Iburaninkeeɓe 3:6 - Bible Fulfulde Bénin New Testament

⁶ Amma *Almasiihu laatike koolaaɗo der suudu Alla hande ɓiɗɗo. Enen laatii ɓe suudu makko to en tinnake een koolii, een tabbitini ko jurortoɗen faa heennyitirde.

Iburaninkeeɓe 3:6 ပူးပေါင်းရင်းမြစ်များ

Matiye 10:22

Himɓe fu wanyan on gam am. Amma munyuɗo faa heennyitirde, joomum hisinte.

Matiye 16:18

Min bo, mii wi'ee, an woni Piyer, waato hayre. Dow hayre nen mahanmi Eklesiya am, baa joonne maayɓe waawataa ko jaalii ka.

Matiye 24:13

Amma munyuɗo faa timmoode, hisan.

Roma 11:22

En daaree geetaaku Alla e saɗella makko. Saɗella makko dow yanuɓe, den geetaaku makko bo dow maa, to aa tabitii der geetaaku makko. To hinaa non, an bo a wudditinte.

Roma 12:12

Ceyoree ko kooliɗon on keɓan, munyanee tooraaji, tinnee e waɗugo du'aaje.

Roma 15:13

Alla mo tammuwe hebbina ɓerɗe mooɗon seyo e jam gam goonɗinki mon. Tammuwe mooɗon ɓeydoo der ɓerɗe mooɗon diga e baawɗe *Ruuhu Ceniiɗo!

Roma 5:2

Kanko yottini en moƴƴere Alla ne gonuɗen e muuɗum jooni. Ɗum laatake gam goonɗinki meeɗen. Een juroro hoolaare heɓugo geɗu der tedduŋal Alla.

Korintu Aranol 3:16

Faa jooni on annitay onon nun laatii suudu Alla na? On annaa *Ruuhu Alla na'on der mooɗon na?

Korintu Aranol 6:19

On annaa ɓalli mooɗon laati nun suudu *Ruuhu Ceniiɗo gonɗo der mooɗon, mo Alla hokki on na? On jeyaa ko'e mooɗon,

Korintu ɗiɗaɓol 6:16

Kawtal ŋale woni hakkune suudu Alla e tooruuje? Enen nun laatii suudu Alla yonkinteejo, hande no o wi'i: «Mi jooɗoto caka maɓɓe, mi yahan caka maɓɓe, mi laatoo Alla maɓɓe, ɓe laatoo himɓe am.»

Galaatiya 6:10

To non, de gooduɗen wakkati, en gaɗanee himɓe fu geetum, accu dun banniraaɓe meeɗen goonɗinɓe.

Galaatiya 6:9

To en comee waɗugo geetum. Gam to en tampay, en duggan to wakkati mum warii.

Efesu 3:12

En kawtii e Almasiihu, en goonɗinii mo, to non, en baawan ko ɓattii Alla e hoolaare.

Koloosi 1:23

Amma, sey tiiɗon, daroɗon e semme der goonɗinki, laatoɗon ɓe dimmataako. To on boɗɗodee e *linjiila, laatiika tammuwe meeɗen. *Linjiila ka nanuɗon, waajaama der duuniyaaru ɗo. Min Pol, kanka nun laatiimi gollotooɗo mum.

Tesalonika Aranol 5:16

Ceyee wakkati fu,

Tesalonika Ɗiɗaɓol 2:16

Joomiraawo meeɗen Yeesu *Almasiihu e hoore mum, e Alla *Baaba meeɗen, jiɗuɗo en, hokkii en moƴƴere mum e jam tabitiiɗo, e tammuwe wooɗune.

Timote Aranol 3:15

Amma to ɓooyii mi waray, ɗerewol ŋol ɗo anninte no haani goniraa der saare Alla, laatiine eklesiya Alla yonkinteejo. Eklesiya kan laatii darŋanal, e to gooŋa darii.

Iburaninkeeɓe 1:2

Amma der nyalaaɗe cakittiiɗe ɗee ɗo, o baddii en diga e Ɓiyiiko. E makko Alla tagiri duuniyaaru e kammu. Kanko nun bo Alla suɓi laatoo donoowo huune fu.

Iburaninkeeɓe 10:19

Onon banniraaɓe, ƴiiƴam Yeesu hokkii en laawol naatugo der nokkuure ɓurne senaago.

Iburaninkeeɓe 10:21

Een goodi hooreejo *Limaamiiɓe ardinaaɗo der suudu Alla.

Iburaninkeeɓe 10:23

En ceedee ko kooliɗen, to en tampee, gam kaɓɓanɗo en alkawal e laatii koolaaɗo.

Iburaninkeeɓe 10:35

Gam majjum, to on boppee hoolaare mooɗon, gam ne waddanan on riiba mawka.

Iburaninkeeɓe 11:1

Goonɗinki laati nun hoolaago a heɓii huune ko keɗiɗaa e wara, e tabbitingo kujje ɗe a yi'ay.

Iburaninkeeɓe 3:14

To en jogake hoolaare men arandeere e semme faa heennyitirde, den en laatike hawtuɓe e *Almasiihu.

Iburaninkeeɓe 4:11

Gam majjum, en tinnee naaten der siwtaare Alla. To goɗɗo tokku misaalu dullere ɗowtaare himɓe Isira'iila, yana.

Iburaninkeeɓe 4:14

Een goodi hooreejo *Limaamiiɓe mawɗo jottiiɗo to Alla dow kammu, kanko woni Yeesu, *Ɓiɗɗo Alla. Gam majjum, sey jogoɗen e ɓerɗe goote goonɗinki meeɗen ki ceedotoɗen.

Iburaninkeeɓe 4:16

Gam majjum, en ɓattee kittaal *Laamaare Alla ŋal moƴƴere e hoolaare, gam keɓen enɗam, e moƴƴere, de gooduɗen bukaata ballal fu.

Iburaninkeeɓe 6:11

Amma emen jiɗi moy mooɗon fu hollita iri anniya kaa ɗon faa heennyitirde, gam keɓon ko keɗiɗon.

Iburaninkeeɓe 6:18

To non, kujje ɗiɗi woni waylitintaako, ɗe Alla waawataa ko fewi dow mum, kanje woni: hunayeere e alkawal. Kanjum semmiɗinta ɓerɗe men, enen accoyɓe huune fu, go kooliɗen ko bi'aɗen.

Iburaninkeeɓe 7:19

Gam tawreeta Muusa waɗay goɗɗum kebbuɗum. Amma jooni, en keɓii tammuwe ɓurune wooɗugo, ne ɓattortoɗen Alla.

Piyer Aranol 1:8

Yeesu on, baa no on ji'ay mo, oon jiɗi mo, baa no on ji'ataa mo jooni, e nun oon goonɗini mo. Ɗum hebbinii ɓerɗe mooɗon seyo ŋo tedduŋal, ɓuruŋo bataneego.

Piyer Aranol 2:5

Onon bo, on laati nun hande kaaƴe ɗe yonki, garee mahireɗon suudu ruuhunkewol, gam laatoɗon waalde *limaamiiɓe seniiɓe, yaaranooɓe Alla sadakaaji ruuhunkeeji ɗi o jaɓata diga e Yeesu *Almasiihu.

Piyer Aranol 4:17

Gam wakkati kiita faanake, Alla fuɗɗiran hiitaago himɓe muuɗum, to ka fuɗɗirii en enen, noy ɗum laatantoo himɓe ɓe jaɓay *linjiila Alla?

Kollitinki 2:18

"Winnan malaykaajo eklesiya Tiyatira bi'aa: Nani ɗo haalaaji *Ɓiɗɗo Alla mo gite mum nandi hande ɗenŋal yiite, koyɗe makko e nandi hande janni boɗeeri.

Kollitinki 2:25

Amma, ko gooduɗon, jogee ɗum e semme faa mi wara.

Kollitinki 2:26

Jaaliiɗo, gaɗuɗo golle am faa heennyitirde, mi hokkan ɗum baawɗe dow lenyi himɓe.

Kollitinki 3:11

Mi faanake warugo. Joga ko gooduɗaa e semme, gam to goɗɗo etta meetalol maa.