Galaatiya 6:7 - Bible Fulfulde Bénin New Testament

⁷ To on majjinee ko'e mooɗon, Alla nootataako goɗɗo yawoo ɗum. Ko moy fu aawi, kanjum ruggata.

Galaatiya

⁷ To on majjinee ko'e mooɗon, Alla nootataako goɗɗo yawoo ɗum. Ko moy fu aawi, kanjum ruggata.

Galaatiya 6:7 ပူးပေါင်းရင်းမြစ်များ

Luka 16:25

Den Iburahiima wi'i mo: “Ɓiɗɗo am, siwtor no a heɓii jawdi der guurnam maa, amma Lasar kan heɓii tooraaji sanne. Jooni, o nani ɗo oo deƴiti, amma an, aa tooro.”

Luka 21:8

Yeesu toontii ɓe, wi'i: «Kakkilee, to on accee goɗɗo jammoo on, gam himɓe ɗuuɓɓe waraan e inne am wi'a kan woni *Almasiihu. Wakkati on yottake du ko! Amma to on tokkee ɓe.

Korintu Aranol 15:33

To on jammee ko'e mooɗon: «Yaadugo e kalluɗo biisan jikku booɗuŋu.»

Korintu Aranol 3:18

To goɗɗo jammoo hoore mum. Miiluɗo e mooɗon e woodi faamu der jaamanuuru nuu ɗo, sey o laatoo taw kaaŋaaɗo, gam o heɓa faamu gooŋawu.

Korintu Aranol 6:9

On annaa ɓe fonnitaaki naatataa der *Laamaare Alla na? To on jammee ko'e mooɗon: Soɓuɓe, e saafooɓe tooruuje e jeenooɓe e luudiiɓe,

Korintu ɗiɗaɓol 9:6

Annitee kaa ɗo: Aawuɗo seɗɗa, seɗɗa nun ruggata, aawuɗo puy, puy nun ruggata.

Galaatiya 6:3

To goɗɗo e miili e laatii goɗɗum, nani bo o laataaki goɗɗum, o jammike hoore makko.

Efesu 5:6

To on accee goɗɗo majjina on e haalaaji baanji baanji, gam iri majjum nun waddata mone Alla dow saliiɓe ɗowtanaago mo.

Tesalonika Ɗiɗaɓol 2:3

To on accee goɗɗo ƴoyra on baa dow laawol ŋole. Gam nyalaane nen warataa to hinaa himɓe ɗuuɓɓe yeddi Alla, neɗɗo kalluɗo, laatiiɗo ɓii halkere suppitoo.

Yaakuuba 1:22

Gaɗee ko haala kan wi'ata on; to on kettinanee ka tan. To hinaa non on jammoto ko'e mooɗon.

Yaakuuba 1:26

Neɗɗo fu bi'uɗo hoore mum laati nun mo diina to nantay ɗenŋal mum, fewanii hoore mum, diina mum bo nafataa goɗɗum.

Yuhaana Aranol 1:8

To en bi'ii en galaa hakke, en pewanii ko'e men, gooŋa walaa e meeɗen.

Yuhaana Aranol 3:7

Sukaaɓe am, to on accee goɗɗo majjina on! Gaɗoowo ko goonɗi fu laati nun gooŋaajo, hande no *Almasiihu laatori gooŋaajo.

Yahuuda 1:18

Ɓe batiino on, ɓe bi'i: «Der jaamanuuji cakitiiɗi, himɓe jaancooɓe, tokkuɓe jiɗaaɗi yonki mum kalluɗi waraan.»