Galaatiya 5:13 - Bible Fulfulde Bénin New Testament

¹³ Banniraaɓe, on noddaama gam laatoɗon rimɓe. To on ettee dimaaku mooɗon gaɗiron jiɗaaɗi yonki. Amma, moy fu jagganoo bannun e yidde.

Galaatiya

¹³ Banniraaɓe, on noddaama gam laatoɗon rimɓe. To on ettee dimaaku mooɗon gaɗiron jiɗaaɗi yonki. Amma, moy fu jagganoo bannun e yidde.

Galaatiya 5:13 ပူးပေါင်းရင်းမြစ်များ

Luka 4:18

«*Ruuhu Joomiraawo na'on der am o suɓii am e mootugo am nebbam gam mi waajoo talakaaɓe linjiila. O liloy am gam mi bata haɓɓaaɓe der kasu habaru fiirteego, wumuɓe heɓa wuntineego, tooreteeɓe bo heɓa yoofeego.

Golle Lilaaɓe 20:35

Mi hollii on der huune fu e haani golloɗon no wooɗi gam keɓon balliton tampuɓe. Ciwtoron haala Yeesu Joomiraawo ka o bati e hoore makko, o wi'i: “Hokkugo e ɓuri barke dow jaɓugo”.»

Korintu Aranol 8:9

Amma kakkilee to dimaaku mooɗon doƴƴa ɓe goonɗinki mum semmiɗaa.

Korintu Aranol 9:19

Mii dimo dow himɓe fu, amma mi laatinii hoore am jaggantooɗo himɓe fu, gam mi heɓana *Almasiihu ɗuuɓɓe maɓɓe.

Korintu ɗiɗaɓol 12:15

Min, e seyo kokkanmi ko goodumi fu. Mi hokkan on du baa e hoore am, gam mi walla on. To emii ɓeyda yiɗugo on, onon on ɓuytan yiɗugo am na?

Korintu ɗiɗaɓol 2:8

Gam majjum, mii eela on, kollee mo yidde.

Korintu ɗiɗaɓol 3:17

Noddeteeɗo Joomiraawo ɗo, *Ruuhu non, to Ruuhu Joomiraawo woni fu, ɗon nun jeyde hoore mum woni.

Korintu ɗiɗaɓol 4:5

Haala amen bane men baajotoo, ko men baajotoo woni batu Yeesu Almasiihu, Joomiraawo meeɗen. Menen, men laatake maccuɓe mooɗon sabbu makko.

Galaatiya 2:4

E non fu, banniraaɓe fewrekuuɓe naatuɓe caka men e ƴoyre, e yiɗunoo ɗum. Ɓe daartii liinyugo dimaaku keɓuɗen der kawtal meeɗen e Yeesu *Almasiihu, gam ɓe bittina en der maccunnaaku.

Galaatiya 4:22

E winnii no Iburahiima e woodi ɓiɓɓe worɓe ɗiɗo, gooto ɓii korɗo, gooto bo ɓii dimo.

Galaatiya 5:1

*Almasiihu firtii en gam laatoɗen rimɓe e gooŋa. Gam majjum, daree e semme, to on accee bittineɗon der baawɗe jeyaanaaku.

Galaatiya 5:14

Gam tawreeta fu hawtii der haala goota kaa ɗo: «Yiɗu banniraawo maa hande no jiɗirɗaa hoore maa».

Galaatiya 5:22

Amma ko *Ruuhu Ceniiɗo rimata woni: yidde, seyo, jam, munyal, neɗɗaaku, yurmeene, goonɗinki,

Galaatiya 6:2

Ballontiree roonaago doolle mooɗon, hande non kebbinirton ko *Almasiihu resani on.

Efesu 5:21

Moy mooɗon fu ɗowtano banniraawo mum gam teddingo Almasiihu.

Tesalonika Aranol 1:3

Emen ciwtora on yeeso Alla *Baaba meeɗen e golle mooɗon ɗe gaɗuɗon gam goonɗinki mooɗon. Emen ciwtora bo no tinnoriɗon gam yidde, e no munyirɗon der tammuwe mooɗon der Joomiraawo meeɗen Yeesu *Almasiihu.

Piyer Aranol 2:16

Laatee rinɗinaaɓe, to on coomee ko halli der dimaaku mooɗon, gonee hande maccuɓe Alla.

Piyer Ɗiɗaɓol 2:19

Ɓee kaɓɓana ɓe alkawal no ɓe dinɗan, amma kamɓe e ko'e maɓɓe ɓee laatii maccuɓe suunooji kalluɗi. Gam moy fu laati nun maccuɗo ko jaalii ɗum.

Yahuuda 1:4

Gam himɓe halluɓe naati caka mooɗon e ƴoyre. Ɓee darta lelugo haala moƴƴere Alla men, gam ɓe nyaama goonki maɓɓe no ɓe pakkiri fu. Ɓee jedda Yeesu *Almasiihu laatiiɗo hooreejo meeɗen gooto, e Joomiraawo meeɗen. Dewte ceniiɗe bataniino halkere maɓɓe.