Kollitinki 14:3 - Bible Fulfulde Bénin New Testament

³ Himɓe ɓen e yima jimol kesol yeeso kittaal laamu, e yeeso tagaaɗum nayum yonkintejum, e yeeso *dottiiɓe. Goɗɗo waaway ko ekkitii jimol ŋol to hinaa himɓe ujune hemure e lasoy ɗiɗo e nayo (144 000), sooditaaɓe diga duuniyaaru.

Kollitinki 14:3 ပူးပေါင်းရင်းမြစ်များ

Korintu Aranol 1:18

Haala maayde Yeesu dow *leggal palaaŋal laati nun haaŋaare dow gite halkooɓe, amma dow meeɗen enen hisinaaɓe, ka laati nun baawɗe Alla.

Korintu Aranol 2:14

Mo heɓay *Ruuhu Alla waawataa ko jaɓi kujje Ruuhu, gam ɗe laatani mo nun haaŋaare. O waawataa ko anni ɗe, gam e ballal Ruuhu tan ɗe annitirtee.

Kollitinki 14:1

Den daarumi kade, go ji'umi *Jawgiyel e darii dow waanne Siyoona. Himɓe ujune hemure e lasoy ɗiɗo e nayo (144 000), e wondi e maggel. Inne maggel, e inne *Baaba maggel e winnaa dow tiiɗe maɓɓe.

Kollitinki 15:3

Ɓee jima jimol Muusa, jaggiiɗo Alla, e ŋol *Jawgiyel, ɓee bi'a: «Joomiraawo Alla mo baawɗe, golle maa e mawni, e haayɗinii! Laabi maa e foortii, e laatii gooŋaaji, an laamaniiɗo leyɗeele!

Kollitinki 2:17

Gooduɗo noppi, nana ko *Ruuhu batata eklesiyaaji! Jaaliiɗo, mi hokkan ɗum nyaamdu suuɗiinu, wi'eteenu “maannu”. Mi hokkan mo bo, kaaƴel daneyel. Dow maggel, inne heyre e winnaa. Goɗɗo annaa inne nen to hinaa kokkaaɗo ne."

Kollitinki 5:9

Ɓee jima jimol kesol, ɓee bi'a der maggol: «An foti etta dewtere nen, takkitaa maaneeji mayre Gam a hiisaanoma, a sooditanike Alla himɓe e ƴiiƴam maa, diga lenyol fu, e ɗenŋal fu, himɓe fu, e diga leydi fu.

Kollitinki 7:4

Den nanumi limgal waɗanaaɓe maane dow tiiɗe mum: Ɓe gaɗii himɓe ujune hemure e lasoy ɗiɗo e nayo (144 000) ƴiwuɓe diga lenyi Isira'iilaaɓe fu.