Kollitinki 14:4 - Bible Fulfulde Bénin New Testament

⁴ Himɓe ɓen tuuninay ko'e mum e rewɓe, gam ɓe jogake ko'e maɓɓe ɓee laaɓi. Ɓee tokki *Jawgiyel to ŋel yahata fu. Kamɓe woni sooditaaɓe diga caka himɓe, gam ɓe laatoo arteteeɓe sakkee Alla e Jawgiyel.

Kollitinki 14:4 ပူးပေါင်းရင်းမြစ်များ

Matiye 19:12

E woodi rimaaɓe e laatii waatoraaɓe. Woɓɓe bo himɓe nun watti ɓe ɗum. Woɓɓe kan ɓaŋataa gam daliila *Laamaare Alla. Baawuɗo ko jaɓi haala kan fu, jaɓa!»

Matiye 25:1

«Nyalaane mum, *Laamaare Alla nandan e gati sappo ɗi annaa worɓe ettuɗi fitillaaji mum, wurtii gam fottoygo e jommanjo gorko.

Matiye 8:19

Ɗon *Moodibbo tawreeta gom ɓattii mo, wi'i: «Moodibbo, mi tokkete to jahataa fu.»

Yuhaana 10:27

Baali am e nana daane am. Mii anni ɗi, ɗii tokkimmi.

Yuhaana 12:26

To goɗɗo e yiɗi jagganaago am, sey tokkammi. To gonmi fu, ɗon jagganiiɗo am bo wonata. *Baaba teddinan neɗɗo jaggantooɗo am.»

Yuhaana 13:37

Piyer wi'i mo: «Joomam, gam ume mi waawataa ko tokki maa jooni? Mi hokkitiran yonki am gam maa.»

Yuhaana 8:12

Yeesu baddi e maɓɓe kade, wi'i: «Min woni jayŋol duuniyaaru. Tokkuɗo am, yahataa e niwre abada, amma o heɓan jayŋol yonki.»

Golle Lilaaɓe 20:28

Kakkilanee ko'e mooɗon, kakkilonon hoggo ŋo *Ruuhu Ceniiɗo yowani on, laatoɗon durooɓe eklesiya Alla ŋa o heɓiri e ƴiiƴam makko .

Korintu Aranol 16:15

Banniraaɓe, ko eelanmi on woni, oon anni Estefanas e himɓe wuro mum, kamɓe nun arti goonɗini der leydi Akaya fu. Ɓe tinnake gollanaago himɓe Alla.

Korintu Aranol 6:20

gam Alla soodirii on e huune tedduɗum. Gam majjum, teddinee mo e ɓalli mooɗon.

Korintu Aranol 7:28

Amma ɓaŋuɗo waɗay gacce, gatol bo to ɓaŋaama, waɗay gacce. Amma annee no ɓaŋuɓe e woodi ɓillaaje der goonki mum. Kanji bo woni mi yiɗanaa on.

Korintu ɗiɗaɓol 11:2

Mii woodi yidde ne nawniraagu ƴiwune to Alla dow mooɗon. Mi ɗaɓɓanii on gorko gooto, kanko woni *Almasiihu. Mii yiɗi yaarugo on to makko hande gatol ŋol annaa gorko.

Efesu 1:14

Ruuhu Ceniiɗo on nun laatii hande torma barke ɗe desanaɗen. En keɓan ɗe to nyalaane kisidam men hebbidii. To non en maantee Alla, teddinen mo.

Efesu 5:27

O waɗii ɗum, heɓa o darina ka yeeso makko e tedduŋal, ka laatoo ceniika, ka walaa aybe, ɗum bo tuuni, maa bo boofol gom, e huune ko nandi e mum fu.

Timote Aranol 4:3

Ɓee kaɗa himɓe ɓaŋontirgo, e nyaamugo nyaamduuji goɗɗi. Amma Alla tagi nyaamduuji ɗin. Goonɗinɓe, annuɓe gooŋa fu, waawan ko yetti Alla, nyaama ɗi.

Iburaninkeeɓe 12:23

On garii to hawriine afuɓe, ɓe inɗe mum winnaa dow kammu. On garii to Alla kiitotooɗo himɓe fu, e to yonkiiji foonnitiiɓe hebbinaaɓe.

Yaakuuba 1:18

Kanko yiɗi ko waɗi en ɓiɓɓe makko, o rimitorii en e haala makko gooŋaha, gam laatoɗen hande ɓikkon leɗɗe artirkon.

Piyer Aranol 2:9

Amma onon, on laati nun lenyol cuɓaaŋol, on limaamiiɓe gollantooɓe Laamiiɗo, on himɓe lenyol ceniiŋol, on himɓe ɓe o suɓani hoore makko, gam baajoɗon haala golle makko geete. Kanko woni nodduɗo on, wurtini on der niwre, yaari on der jaygol mum kayniiŋol.

Kollitinki 17:14

Ɓe kaɓan e *Jawgiyel, amma ŋel jaaloto ɓe, gam kanŋel laatii Joomiraawo joomiraaɓe, e Laamiiɗo laamiiɓe. Wonduɓe e maggel, laatiiɓe noddaaɓe, e suɓaaɓe, e hoolaaɓe, jaalodinto e maggel.»

Kollitinki 21:22

Mi yi'ay suudu Alla der wanŋarde nen, gam Joomiraawo Alla mo baawɗe, e *Jawgiyel nun laatii suudu Alla mayre.

Kollitinki 21:23

Wanŋarde nen bukaaka naaŋe, naa bo lewru yaynana ɗum, gam tedduŋal Alla yaynanta ne, Jawgiyel laatii fitilla mayre.

Kollitinki 3:4

Amma, aa woodi der Sardis himɓe ɓe tuuninaay kolte mum. Ɓe ɓornoto kolte daneeje, ɓe jaada e am, gam ɓe potanii ɗum.

Kollitinki 5:9

Ɓee jima jimol kesol, ɓee bi'a der maggol: «An foti etta dewtere nen, takkitaa maaneeji mayre Gam a hiisaanoma, a sooditanike Alla himɓe e ƴiiƴam maa, diga lenyol fu, e ɗenŋal fu, himɓe fu, e diga leydi fu.