Galaatiya 5:24 - Bible Fulfulde Bénin New Testament

²⁴ Laatiiɓe ɓe Yeesu *Almasiihu tiggii ɓalli mum e jiɗaaɗi yonki, e suuno mum fu dow *leggal palaaŋal.

Galaatiya

²⁴ Laatiiɓe ɓe Yeesu *Almasiihu tiggii ɓalli mum e jiɗaaɗi yonki, e suuno mum fu dow *leggal palaaŋal.

Galaatiya 5:24 ပူးပေါင်းရင်းမြစ်များ

Roma 13:14

Ɓornee jikku Joomiraawo meeɗen Yeesu Almasiihu hande no ɓornortoɗon kolte. To on kiinnitanee ɓannu gam deƴƴitingo suunooji maggol.

Roma 6:6

Een anni jikku meeɗen kiinŋu tiggidaama e makko dow *leggal palaaŋal. Ɗum waɗaama, heɓa ɓannu meeɗen hakkewol halka, gam to en laatoo kade maccuɓe hakke.

Roma 8:13

To oon tokki jiɗaaɗi ɓannu, on maayan. Amma to on barii ɗi diga e *Ruuhu Alla, on buuran.

Roma 8:9

Onon kan, on tokkaaki jiɗaaɗi mooɗon, amma *Ruuhu Alla, to Ruuhu on e woni e mooɗon kan. Mo walaa Ruuhu *Almasiihu, laataaki mo makko.

Korintu Aranol 15:23

Moy fu fintan e wakkati mum. Almasiihu laatii arano, ɓaawo mum, goonɗinɓe mo tokkina der nyalaane garki makko.

Korintu Aranol 3:23

Onon, *Almasiihu jey on, Almasiihu bo, Alla woodi ɗum.

Korintu Aranol 6:13

Oon bi'a, nyaamdu waɗaaka maa gam reedu, reedu bo gam nyaamdu. Gooŋa nun, amma Alla halkan ɗum ɗum fu ɗiɗum. Ɓannu ɓii aadama tagaaka gam waɗugo jeenu, ŋol laatani nun Joomiraawo, Joomiraawo bo gam maggol.

Korintu ɗiɗaɓol 10:7

Daaree huune hande no ɗum laatorii. To goɗɗo e hoolii laati nun mo *Almasiihu, o faama kaa ɗo: To oo laatii mo Almasiihu, menen bo, emen laatii ɓe Almasiihu.

Galaatiya 2:20

Min bane wuurata, Almasiihu nun wuuri der am. Guurnam ɓannu buuranmi jooni, e goonɗinki *Ɓiɗɗo Alla nun buuranmi, kanko jiɗɗo am faa hokkitiri hoore mum gam am.

Galaatiya 3:26

On fu, on laatake ɓiɓɓe Alla gam on goonɗini Yeesu *Almasiihu.

Galaatiya 3:28

Cuttontirol walaa hakkune *Yahuduujo e Yunaninkeejo, dimo naa bo maccuɗo, gorko naa bo debbo, gam on fu on laatike gootum der kawtal mooɗon e Yeesu Almasiihu.

Galaatiya 3:29

To on laatike himɓe Almasiihu, den on laatike ɓe lenyol Iburahiima, on donan ko Alla haɓɓannoo mo alkawal.

Galaatiya 5:20

caafol tooruuje, dobodobooje, gayŋu, hawre, nawniraagu, mone, jeddi cattuɗi, luudontirgo, ceennirgu,

Galaatiya 6:14

Min kan, mi jurortaako goɗɗum to hinaa leggal Joomiraawo meeɗen Yeesu Almasiihu palaaŋal. Diga e maggal duuniyaaru tiggaa gam am, min bo tiggaami gam mayru.

Efesu 3:1

Min Pol, mii maɓɓaaɗo der kasu gam golle Yeesu *Almasiihu caka mooɗon, onon ɓe lenyi janani.

Efesu 3:11

Non o resunoo o waɗa diga ɓooyɗum, ko o hebbini ɗum diga e Joomiraawo meeɗen Yeesu Almasiihu.

Efesu 3:6

Nani ɗo no asiiri on laatori: Diga e *linjiila, ɓe lenyi janani heɓi geɗu mum der moƴƴereeji desaaɗi, hande no *Yahuduuɓe heɓiri. Ɓe laatake jokkule ɓannu gootol, ɓee goodi alkawal gootal gam ɓe kawtii e Yeesu Almasiihu.

Koloosi 2:11

Der kawtal mooɗon e *Almasiihu, on keɓii juulneego. Amma juulnol ŋol himɓe waɗata bane. Juulnol ƴiwuŋol e Almasiihu nun. Ŋol laati nun hande moytugo baawɗe hakke jaaliiɗe ɓalli mooɗon.

Piyer Aranol 2:11

Banniraaɓe am yiɗaaɓe, on laati nun hoɓɓe e jananɓe. Gam majjum mii eela on, boɗɗodee jiɗaali ɓannu dartooji halka yonkiiji mooɗon.