Galaatiya 5:7 - Bible Fulfulde Bénin New Testament

⁷ On puɗɗii doggudu mooɗon no wooɗiri. Moy haggi on, haɗi on ɗowtanaago gooŋa?

Galaatiya

⁷ On puɗɗii doggudu mooɗon no wooɗiri. Moy haggi on, haɗi on ɗowtanaago gooŋa?

Galaatiya 5:7 ပူးပေါင်းရင်းမြစ်များ

Matiye 13:21

Amma ka waɗataa ɗaɗi der makko, wakkati seɗɗa tan o wonoto. To ɓillaaje, ɗum bo tooraaji yottake gam haala kan, o woppa ka law.

Golle Lilaaɓe 6:7

Haala Alla e sankitoo yaago yaago, goonɗinɓe e ɓeydoo sanne der *Urusaliima. Kade bo *Limaamiiɓe ɗuuɓɓe laatake goonɗinɓe.

Roma 10:16

Amma himɓe fu bane ɗowtanii *linjiila kan. Hande no *Esaaya wi'i: «Joomiraawo, moy nun goonɗini waaji amen?»

Roma 15:18

Gam mi suusataa batango goɗɗum, to hinaa ko Almasiihu waɗi diga e am, gam waddugo ɓe lenyi janani ɗowtanoo Alla. O waɗii ɗum diga haala am, e gaɗu am,

Roma 16:26

Amma jooni ɗum hollitake. Dewte annabiiɓe e seedoo ka. Alla tabitiiɗo batii ka anninee himɓe lenyi janani fu, gam ɓe goonɗina, ɓe ɗowtoo.

Roma 2:8

Amma yiɗuɓe jeddi, e saliiɓe gooŋa, e tokki ko halli, mone e tikkere Alla yanan dow maɓɓe.

Roma 6:17

Yettoore laatanoo Alla! On laatikeno maccuɓe hakke, amma jooni on ɗowtanake e ɓerɗe mooɗon fu janŋinol ŋol janŋinaɗon.

Korintu Aranol 9:24

E gooŋa, on annaa himɓe fu nun doggata der jayri, to waɗooɓe daɗontiro doggata na? Amma e non fu, gooto maɓɓe tan nun heɓata ko resaa on. Gam majjum, doggee gam keɓal.

Korintu ɗiɗaɓol 10:5

e mawnitaare fu, haɗoore himɓe annugo Alla. Emen baylita miilooji himɓe fu, men bittinaa ɗi, ɗi ɗowtanoo Almasiihu.

Galaatiya 2:2

Mi yahii ton gam ko Alla hollitimmi. Mi hawtii min tan e ardiiɓe, kollumi ɓe *linjiila ka baajotoomi caka ɓe lenyi janani. Gam mi yiɗaa golle am ɗe gaɗumi, e ɗe gaɗanmi laatoo baanji.

Galaatiya 3:1

Onon ɓe Galaatiya, on galaa hakkillo! Moy jammii on? On laaɓinanaamaa haala Yeesu *Almasiihu, tiggaaɗo dow *leggal palaaŋal.

Galaatiya 5:10

Min kan, mii hoolii on gam Joomiraawo, mii anni miilo mooɗon wittay nokkun feere. Amma laawoowo on on, baa to moy nun, o doƴƴete kiita.

Tesalonika Ɗiɗaɓol 1:8

Nyalaane majjum, o suppitinto der ɗenŋal yiite, gam o fooɗa noppi ɓe annaa Alla, e ɓe ɗowtanaaki *linjiila Joomiraawo men Yeesu.

Iburaninkeeɓe 11:8

Diga e goonɗinki nun Iburahiima ɗowtoranii noddoore Alla, o yahi leydi ni Alla wi'i o ronan, o yawti, o annaa toy o yahata.

Iburaninkeeɓe 12:1

Seedeeɓe ɗuuɓɓe e fiiltitii en hande duule. Gam majjum enen bo, en boppee doongal fu, e hakke taariiɗe en e koyɗum. Den doggen e tinnaare der doggudu daɗontiree ŋol desanaɗen.

Iburaninkeeɓe 5:9

Alla laatinii mo kebbuɗo, gam majjum o laatanii ɗowtaniiɓe mo fu daliila kisidam tabitiiɗam.

Piyer Aranol 1:22

Jooni no ɗowtaniɗon gooŋa, on cenii ko'e mooɗon, on jiɗii banniraaɓe e yidde ne walaa munaafitaare. Gam majjum, jiɗontiree e yidde gooŋaare, e ɓerɗe mon fu.