Iburaninkeeɓe 5:7 - Bible Fulfulde Bénin New Testament

⁷ Wakkati *Almasiihu wonunoo e duuniyaaru, o eelii Alla, o eelitii, e bojji mawɗi, e gonɗi, gam Alla hisina mo diga maayde. Alla bo toontake mo, gam oo woodi kulol Alla.

Iburaninkeeɓe 5:7 ပူးပေါင်းရင်းမြစ်များ

Matiye 27:46

Jaka yanne tati kiikiiɗe, Yeesu halɓi e semme, wi'i: «Eloyi, Eloyi, lama sabaktani?» Kan woni «Alla am, Alla am! Gam ume accuɗaa am?»

Matiye 27:50

Ɓaawo majjum, Yeesu halɓi e semme, o maayi.

Marku 15:34

Wakkati yanne tati kiikiiɗe, Yeesu halɓi e semme, wi'i: «Eloyi, Eloyi, lama sabaktani ?» Kan woni: «Alla am, Alla am! gam ume accuɗaa am?»

Marku 15:37

Yeesu halɓi e semme, maayi.

Luka 23:46

Go Yeesu halɓi e semme wi'i: «*Baaba, mi wattii yonki am der juuɗe maa.» No o batidi ka, o maayi.

Yuhaana 1:14

Haala laatike neɗɗo. Neɗɗo on jooɗodii e meeɗen, oo hebbi moƴƴere e gooŋa. Men ji'ii tedduŋal makko, tedduŋal ŋal Ɓiɗɗo bajjo heɓata e baaba mum.

Yuhaana 11:35

Yeesu wulli.

Yuhaana 11:42

Min kan, mii anni baadey fu aa nananammi. Amma mi baddu maa nun gam himɓe dariiɓe ɓee ɗo, gam ɓe goonɗina an nun lilimmi.»

Yuhaana 17:1

Ɓaawo haalaaji ɗin, Yeesu tiggitii dow, wi'i: «*Baaba, wakkati warii, teddin Ɓiya, gam Ɓiya bo teddinee.

Roma 8:3

Tawreeta Muusa waawayno ko waɗi ɗum gam tampere ɓannu. Amma Alla waɗii ɗum. O liloy Ɓiyiiko tii etti ɓannu nanduŋol e ɓannu hakkeeɓe gam o firta ɓe diga hakke. Hande non o hiitorii hakke gollotooɗe der ɓalli meeɗen.

Galaatiya 4:4

Amma no wakkati ki Alla resi hebbi, o lilii Ɓiɗɗo makko. Ɓiɗɗo on rimaama e debbo, o umminaama ley baawɗe tawreeta,

Timote Aranol 3:16

Seko fu walaa, asiiri diina meeɗen e mawni: Alla hollitake e ɓannu neɗɗo, *Ruuhu seedanike gooŋaaku makko, malaykaaɓe yi'ii mo, lenyi fu waajaama haala makko, o goonɗinaama der lenyi janani, o heɓii tedduŋal dow kammu.

Iburaninkeeɓe 10:10

En laaɓinaama e hakke, gam Yeesu *Almasiihu waɗii ko Alla yiɗi. O sakkii ɓannu makko de woore, ɗum heƴii faa e baadey.

Iburaninkeeɓe 10:5

Gam majjum, no *Almasiihu warata der duuniyaaru, o bati Alla o wi'i: «A yiɗaa sadakaaji kiiseteeɗi e dokke, amma a siriyanake am ɓannu.

Iburaninkeeɓe 11:7

Diga e goonɗinki nun Alla maatiniri Nuuhu dow huune ko yottaaki taw. O huli Alla, den o waɗi laana diyam, o daɗiniri getti makko. O doƴƴii duuniyaaru kiita, o roni fonnitaare heɓeteene diga e goonɗinki.

Iburaninkeeɓe 12:28

Gam majjum, no en keɓan laamu ŋu dimmataako, en jettee Alla, cujidanen mo no fottiri der kulol e tedduŋal.

Iburaninkeeɓe 13:20

Alla kokkoowo jam fintinii Joomiraawo meeɗen Yeesu diga maayɓe. Yeesu on laatike duroowo baali mawɗo, o haɓɓii alkawal tabitiiŋal diga e ƴiiƴam makko.

Iburaninkeeɓe 2:14

Hande no ɓiɓɓe woodiri ɓannu e ƴiiƴam, hande non Yeesu bo ettiri ɓannu, laatii hande maɓɓe. O waɗii ɗum gam diga e maayde makko, o halka baawɗe laamaniiɗo maayde, waato *Seyɗan.

Yuhaana Aranol 4:3

Mo annitay kaa ɗon dow Yeesu fu, woodaa Ruuhu Alla. Ruuhu ŋu o woodi ƴiwii diga *ganyo Almasiihu. On nanii garki ganyo Almasiihu batanaama, o na'on ko der duuniyaaru.

Yuhaana Ɗiɗaɓol 1:7

Majjinooɓe ɗuuɓɓe sankitake e duuniyaaru. Ɓe jaɓay Yeesu *Almasiihu warii laatii neɗɗo. Ga'uɗo nun fu, majjinoowo nun, *ganyo Almasiihu nun bo.