Kollitinki 1:9 - Bible Fulfulde Bénin New Testament

⁹ Min woni Yuhaana banniraawo mooɗon. Mi hawtii e mooɗon der toora, e der *Laamaare Yeesu *Almasiihu, e der tinnaare makko. Mi yaaraama e semme dow duunne wi'eteene Patimos gam mi waajike haala Alla, ceedaniimi Yeesu.

Kollitinki 1:9 ပူးပေါင်းရင်းမြစ်များ

Matiye 20:23

O wi'i ɓe: «Gooŋa nun, on baawan. Amma jooɗaago nyaamo am e nano am, min bane hokkata ɗum. Ɓee ɗo *Baaba am siryanii joonɗe ɗen nun heɓata ɗe.»

Marku 10:39

Ɓe toontii mo, ɓe bi'i: «Ee, men baawan.» Yeesu wi'i ɓe: «On jaran bone hande no jarirammi, mutineɗon der toora hande no gaɗanteemi bo.

Yuhaana 16:33

Mi batii on ɗum, gam keɓon jam der kawtal mooɗon e am. Oon gonii e ɓillaare der duuniyaaru. Amma tinnee, gam mi jaalike duuniyaaru.»

Golle Lilaaɓe 1:15

Der balɗe ɗen goonɗinɓe hawruɓe ɗon waɗii jaka hewre e laso. Piyer ummii, darii caka maɓɓe, wi'i:

Golle Lilaaɓe 14:22

ɓee cemmiɗina ɓerɗe goonɗinɓe, ɓe baajii ɓe ɓe daroo der goonɗinki, ɓe bi'i: «Sey e tooraaji ɗuuɗɗi naatirten *Laamaare Alla.»

Roma 8:17

To een laatii ɓiɓɓe Alla, en donan ko Alla resani himɓe mum. En donidan ɗum e *Almasiihu. To en toorodike e makko, en donidan bo tedduŋal e makko.

Roma 8:25

Amma to een tammihii ko en ji'ataa yottoto, en kettinto ɗum e munyal.

Korintu ɗiɗaɓol 1:7

Emen goodi hoolaare dow mooɗon puy. Emen anni no goodirɗon geɗu e tooraaji amen, non non bo goodirɗon geɗu der deƴƴitinki ki men goodi.

Filippi 1:7

E fotti, mii woodi miilooji ɗii dow mon on fu, gam mii watti on der ɓerne am. Gam baa no kaɓɓaami callalluuji gam mi seedanake linjiila tabbitinmi ka, on darorake am, on kawtii e am der moƴƴere ne.

Filippi 4:14

Amma e nun, on gaɗii ko wooɗi, no balluɗon am der toora am.

Tesalonika Ɗiɗaɓol 3:5

Joomiraawo acca ɓerɗe mooɗon yiɗa Alla, munyon hande no *Almasiihu munyiri!

Timote Ɗiɗaɓol 1:8

Gam majjum taa sentu seedanaago Joomiraawo meeɗen. Taa sentu bo seedanaago am, min maɓɓaaɗo der kasu gam makko. Hawtu e am der tooraaji gam *linjiila, jaka baawɗe ɗe Alla hokku maa.

Iburaninkeeɓe 10:36

E gooŋa, oon goodi bukaata munyal, gam keɓon ko Alla haɓɓani on alkawal, to on gaɗii ko o yiɗi.

Piyer Aranol 5:1

Jooni emii badda *dottiiɓe eklesiya wonɓe caka mon, gam min bo mii dottiijo hande maɓɓe. Mi seedake tooraaji *Almasiihu, mi wonoto der tedduŋal ŋal o hollitoyta.

Kollitinki 1:1

Dewtere nee ɗo, e batana haalaaji asiiri ko Yeesu *Almasiihu holliti. Alla hollii mo ɗum, gam o holla gollotooɓe makko ko waroyta, ɓooyataa. Yeesu Almasiihu lilii malaykaajo mum gam o annina ɗum Yuhaana, maccuɗo makko.

Kollitinki 1:2

Yuhaana seedake ko o yi'i fu, o batii haala Alla, o seedii ko Yeesu Almasiihu holliti.

Kollitinki 1:4

Min Yuhaana nun winnani eklesiyaaji jeeɗiɗi tawaaɗi der leydi Asiya. Moƴƴere, e jam laatanoo on diga e Alla gonuɗo, e goonnooɗo, e garoowo. Ɗum laatanoo on diga e ruuhuuji jeeɗiɗi, gonuɗi yeeso kittaal *Laamaare makko.

Kollitinki 1:6

O laatinii en laamiiɓe, e *Limaamiiɓe Alla baabiiko. Tedduŋal e Laamaare laatanoo mo, duuɓi duuɓaali. Aami.

Kollitinki 11:7

To ɓe gaynii seedaaku maɓɓe, tewuwa gom wurtoto diga gayka lugguka, haɓa e maɓɓe, jaaloo ɓe, wara ɓe.

Kollitinki 12:11

Amma, ɓe jaalake mo gam daliila ƴiiƴam *Jawgiyel e gam haala seedaaku maɓɓe. Ɓe jiɗay yonki maɓɓe faa ɓe kula maayugo.

Kollitinki 12:17

Kuuŋa ŋan monnii debbo on sanne, yahi haɓoygo horiiɓe der lenyol makko, waato ɗowtaniiɓe ka Alla bati ko e seedanoo Yeesu.

Kollitinki 13:10

Mo ɗum resani nanŋee maccunnaaku, nanŋee. Mo ɗum resani waree e kaafahi, waree e kaafahi. Gam majjum sey himɓe Alla tinno, jogoo goonɗinki.

Kollitinki 14:12

Gam majjum sey himɓe Alla, ɗowtaniiɓe ka o bati, go e goonɗini Yeesu heɓa munyal.

Kollitinki 19:10

Jicciimi ley koyɗe makko, gam mi sujidana mo, amma o wi'immi: "Taa waɗu ɗum! Min bo, mi gollantooɗo Alla nun hande maa, e hande banniraaɓe maa jogiiɓe seedaaku Yeesu. Sujidan Alla!" Gooŋa ka Yeesu holliti, kanka nun hokki annabiiɓe haala ka ɓe bati dow makko.

Kollitinki 20:4

Den ji'umi kittaaje laamu e jooɗiiɓe dow majje. Ɓe kokkaama baawɗe hiitaago. Den ji'umi yonkiiji ɓe ko'e mum wudditaa gam ɓe ceedanike Yeesu, e gam ɓe baajike haala Alla. Ɓe cujidanaay bo bisaa, e foto mum. Ɓe keɓay maane dow tiiɗe, ɗum bo e juuɗe maɓɓe. Ɓe pintii, ɓe laamodii e *Almasiihu duuɓi ujuneere.

Kollitinki 3:10

A jogake haala am, a munyii sanne. Gam majjum, min bo, mi reenete der wakkati ɓillaare garanoore duuniyaaru gam foonna himɓe.

Kollitinki 6:9

No *Jawgiyel takkiti maane jowawre, den ji'umi ley hiisirde, yonkiiji waraaɓe gam haala Alla, e gam seedaaku ŋu ɓe ceedanii mo.

Kollitinki 7:14

Toonti moo mi: «Joomiraawo am, an nun anni.» Go o wi'immi: «Kamɓe woni ƴiwoyɓe diga toora mawka. Ɓe loonnii toggooje maɓɓe, ɓe dawnini ɗe e ƴiiƴam *Jawgiyel .