Iburaninkeeɓe 7:6 - Bible Fulfulde Bénin New Testament

⁶ Amma Malkisadaka mo jeyaaka der lenyol Leewi, jaɓii jakka to Iburahiima, o barkiɗini keɓuɗo alkawalji Alla.

Iburaninkeeɓe 7:6 ပူးပေါင်းရင်းမြစ်များ

Golle Lilaaɓe 3:25

Onon on ɓiɓɓe annabiiɓe, alkawal ŋal Alla haɓɓani kaakiraaɓe meeɗen e laatanii on hande no o wi'unoo Iburahiima: ‟Kookiragel maa barkiɗiniranmi lenyi duuniyaaru fu ”.

Roma 4:13

Iburahiima e lenyol mum haɓɓanaama alkawal rona duuniyaaru nu. Hinaa gam oo tokkii tawreeta. O haɓɓanaama alkawal ŋal gam foonnitaare makko ne o heɓiri goonɗinki.

Roma 9:4

Kamɓe woni Isira'iilaaɓe, ɓe Alla laatini ɓiɓɓe mum, holli ɓe tedduŋal mum. Ɓe keɓii alkawalji e tawreeta. O hollii ɓe no ɓe caafirta mo, o batii ɓe o waɗanan ɓe huune ɗuuɗɗum.

Galaatiya 3:16

Alla haɓɓanii Iburahiima e taaniraawo mum alkawal. Dewtere wi'ay: «Taaniraaɓe», hande ɓe ɗuuɓɓe nun, amma gooto ne batani, ne wi'i: «taaniraawo maa», kanko woni *Almasiihu.

Iburaninkeeɓe 11:13

Der goonɗinki ɓe fu, ɓe maayi. Ɓe keɓay ko Alla haɓɓani ɓe alkawal. Amma ɓe ji'ii ɗum, ɓe ceyorii ɗum diga woɗɗi. Den ɓe bati no kamɓe ɓe laati nun hoɓɓe e jananɓe der duuniyaaru.

Iburaninkeeɓe 11:17

Diga e goonɗinki nun Iburahiima sakkiri Isiyaaku no Alla foonni mo. Ɓiyiiko bajjo, mo Alla waɗani alkawalji ɗuuɗɗi nun o siriyino sakkugo.

Iburaninkeeɓe 7:1

Malkisadaka on laati nun laamiiɗo siire wi'eteene Salaam. Oo laatii bo *Limaamiijo Alla towuɗo. Wakkati Iburahiima wartata diga konu ŋu o jaalii laamiiɓe, den Malkisadaka fotti e makko, barkiɗini mo .

Iburaninkeeɓe 7:7

Nani bo, jeddi walaa, barkiɗinɗo e ɓuri barkiɗinaaɗo manŋu.