Golle Lilaaɓe 26:3 - Bible Fulfulde Bénin New Testament

³ Gam aa anni e laaɓuɗum tawaaŋal Yahuduuɓe e jeddi maɓɓe fu. Gam majjum mii eelee, munyaa, kettinanoɗaa am.

Golle Lilaaɓe 26:3 ပူးပေါင်းရင်းမြစ်များ

Golle Lilaaɓe 21:21

Ɓe bataama a na'on janŋina Yahuduuɓe wonɓe hakkune lenyi janani ɓe joofa tawreeta Muusa, bi'uɗaa to ɓe juulnu sukaaɓe maɓɓe, to ɓe tokku tawaaŋal bo.

Golle Lilaaɓe 24:10

No gomnaajo hokki Pol haala, o toontii o wi'i: «Mii anni waɗii duuɓi aa hiitanoo lenyol ŋol. Gam majjum e hoolaare mawne batiranmi mi teetira hoore am.

Golle Lilaaɓe 24:4

Mi yiɗaa mi jogitee puy, amma mii eelee gam moƴƴere maa, kettinanoɗaa men seɗɗa.

Golle Lilaaɓe 25:26

Mi annaa deydey ko binnanammi Kaysara dow makko. Kan waɗi darin moo mi yeeso mooɗon, yeeso maaɗa du an Agirippa laamiiɗo, gam to haala makko daaraama mi heɓa ka binnumi.

Golle Lilaaɓe 26:2

«Agirippa laamiiɗo, ɓerne am welii no yeeso maa calortoomi hoore am hanne dow ko *Yahuduuɓe gaccortoo am fu.

Golle Lilaaɓe 26:26

Agirippa laamiiɗo, e anni kujje ɗe. Kan waɗi mi hulay batugo ɗum yeeso makko. Gam mii anni goɗɗum mum suuɗanaaki mo, gam ɗum waɗay e cuuccukka.

Golle Lilaaɓe 26:7

Alkawal ŋal nun lenyi amen sappo e ɗiɗi tammihii ɓee caafira Alla jemma e nyalooma. Agirippa laamiiɗo, gam tammuwe nen gacceteemi, Yahuduuɓe bo gaccotoo am!

Golle Lilaaɓe 28:17

Balɗe tati ɓaawo muuɗum, Pol noddini mawɓe *Yahuduuɓe wonɓe Roma. No ɓe kawriti, o wi'i ɓe: «Banniraaɓe! Mi waɗanay himɓe meeɗen naa bo tawaaŋal kaakiraaɓe men goɗɗum, amma mi nanŋaama *Urusaliima, gattaami e juuɗe Romankeeɓe.

Golle Lilaaɓe 6:14

Men nanii oo wi'a Yeesu Nasaratuujo pusan nokkuure nen, waylita tawaaŋal ŋal Muusa hokki en.»

Korintu Aranol 13:2

To Alla hokkii am dokkal waɗugo annabaaku, to mi heɓii annal dow siiriiji e dow huune fu, ɗum bo to mii woodi goonɗinki faa mi sottina baalle, amma mi woodaa yidde, mi laataaki goɗɗum.