Golle Lilaaɓe 1:3 - Bible Fulfulde Bénin New Testament

³ O wirnitanii ɓe hoore makko ɓaawo o tooraa, o hollitii ɓe e laabi ɗuuɗɗi oo wuuri. O wirnitanii ɓe hoore makko balɗe lasoy ɗiɗi, oo waajoo ɓe haala *Laamaare Alla.

Golle Lilaaɓe 1:3 ပူးပေါင်းရင်းမြစ်များ

Matiye 21:43

Gam majjum, mii wi'a on: «*Laamaare Alla sottinte caka mooɗon, ne hokkee himɓe lenyi janani, waɗooɓe ko Alla yiɗi.

Matiye 28:9

Ɗon maa ɗon, Yeesu fotti e maɓɓe, wi'i ɓe: «Mii sanna on!» Ɓe ɓattii mo, ɓe nanŋi koyɗe makko, ɓe cujidani mo.

Matiye 3:2

«Tuubee, gam *Laamaare Alla faanake .»

Matiye 4:2

O suumii nyaloomaaje lasoy ɗiɗi e jemmaaje lasoy ɗiɗi. Den, rafo waɗi mo.

Marku 16:19

Ɓaawo no Yeesu Joomiraawo baddi e maɓɓe, o eencinaa dow kammu, o jooɗii nyaamo Alla.

Yuhaana 20:26

No balɗe jeetati waɗi, aahiiɓe hawritii der suudu kade, Toma e wondi e maɓɓe. Dammuɗe fu e kullii, Yeesu suppiti hakkune maɓɓe, wi'i ɓe: «Jam wonana on!»

Yuhaana 21:1

Ɓaawo majjum, Yeesu wirnitanike aahiiɓe mum kade fonŋo maayo Tiberiya. Nani no o wirnitorii e maɓɓe:

Yuhaana 21:14

Tatawre nun ɗon ko Yeesu wirnitanii aahiiɓe mum ɓaawo no o finti.

Golle Lilaaɓe 13:31

Balɗe ɗuuɗɗe oo holla hoore makko wardunooɓe e makko diga *Galili faa Urusaliima. Kamɓe nun woni seedantooɓe mo jooni yeeso himɓe Isira'iila.

Golle Lilaaɓe 19:8

Pol naati der waajorde *Yahuduuɓe e waajoo ɓe e cuusal jaka lebbi tati, oo yeddontira e maɓɓe, oo tinnii faamingo ɓe haala *Laamaare Alla.

Golle Lilaaɓe 28:23

Ɓe taƴani mo nyalaane ɓe bittoyta. No nyalaane nen yottii, ɗuuɓɓe wari, hawriti wuro to o weeri. Diga subaka faa kiikiiɗe oo waajoo ɓe haala *Laamaare Alla. Tawreeta Muusa e dewte annabiiɓe o etti o durwiri no o waawiri fu gam ɓe goonɗina Yeesu.

Golle Lilaaɓe 28:31

Oo waajoo haala *Laamaare Alla, oo janŋina habaru Yeesu *Almasiihu Joomiraawo e hoolaare mawne, walaa kaɗuɗo mo.

Golle Lilaaɓe 8:12

Amma no Filippu waajii ɓe *linjiila *Laamaare Alla e haala Yeesu *Almasiihu, ɓe goonɗini, worɓe e rewɓe fu waɗanaa *batisi.

Roma 14:17

Gam *Laamaare Alla laataaki gam nyaamɗe e jarɗe, amma ne laati nun foonnitaare, e jam, e seyo ɗum *Ruuhu Ceniiɗo hokkata.

Koloosi 1:13

Kanko teeti en e baawɗe niwre, naanni en der *Laamaare Ɓiyiiko jiɗaaɗo.

Tesalonika Aranol 2:12

Men baajike on, men cemmiɗinii on, men eeli on jahiron hande no fottanta Alla nodduɗo on naaton laamaare mum, ji'on tedduŋal mum.

Yuhaana Aranol 1:1

Emen binnana on haala neɗɗo gom gonuɗo . Men nanii daane makko, men ji'ii mo e gite amen, men daarii mo, men meemi mo e juuɗe amen. Kanko woni haala kokkoowa himɓe yonki.