Kollitinki 12:9 - Bible Fulfulde Bénin New Testament

⁹ Kuuŋa manŋa ŋan wurtinaama yaasi. Kanŋa woni boddi nayeeri, bi'eteeni *Ibiliisa e *Seyɗan, jarbotooɗo duuniyaaru fu. O faɗɗaama e leydi, e malaykaaɓe makko fu.

Kollitinki 12:9 ပူးပေါင်းရင်းမြစ်များ

Matiye 13:39

Ganyo aawuɗo fuɗo kalluko woni *Ibiliisa, dugge laati nun nyalaane darŋal, ruggooɓe bo laatii *malaykaaɓe.

Matiye 24:24

Gam almasiihuuɓe e annabiiɓe fewrekuuɓe waraan. Ɓe gaɗan kaayeefiiji mawɗi, e haaynaareeji ɗuuɗɗi, gam ɓe majjina baa e suɓaaɓe, to waɗoto.

Matiye 25:41

Ɓaawo majjum, o wi'an wonuɓe junŋo makko nano: ‟Dillee woɗɗi am, onon ya'aaɓe! Naatee der yiite tabitiiŋe, desanaaŋe Ibiliisa e malaykaaɓe mum!

Matiye 4:1

Ɓaawo majjum, *Ruuhu Ceniiɗo yaari Yeesu der haro gam *Ibiliisa jarboo mo.

Matiye 4:10

Yeesu toontii mo, wi'i: «Dillu diga ɗon, an *Ibiliisa, gam e winnii der dewtere: ‟Sujidan Alla Joomiraawo maaɗa, kanko tan teddintaa!”»

Matiye 4:5

*Ibiliisa yaari mo wanŋarde seniine, ɓili mo dow suudu Alla to ɓuri towugo.

Matiye 4:8

*Ibiliisa yaari mo kade dow waanne towune puy. O holli mo laamaareeji duuniyaaru fu e tedduŋal majji.

Luka 10:18

Yeesu toontii ɓe wi'i: «Mi yi'ii Seyɗan yanoy diga dow kammu hande maaƴƴere.

Luka 13:16

Debbo oo ɗo bo, mo lenyol Iburahiima nun, Seyɗan haɓɓii mo diga duuɓi sappo e jeetati, haanay o fiirtee der nyalaane siwteteene na?»

Luka 22:3

Den Seyɗan naati der Yahuuda bi'eteeɗo Iskariyot, gooto der aahiiɓe sappo e ɗiɗo.

Luka 22:31

Joomiraawo wi'i: «Simon, Simon, *Seyɗan eelii wesa on hande gawri.

Luka 8:12

Sera laawol to awdiiri nin saami e nandi hande hettiniiɓe haala Alla. To ɓe nanii ka, Seyɗan wara sutta ka der ɓerɗe maɓɓe gam to ɓe goonɗin, hakko ɓe kisa.

Yuhaana 12:31

Jooni woni kiita duuniyaaru. Jooni laamiiɗo duuniyaaru nuu, tippetee yaasi.

Yuhaana 14:30

Mi baddataa kade e mooɗon ko ɗuuɗi, gam laamiiɗo duuniyaaru nuu e wara. Baa goɗɗum o waawataa e am,

Yuhaana 16:11

Dow kiita, ɓee boofa gam laamiiɗo duuniyaaru hiitaama ko.

Yuhaana 8:44

*Seyɗan woni baaba mooɗon. Jiɗaaɗi baaba mooɗon gaɗoton. Baroowo nun o laatii diga fuɗɗoode. O walaa der gooŋa, gam gooŋa walaa der makko. To oo bata fewre, jikku makko nun, gam oo pewoowo, oo baaba fewre.

Golle Lilaaɓe 26:18

gam bumtinaa ɓe, kogitaa ɓe e niwre, ɓe gara der jayŋol, ɓe burtoo e junŋo Ibiliisa, ɓe gara to Alla, ɓe keɓa yaafeego hakkeeji, ɓe keɓa joonne maɓɓe e himɓe Alla gam ɓe goonɗinii am.”»

Golle Lilaaɓe 5:3

Piyer wi'i mo: «Ananiyas, ko waɗi accuɗaa *Seyɗan naati e ɓerne maa faa pewanɗaa *Ruuhu Ceniiɗo, cuuɗuɗaa ceede leydi nin goɗɗe mum?

Roma 16:18

Gam himɓe ɓen, *Almasiihu Joomiraawo meeɗen bane ɓe gollantoo, amma deeɗi maɓɓe. E haalaaji belɗi, eytooji ɓe jarbortoo himɓe ɓe walaa hakkillo.

Roma 16:20

Alla kokkoowo jam muunyitan *Seyɗan yeeso seɗɗa ley koyɗe mooɗon. Moƴƴere Joomiraawo meeɗen Yeesu wonda e mooɗon!

Korintu ɗiɗaɓol 11:14

Ɗum haaynaaki, gam baa *Seyɗan e nandina hoore mum hande malaykaajo mo jayŋol.

Korintu ɗiɗaɓol 11:3

Amma mii woodi kulol to hakkillo mooɗon waylitoo, accon yiɗugo Almasiihu e ɓerɗe goote, laaɓuɗe, nandon hande Hawwa, mo boddi ƴoyri.

Korintu ɗiɗaɓol 12:7

Ko ji'umi e mawni. Amma gam to mi mawnito, Alla wattanii am goɗɗum der ɓannu, hande gi'al. Eŋal laatii hande lilaaɗo *Seyɗan. Eŋal fiyammi, gam haɗugo am mawnitaago.

Korintu ɗiɗaɓol 2:11

heɓa to *Seyɗan jaaloo en, gam een anni dabareeji makko no wooɗi.

Korintu ɗiɗaɓol 4:4

Kamɓe, ɓe goonɗinay, gam Seyɗan wuminii hakkillo maɓɓe. O waɗii ɗum gam to ɓe ji'u jayŋol linjiila kolloowa tedduŋal *Almasiihu, laatiiɗo nandi Alla.

Efesu 4:14

Den, en laatataako kade sukaaɓe wifitinteeɓe nokku fu, hande laanayel diyam ŋel galmaaji diyam yaarata to yiɗi. Den bo, janŋinooɓe pewe majjintaa en e ƴoyre mum.

Tesalonika Ɗiɗaɓol 2:3

To on accee goɗɗo ƴoyra on baa dow laawol ŋole. Gam nyalaane nen warataa to hinaa himɓe ɗuuɓɓe yeddi Alla, neɗɗo kalluɗo, laatiiɗo ɓii halkere suppitoo.

Timote Aranol 2:14

Kade bo Aadamu bane *Seyɗan jarbii, debbo nun jarbaa, go o ƴaartii sariya Alla.

Timote Ɗiɗaɓol 3:13

Amma halluɓe e hiilooɓe, ɓeydoto e halla. Ɓe majjinan woɓɓe, gam kamɓe bo ɓee majji.

Iburaninkeeɓe 2:14

Hande no ɓiɓɓe woodiri ɓannu e ƴiiƴam, hande non Yeesu bo ettiri ɓannu, laatii hande maɓɓe. O waɗii ɗum gam diga e maayde makko, o halka baawɗe laamaniiɗo maayde, waato *Seyɗan.

Piyer Aranol 5:8

Kakkilee, oon deeni! Gam ganyo mooɗon *Ibiliisa e yiilito hande jaggere kalɓoore, dartoore mo ne ƴakkata.

Yuhaana Aranol 5:19

Een anni en himɓe Alla, go duuniyaaru fu e woni der junŋo Ibiliisa.

Yahuuda 1:9

Baa Mika'iilu, hooreejo malaykaaɓe batay kalluka dow *Seyɗan wakkati ɓe jeddontirtano dow ɓannu Muusa. Ka o bati tan woni, o wi'i: «Joomiraawo hiitee.»

Kollitinki 12:12

Gam majjum, kammu e jooɗiiɓe der mum, belbeltee! Amma leydi e maayo, bone woodani on! Gam *Seyɗan jippanake on e mone mawne, gam oo anni wakkati seɗɗa horanii mo.»

Kollitinki 12:3

Maane gom kade hollitii dow kammu, go kuuŋa gom boɗeya, manŋa, hollitii. Ŋaa woodi ko'e jeeɗiɗi e galalɗi sappo, hoore fu e woodi meetalol laamu.

Kollitinki 12:7

Go konu ummii dow kammu. Malaykaajo bi'eteeɗo Mika'iilu, e malaykaaɓe mum, haɓidi e kuuŋa ŋan, kanŋa bo, ŋa haɓidi ɓe, e malaykaaɓe magga.

Kollitinki 12:8

Amma kuuŋa ŋan waaway jaalaago, kanŋa e malaykaaɓe magga fu, ɓe dulli jayri maɓɓe dow kammu.

Kollitinki 13:14

Ŋa ƴoyri himɓe duuniyaaru e kaayeefiiji. Ŋa hokkaama baawɗe waɗugo kaayeefiiji ɗin yeeso bisaa arana. Ŋa bati himɓe duuniyaaru waɗa tooruure nandune e bisaa nawnaaŋa e kaafahi ko daɗi.

Kollitinki 16:14

Ginnaaji ɗin ƴiwii e *Seyɗan. Ɗii gaɗa maaneeji, ɗii jaha to laamiiɓe duuniyaaru fu, ɗii kawrita ɓe gam ɓe kaɓa konu nyalaane darŋal, nyalaane Alla mo baawɗe.

Kollitinki 18:2

O batii e daane towne, o wi'i: «Ne yanii! Babiila wanŋarde mawne yanii! Ne laatike wonorde ginnaaji, e suuɗorde ruuhuuji coɓuɗi, e suuɗorde pooli coɓuɗi, e elliniiɗi fu!

Kollitinki 18:23

Jayŋol fitilla yaynataa der maa. Daane jommanjo gorko e jommanjo debbo nanataake kade der maa. Gam tenkuuɓe maa laatinoo mawɓe der leydi. A jammike leyɗeele ɗuuɗɗe e dobo dobooje maa.

Kollitinki 19:20

Bisaa ŋan nanŋaa maɓɓaa, kanŋa e annabiijo pewoowo gaɗunooɗo haaynaareeji yeeso magga. E haaynaareeji ɗin o jammoriinoo wooduɓe maane bisaa, e sujidanooɓe foto magga. Ɓe fu ɗiɗo, ɓe paɗɗaa e yonki der maayo yiite kuɓɓoowe, e kibiriita.

Kollitinki 2:13

Mii anni to jooɗiɗaa, ɗon nun laamorde *Seyɗan woni. Aa jogii inne am, a yedday goonɗingo am baa der wakkati Antipas seedeejo am koolaaɗo waraa caka mooɗon, to Seyɗan woni.

Kollitinki 2:24

Amma onon horiiɓe der Tiyatira, onon ɓe tokkay laawol ŋol, onon ɓe annaa ko woɓɓe wi'ata “asiiri *Seyɗan lugguɗo”, mi yowantaa on dongal kuuŋal.

Kollitinki 2:9

Mii anni toora maa, e talakaaku maa, baa no aa jom jawdiijo. Mii anni kalluka ka wi'ooɓe e laatii *Yahuduuɓe batata dow maa. Amma fewre, ɓe laati nun jama'aare saafooɓe *Seyɗan.

Kollitinki 20:10

Seyɗan jammotooɗo ɓe, faɗɗaa der maayo yiite e kibiriita, to bisaa e annabiijo pewoowo woni. Ɗon nun ɓe toorotoo jemma e nyalooma, faa abada.

Kollitinki 20:8

O jammoto leyɗeele gonuɗe der gooraaje duuniyaaru naay, waato Gog, e Magog. O hawritan ɗe gam konu, ɗe ɗuuɗan hande jaaneeri maayo.

Kollitinki 3:9

Daaru, mi hokkete jama'aare sujidanooɓe *Seyɗan, wi'ooɓe ko'e mum ɓee laatii *Yahuduuɓe, amma fewre. Mi accan ɓe gara ɓe jiccoo ley koyɗe maa, den ɓe paaman mii yiɗu ma.

Kollitinki 9:1

Malaykaajo joyaɓo fuuri walaldu mum. Den ji'umi hoodere ƴiwi dow kammu yani e leydi. Ne hokkaa maɓɓitirgel ɓunnu lugguŋol ŋol walaa kaddi.

Kollitinki 9:20

Horiiɓe, ɓe boneeji ɗin waray, tuubay ko ɓe gaɗi, ɓe accay saafugo ginnaaji, e tooruuje gaɗiraaɗe kanŋeeri, e cardi, e janni boɗeeri, e kaaƴe, e leɗɗe. Tooruuje ɗen yi'ataa, ɗe nanataa, ɗe jahataa.