Kollitinki 12:11 - Bible Fulfulde Bénin New Testament

¹¹ Amma, ɓe jaalake mo gam daliila ƴiiƴam *Jawgiyel e gam haala seedaaku maɓɓe. Ɓe jiɗay yonki maɓɓe faa ɓe kula maayugo.

Kollitinki 12:11 ပူးပေါင်းရင်းမြစ်များ

Luka 14:26

«Garuɗo to am ko wanyay baaba mum, e inna mum, e debbo mum, e sukaaɓe mum, e miiraaɓe mum, e sakikiraaɓe mum, e kanun e hoore mum, o waawataa ko laatii aahiijo am.

Yuhaana 16:33

Mi batii on ɗum, gam keɓon jam der kawtal mooɗon e am. Oon gonii e ɓillaare der duuniyaaru. Amma tinnee, gam mi jaalike duuniyaaru.»

Golle Lilaaɓe 20:24

Amma mi daaray yonki am hande kii laatanii am tedduki, mi heɓa ni yottinoygo e welwelo golle ɗe Yeesu Joomiraawo halfinimmi, kanje woni waajaago *linjiila ka moƴƴere Alla.

Golle Lilaaɓe 21:13

Pol toontii, wi'i: «Koni bullanton am, oon tampinammi? Min, mi siriyake, hinaa haɓɓeego tan, amma mi maaya *Urusaliima gam inne Yeesu Joomiraawo.»

Roma 16:20

Alla kokkoowo jam muunyitan *Seyɗan yeeso seɗɗa ley koyɗe mooɗon. Moƴƴere Joomiraawo meeɗen Yeesu wonda e mooɗon!

Korintu Aranol 15:57

Yettoore laatanoo Alla kokkoowo en jaalaago diga e Joomiraawo meeɗen Yeesu *Almasiihu.

Yuhaana Aranol 4:4

Sukaaɓe am, onon on himɓe Alla, on jaalake annabiiɓe fewooɓe, gam *Ruuhu gonɗo der mooɗon e ɓuri gonɗo der duuniyaaru semme.

Yuhaana Aranol 5:5

Moy waawata ko jaali duniyaaru? Walaa, to hinaa goonɗinɗo Yeesu nun woni Ɓiɗɗo Alla.

Kollitinki 1:2

Yuhaana seedake ko o yi'i fu, o batii haala Alla, o seedii ko Yeesu Almasiihu holliti.

Kollitinki 1:9

Min woni Yuhaana banniraawo mooɗon. Mi hawtii e mooɗon der toora, e der *Laamaare Yeesu *Almasiihu, e der tinnaare makko. Mi yaaraama e semme dow duunne wi'eteene Patimos gam mi waajike haala Alla, ceedaniimi Yeesu.

Kollitinki 11:7

To ɓe gaynii seedaaku maɓɓe, tewuwa gom wurtoto diga gayka lugguka, haɓa e maɓɓe, jaaloo ɓe, wara ɓe.

Kollitinki 12:17

Kuuŋa ŋan monnii debbo on sanne, yahi haɓoygo horiiɓe der lenyol makko, waato ɗowtaniiɓe ka Alla bati ko e seedanoo Yeesu.

Kollitinki 19:10

Jicciimi ley koyɗe makko, gam mi sujidana mo, amma o wi'immi: "Taa waɗu ɗum! Min bo, mi gollantooɗo Alla nun hande maa, e hande banniraaɓe maa jogiiɓe seedaaku Yeesu. Sujidan Alla!" Gooŋa ka Yeesu holliti, kanka nun hokki annabiiɓe haala ka ɓe bati dow makko.

Kollitinki 2:13

Mii anni to jooɗiɗaa, ɗon nun laamorde *Seyɗan woni. Aa jogii inne am, a yedday goonɗingo am baa der wakkati Antipas seedeejo am koolaaɗo waraa caka mooɗon, to Seyɗan woni.

Kollitinki 2:17

Gooduɗo noppi, nana ko *Ruuhu batata eklesiyaaji! Jaaliiɗo, mi hokkan ɗum nyaamdu suuɗiinu, wi'eteenu “maannu”. Mi hokkan mo bo, kaaƴel daneyel. Dow maggel, inne heyre e winnaa. Goɗɗo annaa inne nen to hinaa kokkaaɗo ne."

Kollitinki 2:26

Jaaliiɗo, gaɗuɗo golle am faa heennyitirde, mi hokkan ɗum baawɗe dow lenyi himɓe.

Kollitinki 2:7

Gooduɗo noppi fu, nana ko *Ruuhu batata eklesiyaaji! Jaaliiɗo fu, mi hokkan ɗum nyaama ɓiɓɓe leggal yonki gonuŋal der aljanna Alla.»

Kollitinki 20:4

Den ji'umi kittaaje laamu e jooɗiiɓe dow majje. Ɓe kokkaama baawɗe hiitaago. Den ji'umi yonkiiji ɓe ko'e mum wudditaa gam ɓe ceedanike Yeesu, e gam ɓe baajike haala Alla. Ɓe cujidanaay bo bisaa, e foto mum. Ɓe keɓay maane dow tiiɗe, ɗum bo e juuɗe maɓɓe. Ɓe pintii, ɓe laamodii e *Almasiihu duuɓi ujuneere.

Kollitinki 3:12

Jaaliiɗo fu, mi waɗan ɗum darŋanal der suudu Alla am, o wurtataako e mayru abada. Mi winnan dow makko inne Alla am, e inne wanŋarde Alla am, waato *Urusaliima kesol, ƴiwoowol diga dow kammu, to Alla am. Mi winnan bo dow makko, inne am heyre.

Kollitinki 3:21

Jaaliiɗo fu, mi jooɗinan ɗum dow kittaal *Laamaare am, hande no jaaloriimi go jooɗodiimi e baaba am dow kittaal Laamaare mum.

Kollitinki 3:5

Hande non, jaaliiɗo fu ɓornoto kolte daneeji. Mi moytataa inne makko diga dewtere yonki pay. Mi seedoto yeeso *Baaba am e yeeso malaykaaɓe mum, oo laatii mo am.

Kollitinki 6:9

No *Jawgiyel takkiti maane jowawre, den ji'umi ley hiisirde, yonkiiji waraaɓe gam haala Alla, e gam seedaaku ŋu ɓe ceedanii mo.