Galaatiya 6:3 - Bible Fulfulde Bénin New Testament

³ To goɗɗo e miili e laatii goɗɗum, nani bo o laataaki goɗɗum, o jammike hoore makko.

Galaatiya

³ To goɗɗo e miili e laatii goɗɗum, nani bo o laataaki goɗɗum, o jammike hoore makko.

Galaatiya 6:3 ပူးပေါင်းရင်းမြစ်များ

Luka 18:11

Farisaajo on darii e du'oo der ɓerne mum e wi'a: ‟Yaa Alla, mi yettii maa gam mi laataaki hande no himɓe horiiɓe, laatiiɓe wuyɓe, ɓe laataaki foonnitiiɓe, waɗooɓe jeenu, mi yettii maa gam mi laataaki hande jaɓoowo ceede faada oo ɗo.

Golle Lilaaɓe 5:36

Ɓooyay ko Tewdas ummii, mawnini hoore mum, ko waɗata himɓe keme nayo e tokkunoo mo. O waraama, tokkuɓe mo fu sankitii, goɗɗo horaaki.

Roma 12:16

Goodee miilooji gooti hakkune mon. To on dartee ko mawni, amma nootee bo waɗugo ko leesi. To on daaree ko'e mooɗon hande wooduɓe hakkillo.

Roma 12:3

Alla waɗanii am moƴƴere mum. Gam majjum mii wi'a moy mooɗon fu to daaru hoore muuɗum ɓura ko laati. Amma moy fu daara hoore mum jaka no foti, e jaka goonɗinki ki Alla hokki ɗum.

Korintu Aranol 13:2

To Alla hokkii am dokkal waɗugo annabaaku, to mi heɓii annal dow siiriiji e dow huune fu, ɗum bo to mii woodi goonɗinki faa mi sottina baalle, amma mi woodaa yidde, mi laataaki goɗɗum.

Korintu Aranol 3:18

To goɗɗo jammoo hoore mum. Miiluɗo e mooɗon e woodi faamu der jaamanuuru nuu ɗo, sey o laatoo taw kaaŋaaɗo, gam o heɓa faamu gooŋawu.

Korintu Aranol 8:2

Neɗɗo miijuɗo e anni, joomum annaa taw no haani anniree.

Korintu ɗiɗaɓol 12:11

Mii bata hande kaaŋaaɗo, amma onon nun doolimmi. Onon nun haanunoo bata geeta am. Baa to mi laataaki goɗɗum, lilaaɓe ɓe daaruɗon mawɓe, mi jaccay ɓe dow goɗɗum.

Korintu ɗiɗaɓol 3:5

Menen e ko'e amen, men goodaa baawɗe waɗugo goɗɗum. Baawɗe amen, to Alla ƴiwi.

Galaatiya 2:6

Daaraaɓe mawɓe ɓen, baa to ume ɓe laatiino, walaa ko faalii am, gam Alla ɓurontirtaa himɓe. Mawɓe ɓen yowanay am goɗɗum.

Galaatiya 2:9

Yaakuuba e Piyer e Yuhaana, laatiiɓe darŋanal goonɗinɓe annitii moƴƴere ne Alla waɗanimmi. Ɓe kokkii men juuɗe min e Barnabbas gam hollitingo naaral amen. Hande non menen, men jaha men baajoo ɓe lenyi janani, kamɓe bo ɓe baajoo Yahuduuɓe.

Timote Ɗiɗaɓol 3:13

Amma halluɓe e hiilooɓe, ɓeydoto e halla. Ɓe majjinan woɓɓe, gam kamɓe bo ɓee majji.

Yaakuuba 1:22

Gaɗee ko haala kan wi'ata on; to on kettinanee ka tan. To hinaa non on jammoto ko'e mooɗon.

Yaakuuba 1:26

Neɗɗo fu bi'uɗo hoore mum laati nun mo diina to nantay ɗenŋal mum, fewanii hoore mum, diina mum bo nafataa goɗɗum.

Yuhaana Aranol 1:8

To en bi'ii en galaa hakke, en pewanii ko'e men, gooŋa walaa e meeɗen.