Kollitinki 16:9 - Bible Fulfulde Bénin New Testament

⁹ Guli cattuɗi waɗi himɓe. Ɓe jenni inne Alla gooduɗo baawɗe dow boneeji ɗin. Amma ɓe tuubay, ɓe teddina mo.

Kollitinki 16:9 ပူးပေါင်းရင်းမြစ်များ

Luka 13:3

Mii wi'a on aawo, amma onon bo to on baylitaaki tuubuɗon, on kalkan on fu, hande no maɓɓe.

Luka 13:5

Mii wi'a on aawo, amma onon bo to on baylitaaki tuubuɗon, on kalkan on fu hande no maɓɓe.»

Korintu ɗiɗaɓol 12:21

To mi yottake to mooɗon, mii hula to Alla am leesinammi caka mooɗon kade, mi wulla dow woɓɓe waɗunooɓe hakke ko ɓe tuubay ɓe acci coɓuɗum, e jeenu e baadiiji baanjaaji ɗi ɓe gaɗi.

Kollitinki 11:13

Wakkati mum, leydi dimmii e semme, go feccere wanŋarde sappo'awre mum halki. Dimmaaɗe leydi ɗen wari himɓe ujune jeeɗiɗo (7000). Den horiiɓe huli, hokki Alla mo dow kammu tedduŋal.

Kollitinki 14:7

Oo bata e daane towne, oo wi'a: «Kulee Alla, teddinee mo, gam wakkati o hiitotoo warii. Cujidanee taguɗo kammu e leydi, e maayo, e ciiɓiije diyam!»

Kollitinki 16:21

Malamalluuje mawɗe yani dow himɓe diga kammu. Malamalluuje ɗen teddugo woore mum fu waɗan kilo lasoy ɗiɗi. Himɓe yenni Alla sabbu bone malamalluuje ɗen, gam ɗum sattii puy.

Kollitinki 2:21

Mi hokkii mo wakkati gam o tuuba, amma o salike ko tuubi, o acca jeenu makko.

Kollitinki 9:20

Horiiɓe, ɓe boneeji ɗin waray, tuubay ko ɓe gaɗi, ɓe accay saafugo ginnaaji, e tooruuje gaɗiraaɗe kanŋeeri, e cardi, e janni boɗeeri, e kaaƴe, e leɗɗe. Tooruuje ɗen yi'ataa, ɗe nanataa, ɗe jahataa.