Iburaninkeeɓe 5:9 - Bible Fulfulde Bénin New Testament

⁹ Alla laatinii mo kebbuɗo, gam majjum o laatanii ɗowtaniiɓe mo fu daliila kisidam tabitiiɗam.

Iburaninkeeɓe 5:9 ပူးပေါင်းရင်းမြစ်များ

Matiye 17:5

O heennyay batugo, ko duulel jalboowel gom wari ommi ɓe. Ɗon daane gom ƴiwi der duulel ŋel, wi'i: «Oo ɗo laatii *Ɓiɗɗo am jiɗaaɗo, mo cuɓumi. Kettinanee mo!»

Luka 13:32

Yeesu toontii ɓe wi'i: “Jahee batee dondonɗeeru nun, mi na'on riiwa ginnaaji, mii nyawta nyawɓe, hanne e jaaŋo, nyalaane tatawre, mi heennyan golle am.

Yuhaana 19:30

No Yeesu ɓiccininoo innabojam ɗam, o wi'i: «Ɗum fu ɗum hebbii!» O jimminii, o maayi.

Golle Lilaaɓe 3:15

Jom gurnam nun baruɗon ko Alla fintini mo. Emen ceedoo ɗum.

Golle Lilaaɓe 4:12

Kisidam walaa e goɗɗo feere. Gam inne gom walaa e duniyaaru, kokkaane gam himɓe hisiniree.»

Golle Lilaaɓe 5:32

Menen woni seedeeɓe habaruuji ɗin, menen e *Ruuhu Ceniiɗo mo Alla hokki nananɓe ɗum.»

Roma 1:5

Diga e makko keɓumi moƴƴere laataago lilaaɗo, gam mi waɗa himɓe caka lenyi fu goonɗina mo, ɗowtanoo mo, ɓe teddina inne makko.

Roma 10:16

Amma himɓe fu bane ɗowtanii *linjiila kan. Hande no *Esaaya wi'i: «Joomiraawo, moy nun goonɗini waaji amen?»

Roma 15:18

Gam mi suusataa batango goɗɗum, to hinaa ko Almasiihu waɗi diga e am, gam waddugo ɓe lenyi janani ɗowtanoo Alla. O waɗii ɗum diga haala am, e gaɗu am,

Roma 2:8

Amma yiɗuɓe jeddi, e saliiɓe gooŋa, e tokki ko halli, mone e tikkere Alla yanan dow maɓɓe.

Roma 6:17

Yettoore laatanoo Alla! On laatikeno maccuɓe hakke, amma jooni on ɗowtanake e ɓerɗe mooɗon fu janŋinol ŋol janŋinaɗon.

Korintu ɗiɗaɓol 10:5

e mawnitaare fu, haɗoore himɓe annugo Alla. Emen baylita miilooji himɓe fu, men bittinaa ɗi, ɗi ɗowtanoo Almasiihu.

Filippi 2:12

Gam majjum, banniraaɓe am yiɗaaɓe, hande no ɗowtoriɗon wakkati fu, hande nun, gaɗee kolliton kisidam mooɗon e kulol e diwnugo, hinaa to mii wondi e mooɗon tan, amma baa no mii boɗɗodii on bo.

Tesalonika Ɗiɗaɓol 1:8

Nyalaane majjum, o suppitinto der ɗenŋal yiite, gam o fooɗa noppi ɓe annaa Alla, e ɓe ɗowtanaaki *linjiila Joomiraawo men Yeesu.

Tesalonika Ɗiɗaɓol 2:16

Joomiraawo meeɗen Yeesu *Almasiihu e hoore mum, e Alla *Baaba meeɗen, jiɗuɗo en, hokkii en moƴƴere mum e jam tabitiiɗo, e tammuwe wooɗune.

Timote Ɗiɗaɓol 2:10

Gam majjum munyanmi huune fu, sabbu suɓaaɓe Alla heɓa kamɓe bo, Yeesu Almasiihu hisina ɓe, ɓe keɓa tedduŋal makko tabitiiŋal.

Iburaninkeeɓe 1:14

Malaykaaɓe fu laati nun ruuhuuji jaggantooɗi Alla, oo lila ɗi gam ɗi gollanoo ronooɓe kisidam.

Iburaninkeeɓe 11:40

gam Alla e yiɗi hokkugo en ko ɓuri wooɗugo, heɓa to ɓe jottoo to kebbuɗum woni hinaa e men.

Iburaninkeeɓe 11:8

Diga e goonɗinki nun Iburahiima ɗowtoranii noddoore Alla, o yahi leydi ni Alla wi'i o ronan, o yawti, o annaa toy o yahata.

Iburaninkeeɓe 12:2

En tiggee gite meeɗen dow Yeesu, laatiiɗo puɗɗuɗo goonɗinki meeɗen, kanko nun bo hebbinta ki. O hakkilanay senteene maayde dow *leggal palaaŋal, gam seyo ŋo o resanaa. Jooni oo jooɗii nyaamo kittaal *Laamaare Alla.

Iburaninkeeɓe 2:10

Ɗum fottanii Alla taguɗo huune fu, e mo gam mum huune fu woni, yaara himɓe ɗuuɓɓe ɓe keɓa tedduŋal. Ɗum fottanii mo bo, o yottina Yeesu maɓɓitinɗo laawol kisidam, o laato kebbuɗo diga e tooraaji.

Iburaninkeeɓe 2:3

To non noy daɗirten, to en jeebake kisidam mawɗam hande ɗam ɗo? Joomiraawo nun arti batango kisidam ɗam, den nanuɓe tabbitinanii en ɗam.

Iburaninkeeɓe 9:12

O naatii de woore der nokkuure ɓurne senaago fu, ɗum heƴi faa e baadey. O naatiday e ƴiiƴam ginniiji, e ɗam nyalbi, amma e ƴiiƴam hoore makko. Non non o sooditorii en faa e baadey.

Iburaninkeeɓe 9:15

Kan acci *Almasiihu laatii beldinoowo, kaɓɓuɗo alkawal kesal, gam noddaaɓe heɓa donŋu duumiiŋu ŋu Alla haɓɓani ɓe alkawal. Ɗum waɗoto, gam o maayii, heɓa o sooditoo himɓe waɗunooɓe hakke der alkawal aranal.

Iburaninkeeɓe 9:28

Hande non bo, Almasiihu sakkii hoore mum de woore tan gam o ikkina hakkeeji himɓe ɗuuɓɓe. O suppitoyto de ɗiɗawre, hinaa gam hakke, amma gam o hisina hettiniiɓe mo.

Piyer Aranol 1:22

Jooni no ɗowtaniɗon gooŋa, on cenii ko'e mooɗon, on jiɗii banniraaɓe e yidde ne walaa munaafitaare. Gam majjum, jiɗontiree e yidde gooŋaare, e ɓerɗe mon fu.

Yuhaana Aranol 5:20

Een anni bo *Ɓiɗɗo Alla wari, hokkii en hakkillo annitingo Alla gooŋaajo, jooni kanko woodi en, gam en kawti e Ɓiɗɗo makko Yeesu *Almasiihu. Yeesu Almasiihu on woni Alla gooŋaajo, kanko woni yonki tabitiiki bo.

Yahuuda 1:21

Gonee der yidde Alla, keɗee enɗam Joomiraawo meeɗen Yeesu Almasiihu jaaranɗam on to yonki tabitiiki.