Kollitinki 16:6 - Bible Fulfulde Bénin New Testament

⁶ Gam ɓe deƴƴitii ƴiiƴam himɓe maaɗa e ɗam annabiiɓe, an bo, a hokkii ɓe ƴiiƴam ɓe jara! Ɓe keɓii ko haanani ɓe.»

Kollitinki 16:6 ပူးပေါင်းရင်းမြစ်များ

Matiye 7:2

Gam no kiitoriɗon woɓɓe, non kiitorteɗon. Etorde etiranɗon woɓɓe, kayre etiranteɗon.

Luka 12:48

Amma gollotooɗo mo annaa ko joomiraawo mum yiɗi, to waɗii baadi kaanuni fiya ɗum, o fiyete nun seɗɗa. Gam Kokkaaɗo puy, ƴamoyte puy, jowanaaɗo huune ɗuuɗɗum, ƴamoyte ko ɓuri ɗuuɗugo.»

Iburaninkeeɓe 10:29

To goɗɗo yawike *Ɓiɗɗo Alla, go o daarii ƴiiƴam alkawal ɗam Alla laaɓiniri mo huune baanji, go o yenni *Ruuhu kokkoowo en moƴƴere, e gooŋa, joomum heɓan kiita ɓuruka hallugo.

Kollitinki 11:18

Mone waɗii heeferɓe, amma mone maa wari. Wakkati kiitotoɗaa maayɓe waɗii, wakkati de barjotoɗaa annabiiɓe maa, gollanooɓe maa, waɗii, wakkati de barjotoɗaa himɓe maa, hulɓe inne maa waɗii, mawɓe e petton fu, wakkati bo waɗii de kalkataa halkooɓe leydi.»

Kollitinki 13:10

Mo ɗum resani nanŋee maccunnaaku, nanŋee. Mo ɗum resani waree e kaafahi, waree e kaafahi. Gam majjum sey himɓe Alla tinno, jogoo goonɗinki.

Kollitinki 13:15

Ŋa hokkaa baawɗe wattango tooruure nen yonki, faa ne bata gecca, ŋa waɗa mo sujidanay ne fu waree.

Kollitinki 18:20

Kammu, seya gam kalkol mayre! Onon himɓe Alla e lilaaɓe, e annabiiɓe, ceyee onon bo! Gam Alla hiitake ne ko ne waɗani on!»

Kollitinki 18:24

Ƴiiƴam annabiiɓe e ƴiiƴam himɓe Alla, e ɗam waraaɓe der duuniyaaru tawaama der maa.»

Kollitinki 19:2

Kiitaaji makko e laatii gooŋaaji, ɗii poonnitii! O hiitake kaaruwaajo mawɗo biisuɗo duuniyaaru e kaaruwaaku mum. Alla hiitake mo gam o reƴƴitii ƴiiƴam gollantooɓe ɗum."