Galaatiya 4:4 - Bible Fulfulde Bénin New Testament

⁴ Amma no wakkati ki Alla resi hebbi, o lilii Ɓiɗɗo makko. Ɓiɗɗo on rimaama e debbo, o umminaama ley baawɗe tawreeta,

Galaatiya

⁴ Amma no wakkati ki Alla resi hebbi, o lilii Ɓiɗɗo makko. Ɓiɗɗo on rimaama e debbo, o umminaama ley baawɗe tawreeta,

Galaatiya 4:4 ပူးပေါင်းရင်းမြစ်များ

Matiye 1:23

«Gatol ŋol annaa gorko saawan, rima ɓiɗɗo gorko, o wi'ete Emmanuwel .» Maana inne nen woni: «Alla e wondi e meeɗen.»

Matiye 3:15

Yeesu toontii mo, wi'i: «Noota ɗum laatoo non non jooni, gam hande non kebbinirten ko foonnitii fu.» Den Yuhaana nootii.

Matiye 5:17

«To on miilee mi warii gam moytugo tawreeta, ɗum bo ko winnaa der dewte annabiiɓe. Mi waray moytugo ka, amma gam hebbingo ka.

Marku 1:15

Oo wi'a: «Wakkati waɗii, *Laamaare Alla ɓadake, accee hakkeeji mon, tuubee, goonɗinee *linjiila.»

Luka 1:31

A heɓan reedu, dimaa ɓiɗɗo gorko, kokkoraa mo inne Yeesu.

Luka 1:35

Malaykaajo toontii mo wi'i: «*Ruuhu Ceniiɗo waran dow maa, baawɗe Alla Towuɗo suddete hande ɗoogi. Gam majjum ɓiɗɗo ceniiɗo mo dimoytaa noddetee Ɓiɗɗo Alla.

Luka 2:7

O rimi suka gorko, afo makko, o soomi mo wudere, o fukkini dow fuɗo ko baali nyaamata, gam ɓe keɓay jaayri der werdude hoɓɓe.

Luka 20:44

To Dawda noddii mo ‟Joomiraawo,” noy o laatortoo ɓiyiiko?»

Yuhaana 1:14

Haala laatike neɗɗo. Neɗɗo on jooɗodii e meeɗen, oo hebbi moƴƴere e gooŋa. Men ji'ii tedduŋal makko, tedduŋal ŋal Ɓiɗɗo bajjo heɓata e baaba mum.

Yuhaana 10:36

Onon mo Alla seni, ko lili mo e duuniyaaru, oo ɗon nun bi'oton: ‟A yennii Alla!” Gam o wi'ii oo laatii *Ɓiɗɗo Alla.

Yuhaana 3:16

Gam Alla yiɗii duuniyaaru sanne faa hokki Ɓiɗɗo mum bajjo, gam goonɗinɗo mo fu to halku, amma heɓa yonki tabitiiki.

Yuhaana 6:38

Gam waɗugo ko jiɗumi bane acci ƴiwmi dow kammu, amma gam mi waɗa ko liluɗo am yiɗi.

Yuhaana 8:42

Yeesu wi'i ɓe: «To Alla nun laatinoo Baaba mooɗon, maa on jiɗiino am, gam to Alla ƴiwmi, ko garumi. Mi wadday hoore am, amma kanko lilimmi.

Golle Lilaaɓe 1:7

Yeesu toontii ɓe, wi'i: «Ka mon bane annon jaamanuuji e wakkatiiji ɗi *Baaba waɗi e baawɗe mum.

Roma 1:3

Eka batana Ɓiɗɗo makko, Joomiraawo meeɗen, ƴiwuɗo e lenyol Dawda diga e ɓannu.

Roma 15:8

Mii bata on no Almasiihu laatike jaggiiɗo caka *Yahuduuɓe. O waɗii ɗum gam o hebbina alkawal ŋal Alla waɗanno maamiraaɓe men gam o tabbitina Alla laati nun gooŋaajo.

Roma 5:6

Gam wakkati de en galaano semme, den nun *Almasiihu maayani en, enen hakkeeɓe no wakkati ki o suɓi yottii.

Roma 8:3

Tawreeta Muusa waawayno ko waɗi ɗum gam tampere ɓannu. Amma Alla waɗii ɗum. O liloy Ɓiyiiko tii etti ɓannu nanduŋol e ɓannu hakkeeɓe gam o firta ɓe diga hakke. Hande non o hiitorii hakke gollotooɗe der ɓalli meeɗen.

Roma 9:5

Kamɓe laatii ƴiwuɓe diga e kaakiraaɓe amen. Almasiihu bo ƴiwii e lenyol ŋol. Kanko woni Alla jintuɗo huune fu, yettoore laatanoo mo faa abada. Aami!

Efesu 1:10

To wakkati warii, Alla hebbinan ko resuno waɗugo, o hawritan ko woni dow kammu e dow leydi fu, o waɗa Almasiihu laatoo hooreejo majjum.

Koloosi 2:14

O moytii ɗerewol nyamaane men, gaccotonoo ŋol en. O ikkinii ŋol, o tiggi dow *leggal palaaŋal.

Timote Aranol 2:6

O hokkitirii hoore makko gam sooditaago himɓe fu. Non Alla hollitiri laawol ŋol o suɓi no wakkati mum waɗi.

Timote Aranol 3:16

Seko fu walaa, asiiri diina meeɗen e mawni: Alla hollitake e ɓannu neɗɗo, *Ruuhu seedanike gooŋaaku makko, malaykaaɓe yi'ii mo, lenyi fu waajaama haala makko, o goonɗinaama der lenyi janani, o heɓii tedduŋal dow kammu.

Iburaninkeeɓe 2:14

Hande no ɓiɓɓe woodiri ɓannu e ƴiiƴam, hande non Yeesu bo ettiri ɓannu, laatii hande maɓɓe. O waɗii ɗum gam diga e maayde makko, o halka baawɗe laamaniiɗo maayde, waato *Seyɗan.

Iburaninkeeɓe 9:10

Sariyaaji ɗii ɗon laati nun ɗi ɓannu. Ɗii batana haala nyaamdu, e jaram, e lootuki feere feere. Sariyaaji ɗii nafii faa wakkati de Alla wayliti ɗi.

Yuhaana Aranol 4:14

Menen men ji'ii, emen ceedo bo no Alla *Baaba liloy *Ɓiɗɗo mum gam wara hisina himɓe duuniyaaru.

Yuhaana Aranol 4:2

No annitirten gooduɗo Ruuhu Alla woni, to o seedake Yeesu *Almasiihu warii, laatii neɗɗo, oo ɗon e woodi Ruuhu Alla.