Iburaninkeeɓe 2:3 - Bible Fulfulde Bénin New Testament

³ To non noy daɗirten, to en jeebake kisidam mawɗam hande ɗam ɗo? Joomiraawo nun arti batango kisidam ɗam, den nanuɓe tabbitinanii en ɗam.

Iburaninkeeɓe 2:3 ပူးပေါင်းရင်းမြစ်များ

Matiye 23:33

Onon ɓiɓɓe bolle pure! Noy baawirton ko daɗi yiite jahannama?

Matiye 4:17

Diga wakkati majjum, Yeesu fuɗɗi waajaago e wi'a: «Tuubee, gam *Laamaare Alla ɓattike.»

Marku 1:14

Ɓaawo no Yuhaana nanŋaa, Yeesu wari *Galili oo waajoo *linjiila Alla.

Luka 1:2

hande no yi'uɓe ɗum e gite mum diga fuɗɗoode batiri, kamɓe laatii yowanaaɓe haala kan.

Luka 1:69

O waddanii en paabotooɗo mo semme der lenyol Dawda, jaggiiɗo makko,

Luka 24:19

O ƴami ɓe o wi'i: «Ume nun waɗi?» Go ɓe toontii mo ɓe bi'i: «Ko tawi Yeesu Nasaratuujo laatinooɗo annabiijo mo baawɗe dow gaɗu e haala, yeeso Alla e yeeso himɓe fu.

Yuhaana 15:27

Onon bo, on ceedanto am gam oon goondi e am diga fuɗɗoode.»

Golle Lilaaɓe 1:22

diga Yuhaana waɗata *batisi faa nyalaane Yeesu safaa dow kammu, gam joomum laatoo seedeejo pintol makko e men.»

Golle Lilaaɓe 2:22

Onon Isira'iilaaɓe, kettinee haalaaji am ɗii: Yeesu mo Nasaratu laati nun mo Alla yerdii, kan waɗi o hokki mo baawɗe waɗugo haaynaareeji e kaayeefiiji caka mooɗon, hande no onon e ko'e mooɗon annirɗon ɗum.

Golle Lilaaɓe 4:12

Kisidam walaa e goɗɗo feere. Gam inne gom walaa e duniyaaru, kokkaane gam himɓe hisiniree.»

Roma 11:14

Mii yiɗi to waɗoto, mi ummina nawniraagu himɓe lenyol am, mi hisina woɓɓe maɓɓe.

Roma 2:3

An kiitotooɗo woɓɓe ko aa waɗa hande ko ɓe gaɗata, aa miili a daɗan kiita Alla na?

Korintu Aranol 1:21

Himɓe duuniyaaru nuu e faamu mum fu, annitay Alla no o holliti faamu makko. Ɗum laatake nun nun gam Alla e yiɗi hisingo goonɗinɓe ɗum fu diga e waaji amen ɗi woɓɓe daari haaŋaare.

Tesalonika Aranol 5:3

Wakkati himɓe wi'ata: «Too, jam e deƴƴere waɗii.» E wakkati mum halkere juhata ɓe, hande no ŋatawre juhirta gaanɗo. Ɓe baawataa ko ruttii ne.

Timote Aranol 1:15

Haala kooliniika nani, kaanuka himɓe fu jaɓa: Yeesu Almasiihu warii e duuniyaaru gam hisingo hakkeeɓe. Mii laatii arano caka maɓɓe.

Titus 2:11

E gooŋa, moƴƴere Alla hollitake gam himɓe fu hisa.

Iburaninkeeɓe 1:1

Diga ko ɓooyi, Alla baddiino kaakiraaɓe meeɗen de ɗuuɗɗum, e laabi feere feere. O baddii ɓe diga e annabiiɓe.

Iburaninkeeɓe 1:14

Malaykaaɓe fu laati nun ruuhuuji jaggantooɗi Alla, oo lila ɗi gam ɗi gollanoo ronooɓe kisidam.

Iburaninkeeɓe 1:2

Amma der nyalaaɗe cakittiiɗe ɗee ɗo, o baddii en diga e Ɓiyiiko. E makko Alla tagiri duuniyaaru e kammu. Kanko nun bo Alla suɓi laatoo donoowo huune fu.

Iburaninkeeɓe 12:25

Kakkilee, to on calee hettinanaago baddoowo on, gam saliiɓe nanango seedinɓe ɗum der duuniyaaru ɗo daɗay kiita. Noy enen miiluɗen daɗiren to en kokkii baddanɗo en diga dow kammu ɓaawo?

Iburaninkeeɓe 4:1

Alla haɓɓanii en alkawal naatugo der siwtaare mum. To non, sey kulen, gam to goɗɗo mooɗon miilu sakitake, dullii naatugo der mayre.

Iburaninkeeɓe 4:11

Gam majjum, en tinnee naaten der siwtaare Alla. To goɗɗo tokku misaalu dullere ɗowtaare himɓe Isira'iila, yana.

Iburaninkeeɓe 5:9

Alla laatinii mo kebbuɗo, gam majjum o laatanii ɗowtaniiɓe mo fu daliila kisidam tabitiiɗam.

Iburaninkeeɓe 9:28

Hande non bo, Almasiihu sakkii hoore mum de woore tan gam o ikkina hakkeeji himɓe ɗuuɓɓe. O suppitoyto de ɗiɗawre, hinaa gam hakke, amma gam o hisina hettiniiɓe mo.

Yuhaana Aranol 1:1

Emen binnana on haala neɗɗo gom gonuɗo . Men nanii daane makko, men ji'ii mo e gite amen, men daarii mo, men meemi mo e juuɗe amen. Kanko woni haala kokkoowa himɓe yonki.

Yahuuda 1:17

Amma onon yiɗaaɓe am, ciwtoree haalaaji ɗi lilaaɓe Joomiraawo meeɗen Yeesu *Almasiihu batunoo on diga law.

Kollitinki 7:10

Ɓee bata e daaɗe towɗe ɓee bi'a: «Kisidam men ƴiwii diga e Alla meeɗen, jooɗiiɗo dow kittaal laamu, kanko e Jawgiyel.»