye hakkeeji muuɗum sabbu inne makko”.»

Golle Lilaaɓe 13:27

Gam wonɓe *Urusaliima e hooreeɓe mum fu annitay Yeesu on. No ɓe kiitii mo, ɓe tabbitini haalaaji annabiiɓe janŋetenooɗi *nyalaane siwteteene fu.

Korintu ɗiɗaɓol 8:7

On keɓii huune fu faa faanti: Goonɗinki e baawal batu, e annal, e tinnaare dow huune fu, e yidde gam amen. Gam majjum, tinnee bo der golle moƴƴere ɗen.

Efesu 5:15

Gam majjum, kakkilanee yaadu mon dow no gonirton, to on laatee hande ɓe galaa hakkillo, amma laatee hakkilɓe.

Efesu 5:33

Amma onon ko yaali on woni, gorko fu yiɗa debbo mum, hande no yiɗiri hoore mum. Debbo bo teddina gorum.

Filippi 3:3

Gam enen woni julniiɓe e gooŋa, enen saafirooɓe Alla e *Ruuhu, jurortooɓe Yeesu *Almasiihu, ɓe koolaaki ko'e mum.

Tesalonika Aranol 5:15

Tinnee, gaɗaaɗo ko halli fu, to wattoo, amma wakkati fu dartee waɗugo ko wooɗi hakkune mooɗon e himɓe fu.

Iburaninkeeɓe 1:14

Malaykaaɓe fu laati nun ruuhuuji jaggantooɗi Alla, oo lila ɗi gam ɗi gollanoo ronooɓe kisidam.

Iburaninkeeɓe 12:25

Kakkilee, to on calee hettinanaago baddoowo on, gam saliiɓe nanango seedinɓe ɗum der duuniyaaru ɗo daɗay kiita. Noy enen miiluɗen daɗiren to en kokkii baddanɗo en diga dow kammu ɓaawo?

Yuhaana Aranol 5:10

Goonɗinɗo *Ɓiɗɗo Alla fu, heɓii seedaaku ŋu der ɓerne mum. Mo goonɗinay Alla, laatinii mo pewoowo, gam o jaɓay seedaaku Alla seedanii Ɓiɗɗo mum.

Yuhaana Aranol 5:21

Sukaaɓe am, kakkilanee ko'e mooɗon e caafi tooruuje.

Kollitinki 1:1

Dewtere nee ɗo, e batana haalaaji asiiri ko Yeesu *Almasiihu holliti. Alla hollii mo ɗum, gam o holla gollotooɓe makko ko waroyta, ɓooyataa. Yeesu Almasiihu lilii malaykaajo mum gam o annina ɗum Yuhaana, maccuɗo makko.

Kollitinki 1:9

Min woni Yuhaana banniraawo mooɗon. Mi hawtii e mooɗon der toora, e der *Laamaare Yeesu *Almasiihu, e der tinnaare makko. Mi yaaraama e semme dow duunne wi'eteene Patimos gam mi waajike haala Alla, ceedaniimi Yeesu.

Kollitinki 12:11

Amma, ɓe jaalake mo gam daliila ƴiiƴam *Jawgiyel e gam haala seedaaku maɓɓe. Ɓe jiɗay yonki maɓɓe faa ɓe kula maayugo.

Kollitinki 12:17

Kuuŋa ŋan monnii debbo on sanne, yahi haɓoygo horiiɓe der lenyol makko, waato ɗowtaniiɓe ka Alla bati ko e seedanoo Yeesu.

Kollitinki 14:7

Oo bata e daane towne, oo wi'a: «Kulee Alla, teddinee mo, gam wakkati o hiitotoo warii. Cujidanee taguɗo kammu e leydi, e maayo, e ciiɓiije diyam!»

Kollitinki 15:4

Joomiraawo, moy woni mo hulataa ma? moy woni teddintaa inne maa? Gam an tan laatii Ceniiɗo. Lenyi fu waran sujida yeeso maa, gam ɓe ji'i no golle maa foonnitorii.»

Kollitinki 19:9

Malaykaajo wi'immi: "Winnu: ‟Barke woodani noddinaaɓe nyaamɗe teegal *Jawgiyel!" O wi'immi kade: "Haala Alla gooŋaha ka o bati nun ɗon."

Kollitinki 4:10

De ɗum waɗata ɗum fu, *dottiiɓe laso e nayo ɓen e jiccoo yeeso jooɗiiɗo dow kittaal laamu, ɓee cujidana yonkinteejo faa abada, ɓee paɗɗa meetali maɓɓe yeeso kittaal laamu, ɓee bi'a: