Kollitinki 12:10 - Bible Fulfulde Bénin New Testament

¹⁰ Den nanumi daane towne diga dow kammu, e wi'a: «Jooni, kisidam, e semme, e *Laamaare Alla meeɗen, e baawɗe *Almasiihu makko warii. Gam gaccotooɗo banniraaɓe meeɗen, to Alla jemma e nyalooma fu riiwaama diga dow kammu.

Kollitinki 12:10 ပူးပေါင်းရင်းမြစ်များ

Matiye 26:64

Yeesu toontii mo, wi'i: «A batii ka. Ka batanmi woni: Diga jooni, on ji'an *Ɓii neɗɗo e jooɗii nyaamo Jom Baawɗe, o waran diga dow kammu.»

Matiye 28:18

O ɓattii, o wi'i ɓe: «Mi hokkaama baawɗe dow kammu e leydi fu.

Matiye 6:10

*Laamaare maa wara. Sago maa laatoo dow leydi, hande no ŋo laatorii dow kammu.

Luka 11:2

Yeesu wi'i ɓe: «To oon du'oo, bi'ee: *Baaba, inne maa seniine teddinee. *Laamaare maa wara.

Luka 22:31

Joomiraawo wi'i: «Simon, Simon, *Seyɗan eelii wesa on hande gawri.

Korintu Aranol 5:4

De kawritiɗon fu, hakkillo am e wondi e mooɗon, gaɗee ɗum ɗo e baawɗe Joomiraawo meeɗen Yeesu:

Korintu ɗiɗaɓol 12:9

Amma o wi'i: «moƴƴere am heƴii maa, gam baawɗe am e hebba der dullere semme.» Gam majjum mi jurorto tampe am, gam baawɗe *Almasiihu wonoo der am.

Titus 2:3

Batu rewɓe nayeeɓe bo, wonoo hande no haani rewɓe goonɗinɓe wonoroo. To ɓe laatoo nyo'ooɓe himɓe, ɗum bo horɓe bagi. Amma ɓe laatoo ekkitinooɓe ko wooɗi.

Piyer Aranol 5:8

Kakkilee, oon deeni! Gam ganyo mooɗon *Ibiliisa e yiilito hande jaggere kalɓoore, dartoore mo ne ƴakkata.

Kollitinki 11:15

Malaykaajo jeeɗiɗaɓo fuuri walaldu mum. Den daaɗe towɗe nanaa dow kammu, e wi'a: «Baawɗe laamanaago duuniyaaru fu laatanike Joomiraawo meeɗen e *Almasiihu mum. O laamoto faa abada!»

Kollitinki 2:26

Jaaliiɗo, gaɗuɗo golle am faa heennyitirde, mi hokkan ɗum baawɗe dow lenyi himɓe.

Kollitinki 7:10

Ɓee bata e daaɗe towɗe ɓee bi'a: «Kisidam men ƴiwii diga e Alla meeɗen, jooɗiiɗo dow kittaal laamu, kanko e Jawgiyel.»