Kollitinki 11:15 - Bible Fulfulde Bénin New Testament

¹⁵ Malaykaajo jeeɗiɗaɓo fuuri walaldu mum. Den daaɗe towɗe nanaa dow kammu, e wi'a: «Baawɗe laamanaago duuniyaaru fu laatanike Joomiraawo meeɗen e *Almasiihu mum. O laamoto faa abada!»

Kollitinki 11:15 ပူးပေါင်းရင်းမြစ်များ

Matiye 24:31

Walaldu mawnu fuurete. O lilan malaykaaɓe makko der gooraaje leydi naay, lettugal e gorgal, soɓɓiire e hoore fuɗo, gam hawritingo suɓaaɓe makko wonuɓe der duuniyaaru fu.

Matiye 6:13

Taa accu men naata der jarbeeji, amma hisin men diga e Kalluɗo. [Gam an nun laamaare, e baawɗe, e tedduŋal fu woodani faa abada. Aami!]”

Luka 1:33

O laamoto dow wuro *Yaakuubu faa abada, laamaare makko heennyataa.»

Luka 15:10

Mii bata on, non non nun bo malaykaaɓe Alla seyorto to hakkeejo gooto tuubii.»

Luka 15:6

o hoora wuro makko, den o noddina igooɓe makko e wondaaɓe makko, o wi'a ɓe: ‟Ceyodee am, gam mi yiitii baala am majjunooŋa.”

Golle Lilaaɓe 4:26

Laamiiɓe leydi ummake, ardiiɓe hawriti gam haɓa e Joomiraawo e *Almasiihu muuɗum .”

Iburaninkeeɓe 1:8

Amma dow Ɓiɗɗo, o wi'i: «Laamu maa, an Alla, wonoo faa abada! A laamoranto himɓe maa e sawru foonnitaare.

Kollitinki 10:7

Amma nyaanne malaykaajo jeeɗiɗaɓo fuurata walaldu mum, Alla hebbinan asiiri mum. Ɗum laatoto hande no o batirnoo annabiiɓe gollantooɓe mo habaru belɗo.»

Kollitinki 12:10

Den nanumi daane towne diga dow kammu, e wi'a: «Jooni, kisidam, e semme, e *Laamaare Alla meeɗen, e baawɗe *Almasiihu makko warii. Gam gaccotooɗo banniraaɓe meeɗen, to Alla jemma e nyalooma fu riiwaama diga dow kammu.

Kollitinki 15:4

Joomiraawo, moy woni mo hulataa ma? moy woni teddintaa inne maa? Gam an tan laatii Ceniiɗo. Lenyi fu waran sujida yeeso maa, gam ɓe ji'i no golle maa foonnitorii.»

Kollitinki 16:17

Malaykaajo jeeɗiɗaɓo reƴƴiti jarirgel mum dow hennu, daane towne gom nanaa diga kittaal laamu, der suudu Alla e wi'a: «Ɗum heennyii!»

Kollitinki 17:14

Ɓe kaɓan e *Jawgiyel, amma ŋel jaaloto ɓe, gam kanŋel laatii Joomiraawo joomiraaɓe, e Laamiiɗo laamiiɓe. Wonduɓe e maggel, laatiiɓe noddaaɓe, e suɓaaɓe, e hoolaaɓe, jaalodinto e maggel.»

Kollitinki 19:1

Ɓaawo majjum, nanumi daane towne hande daane jama'aare ɗuunne dow kammu, e wi'a: "Aleluya ! Kisidam, e tedduŋal, e baawɗe laatanii Alla meeɗen.

Kollitinki 19:6

Den nanumi hande daane jama'aare ɗuunne, e hande rimmo diyam ɗuuɗɗam, e kade hande riggaaŋo manŋo, e wi'a: "Aleluya! Alla Joomiraawo meeɗen, mo baawɗe, laamake.

Kollitinki 20:4

Den ji'umi kittaaje laamu e jooɗiiɓe dow majje. Ɓe kokkaama baawɗe hiitaago. Den ji'umi yonkiiji ɓe ko'e mum wudditaa gam ɓe ceedanike Yeesu, e gam ɓe baajike haala Alla. Ɓe cujidanaay bo bisaa, e foto mum. Ɓe keɓay maane dow tiiɗe, ɗum bo e juuɗe maɓɓe. Ɓe pintii, ɓe laamodii e *Almasiihu duuɓi ujuneere.

Kollitinki 8:12

Malaykaajo nayaɓo fuuri walaldu mum. Den feccere naaŋe, e lewru, e koode tatawre fiyaa. No ɗum fiyaa, go feccere majjum tatawre niɓɓi, jemma e nyalooma bo majjini feccere jayŋol mum tatawre.

Kollitinki 9:1

Malaykaajo joyaɓo fuuri walaldu mum. Den ji'umi hoodere ƴiwi dow kammu yani e leydi. Ne hokkaa maɓɓitirgel ɓunnu lugguŋol ŋol walaa kaddi.

Kollitinki 9:13

Malaykaajo jeego'aɓo fuuri walaldu mum. Den nanumi daane ƴiwii to galalɗi hiisirde naay ne kanŋeeri, gonune yeeso Alla.