Galaatiya 3:2 - Bible Fulfulde Bénin New Testament

² Toontee am ƴanɗe ɗee ɗo: Gam tokkuɗon tawreeta acci keɓuɗon *Ruuhu Ceniiɗo na, naa gam on nanii *linjiila go goonɗinɗon Yeesu Almasiihu?

Galaatiya

² Toontee am ƴanɗe ɗee ɗo: Gam tokkuɗon tawreeta acci keɓuɗon *Ruuhu Ceniiɗo na, naa gam on nanii *linjiila go goonɗinɗon Yeesu Almasiihu?

Galaatiya 3:2 ပူးပေါင်းရင်းမြစ်များ

Golle Lilaaɓe 15:8

Alla annuɗo ɓerɗe himɓe, seedanake ɓe, no o hokki ɓe *Ruuhu Ceniiɗo hande no o hokkiri en.

Golle Lilaaɓe 2:38

Piyer toontii ɓe, wi'i: «Tuubee, moy mooɗon fu waɗanee *batisi e inne Yeesu *Almasiihu, gam keɓon yaafuye hakkeeji mon, den on keɓan dokkal Alla, kanŋal woni *Ruuhu Ceniiɗo.

Golle Lilaaɓe 8:15

No ɓe jottii ton, ɓe du'anii ɓe, heɓa ɓe keɓa *Ruuhu Ceniiɗo,

Roma 1:17

Gam der linjiila nun foonnitaare Alla hollitii. Foonnitaare nen, e goonɗinki tan ne heɓortoo, diga fuɗɗoode faa heennyitirde. E winnii der dewtere: «Poonnitiiɗo wuuran e goonɗinki.»

Korintu Aranol 9:21

Hande nun bo to mi yahii to ɓe annaa tawreeta, mii waɗa hoore am hande mo annaa tawreeta, gam mi heɓa ɓe, ɗum yiɗay wi'ugo mi tokkay tawreeta Alla, gam der umuroore Almasiihu gonumi.

Korintu ɗiɗaɓol 11:4

To goɗɗo warii waajii on Yeesu feereejo, mo men baajaaki on, oon jaɓana mo. Oon jaɓa bo, ruuhu feerewu, ŋu on jaɓayno, ɗum bo *linjiila feereha ka men baajaaki on.

Galaatiya 3:14

Yeesu waɗii ɗum gam barke Iburahiima laatanoo ɓe lenyi janani. Goonɗinɗo Yeesu Almasiihu heɓan *Ruuhu mo Alla haɓɓani ɗum alkawal.

Galaatiya 3:3

Non hakkillo mooɗon faanɗiri? On puɗɗirii e Ruuhu Alla, ko oon jiɗi heennyitirgo e semme mooɗon?

Galaatiya 3:5

Kokkuɗo on Ruuhu mum, go e waɗa haaynaareeji hakkune mon, gam tokkuɗon tawreeta o waɗata nun na, naa gam on nanii linjiila ko goonɗinɗon?

Iburaninkeeɓe 2:4

Alla semmiɗinii seedaaku maɓɓe e waɗugo maaneeji, e kaayɗiniiɗum, e kaayeefiiji feere feere. Alla hollitii ɗum bo e seennango ɓe *Ruuhu Ceniiɗo hande no o yiɗiri.

Iburaninkeeɓe 4:2

Gam enen bo, en baajaama *linjiila hande kaakiraaɓe men. Amma, ka ɓe nani nafay ɓe, gam no ɓe nani, ɓe goonɗinay.

Iburaninkeeɓe 6:4

Daaree haala himɓe wittuɓe der gonki mum kiikki. Ɓe keɓiino jayŋol Alla. Ɓe mettii dokkal ƴiwuŋal dow, go ɓe keɓi geɗu e *Ruuhu Ceniiɗo.

Piyer Aranol 1:12

Alla hollii ɓe no habaruuji ɗi ɓe baajotoo, ko'e maɓɓe bane ɓe baajantoo, amma onon ɓe baajantoo. Jooni, waajotooɓe *linjiila ɓen yottinii on habaru diga e baawɗe Ruuhu Ceniiɗo, ƴiwuɗo dow kammu. Malaykaaɓe e hoore mum bo dartii faamugo ɗum no wooɗi.