Kollitinki 16:15 - Bible Fulfulde Bénin New Testament

¹⁵ [Joomiraawo wi'i: «Kettinee! Mii wara hande gujjo. Barke laatanii mo ɗaanaaki e reeni gineeji mum gam to o yahu funtu, himɓe yi'a centuɗum makko!]»

Kollitinki 16:15 ပူးပေါင်းရင်းမြစ်များ

Matiye 25:13

Gam majjum Yeesu wi'i: «Deenee, gam on annaa nyalaane, ɗum bo wakkatiire de *Ɓii neɗɗo warata.»

Matiye 26:41

To on ɗaane, du'ee, gam to on janee der jarbeeji. Gam ɓerne e yiɗi, amma ɓannu tampii.»

Marku 14:38

To on ɗaane, du'ee gam to jarbeeji tawa on. Ɓerne neɗɗo e yiɗi ɗowtaago, amma ɓannu e tampi.»

Luka 21:36

Gam majjum to on ɗaane, du'ee wakkati fu, gam keɓon semme daɗugo huune ko warata fu, keɓon bo daraago yeeso *Ɓii neɗɗo.»

Golle Lilaaɓe 20:31

Gam majjum, kakkilanee ko'e mooɗon, ciwtoron, ɗum waɗii duuɓi tati, jemma e nyalooma, mi accay seedingo moy mooɗon fu e gonɗi.

Korintu ɗiɗaɓol 5:3

To en naatii ŋol, en tawataake funtu.

Tesalonika Aranol 5:4

Amma onon banniraaɓe, on galaa der niwre hakko nyalaane nen juha on, hande no gujjo juhirta.

Tesalonika Aranol 5:6

Gam majjum to en ɗaane hande no woɓɓe ɗaanorii, amma en pinee, jogoɗen ko'e meeɗen.

Piyer Aranol 4:7

Huune fu ɓadake heennyugo, gam majjum gaɗee hakkillo, jogee ko'e mon gam gaɗon du'aaje.

Piyer Ɗiɗaɓol 3:10

Nyalaane Joomiraawo waran hande gujjo. Nyalaane nen, kammu majjitan e rimmo manŋo. Ko woni dow kammu fu halkete e yiite. Leydi e golle gaɗaaɗe dow mayri fu, hiitete.

Kollitinki 22:7

Yeesu wi'i: "Kettinee, mii wara ɓooyataa!" Barke laatani ɗowtaniiɗo ko woni der dewtere annabaaku nee ɗo.

Kollitinki 3:11

Mi faanake warugo. Joga ko gooduɗaa e semme, gam to goɗɗo etta meetalol maa.

Kollitinki 3:18

Ka batan maa mi nani: Soodu to am, kanŋeeri laaɓiniraani yiite, gam laatoɗaa jom jawdiijo. Soodu gineeji daneeji ɓornoɗaa, gam senteene funtu maa to yi'oo. Kade bo, soodu lekki gite mooma, gam ji'aa.