Galaatiya 2:20 - Bible Fulfulde Bénin New Testament

²⁰ Min bane wuurata, Almasiihu nun wuuri der am. Guurnam ɓannu buuranmi jooni, e goonɗinki *Ɓiɗɗo Alla nun buuranmi, kanko jiɗɗo am faa hokkitiri hoore mum gam am.

Galaatiya

²⁰ Min bane wuurata, Almasiihu nun wuuri der am. Guurnam ɓannu buuranmi jooni, e goonɗinki *Ɓiɗɗo Alla nun buuranmi, kanko jiɗɗo am faa hokkitiri hoore mum gam am.

Galaatiya 2:20 ပူးပေါင်းရင်းမြစ်များ

Matiye 20:28

Hande non, *Ɓii neɗɗo waray gam jagganeego, amma, jagganaago himɓe waddi mo, o hokkitira yonki makko gam sooditaago ɗuuɓɓe.»

Matiye 4:3

Ɗon Jarbotooɗo on ɓattii mo, wi'i: «To a laati nun *Ɓiɗɗo Alla, batu kaaƴe ɗee ɗo waylitoo peen.»

Yuhaana 1:49

Natanayel toontii, wi'i: «Moodibbo, a laati nun *Ɓiɗɗo Alla, a Laamiiɗo Isira'iila nun.»

Yuhaana 10:11

Min woni duroowo geeto. Duroowo geeto woni kokkitiroowo yonki mum gam baali mum.

Yuhaana 15:13

Yidde ɓuroore yidde nee ɗo manŋu walaa, kokkitiroore yonki mum gam weldiiɓe mum.

Yuhaana 17:21

Mii eela gam ɓe laatoo gootum. *Baaba, ɓe kawta e meeɗen hande no kawtirɗaa e am, no min bo kawtirmi e maa. Ɓe fu ɓe laatoo gootum, heɓa duuniyaaru hooloo an nun lilimmi.

Yuhaana 3:16

Gam Alla yiɗii duuniyaaru sanne faa hokki Ɓiɗɗo mum bajjo, gam goonɗinɗo mo fu to halku, amma heɓa yonki tabitiiki.

Yuhaana 3:35

*Baaba e yiɗi Ɓiɗɗo, faa watti huune fu e junŋo makko.

Yuhaana 6:57

*Baaba liloyɗo am laati nun buuruɗo. Gam makko buurumi. Hande nun nyaamuɗo am fu, wuurirta gam am.

Yuhaana 6:69

Men goonɗinii, emen anni an woni Ceniiɗo ƴiwuɗo e Alla.»

Golle Lilaaɓe 8:36

Ɓe tokki laawol maɓɓe faa ɓe jottii diyam. Semmenteejo on wi'i: «Diyam nani! Ko haɗatanmi waɗeego *batisi?» [

Golle Lilaaɓe 9:20

Ɗon maa ɗon o fuɗɗi waajaago haala Yeesu der baajorɗe, oo wi'a: «Yeesu woni lalley Ɓii Alla.»

Roma 1:17

Gam der linjiila nun foonnitaare Alla hollitii. Foonnitaare nen, e goonɗinki tan ne heɓortoo, diga fuɗɗoode faa heennyitirde. E winnii der dewtere: «Poonnitiiɗo wuuran e goonɗinki.»

Roma 14:7

Gam walaa e meeɗen buuruɗo gam hoore mum, nun nun bo walaa maayoowo gam hoore mum.

Roma 3:22

Alla laatinan himɓe foonnitiiɓe gam ɓe goonɗinii Yeesu *Almasiihu. Ɗum laatanto goonɗinɗo fu, gam Alla ɓurontirtaa himɓe.

Roma 4:25

Yeesu on maayi gam boofi meeɗen, o fintinaama gam laatineɗen foonnitiiɓe.

Roma 5:2

Kanko yottini en moƴƴere Alla ne gonuɗen e muuɗum jooni. Ɗum laatake gam goonɗinki meeɗen. Een juroro hoolaare heɓugo geɗu der tedduŋal Alla.

Roma 5:6

Gam wakkati de en galaano semme, den nun *Almasiihu maayani en, enen hakkeeɓe no wakkati ki o suɓi yottii.

Roma 5:8

Amma Alla hollitii en yidde mum. Gam Almasiihu maayanii en wakkati laatinoɗen hakkeeɓe.

Roma 6:13

To on kokkee hakke jokkule ɓalli mooɗon ɗe gaɗira ko foonnitaaki. Amma kokkee Alla ko'e mooɗon. On maayiino, jooni oon buuri. To non kokkee mo jokkule mooɗon, ɗe laatoo gaɗirɗum ko foonnitii.

Roma 6:8

To en maaydii e *Almasiihu, een koolii no en buuridan e makko bo.

Roma 8:10

To Almasiihu na'on der mooɗon, e non fu ɓalli mooɗon maayan gam hakke, amma ruuhu mooɗon wuuran gam on laatinaama foonnitiiɓe.

Roma 8:37

Amma der huune ɗum fu, en keɓii jaalorgal sabbu jiɗuɗo en.

Korintu Aranol 6:17

Amma kawtuɗo e Joomiraawo laatoto ruuhu gootu e makko.

Korintu ɗiɗaɓol 1:24

Men jiɗaa laamanaago goonɗinki mooɗon. Gollodaago on gam seyo mon men jiɗi, gam goonɗinki mon e semmiɗi.

Korintu ɗiɗaɓol 10:3

E gooŋa, himɓe men laatii, amma men kaɓataa hande no himɓe haɓirta.

Korintu ɗiɗaɓol 11:10

E gooŋa *Almasiihu gonuka der am, batiranmi on batu kaa: Der leydi Akaya ɗo, goɗɗo haɗataa am juroraago no mi laatanaaki on dongal.

Korintu ɗiɗaɓol 13:3

Oon jiɗi yi'ugo ko hollitinta no *Almasiihu nun batata diga e am, on ji'an ɗum bo. Almasiihu laataaki tampuɗo hakkune mooɗon, amma oo hollita baawɗe makko caka mooɗon.

Korintu ɗiɗaɓol 13:5

Liinyee ko'e mooɗon, daaron to oon goonɗini. Poonnee ko'e mooɗon. On annitay no Yeesu *Almasiihu na'on der mon na? To o walaa der mon, den on janii.

Korintu ɗiɗaɓol 5:14

Yidde *Almasiihu nun jogii men, menen annitinɓe no gooto maayanii himɓe fu, den himɓe fu nun maayi ɗon.

Korintu ɗiɗaɓol 5:15

O maayanii himɓe fu, gam wuuruɓe acca wuurango ko'e mum, amma ɓe buurana maayanɗo ɓe, go finti gam maɓɓe.

Korintu ɗiɗaɓol 5:7

Gam e goonɗinki jahirten, en jahataa dow ko yi'etee.

Galaatiya 1:4

Almasiihu hokkii hoore mum gam hakkeeji meeɗen. O wurtinii en diga e jamaanuuru hallunu nu. Hande non Alla Baaba meeɗen yiɗiri.

Galaatiya 2:16

Emen anni neɗɗo laatintaake poonnitiiɗo e tokkugo tawreeta. E goonɗinki Yeesu *Almasiihu tan neɗɗo laatinirtee poonnitiiɗo. Menen bo men goonɗinii Yeesu Almasiihu, gam men laatinee foonnitiiɓe diga e goonɗinki, hinaa gam tokkugo tawreeta. Gam walaa baa gooto laatinteeɗo poonnitiiɗo e tokkugo tawreeta.

Galaatiya 3:11

Ɗum laaɓii no baa gooto laatintaake poonnitiiɗo yeeso Alla e tokkugo tawreeta. Gam dewtere wi'i: «Poonnitiiɗo wuuran sabbu goonɗinki mum.»

Galaatiya 5:24

Laatiiɓe ɓe Yeesu *Almasiihu tiggii ɓalli mum e jiɗaaɗi yonki, e suuno mum fu dow *leggal palaaŋal.

Galaatiya 6:14

Min kan, mi jurortaako goɗɗum to hinaa leggal Joomiraawo meeɗen Yeesu Almasiihu palaaŋal. Diga e maggal duuniyaaru tiggaa gam am, min bo tiggaami gam mayru.

Efesu 3:17

Mii eela *Almasiihu wonoo der ɓerɗe mooɗon, diga e goonɗingo mo. Mii eela mo kade, cemmiɗee der yidde, gaɗee ɗaɗi der mayre.

Efesu 5:2

Yidde ardanoo goonki mon, hande no ɗum laatii e *Almasiihu. O yiɗii en, faa o hokki yonki makko gam meeɗen. O laatake sadaka e kiisaaɗum pottanɗum Alla.

Efesu 5:25

Onon worɓe bo, jiɗee rewɓe mooɗon hande no *Almasiihu yiɗiri eklesiya. O yiɗii ka, faa o hokki yonki makko gam makka,

Filippi 1:21

Min kan, Almasiihu woni gurnam am, maayde laatani am nun riiba,

Filippi 4:13

Mi waawan ko waɗi huune fu, gam sabbu cemmiɗinoowo am.

Koloosi 1:27

Gam Alla e yiɗi anningo himɓe ɓe lenyi janani manŋu asiiri mum tedduɗo. Asiiri on woni, Almasiihu na'on der mooɗon. Kanko hokki on tammuwe heɓugo geɗu der tedduŋal Alla.

Tesalonika Aranol 1:10

e no kettinoriɗon gartol Ɓiyiiko ƴiwoowo diga kammu. Kanko woni Yeesu mo o fintini e maayde, kanko hisinta en kiita garoowa.

Tesalonika Aranol 5:10

maayuɗo gam buurden e makko to o wittoy o tawi en e yonki, naa bo een maayɓe.

Titus 2:14

O hokkii hoore makko gam men, o sooditii en diga ko halli fu. O laatinii en himɓe makko ɓe o woodi, laaɓinaaɓe, tinniiɓe waɗugo golle geete.

Iburaninkeeɓe 8:3

Hooreejo *Limaamiiɓe fu suɓa nun gam hokka Alla dokke e kiiseteeɗi. E haani bo, oo woodi ko o sakkata.

Piyer Aranol 1:8

Yeesu on, baa no on ji'ay mo, oon jiɗi mo, baa no on ji'ataa mo jooni, e nun oon goonɗini mo. Ɗum hebbinii ɓerɗe mooɗon seyo ŋo tedduŋal, ɓuruŋo bataneego.

Yuhaana Aranol 1:7

Amma to een jaha der jayŋol hande no kanko e hoore makko o wonori der jayŋol, den kan een laatii gootum hakkune meeɗen, kade bo ƴiiƴam *Ɓiɗɗo makko Yeesu e laaɓina en diga hakkeeji men fu.

Yuhaana Aranol 4:14

Menen men ji'ii, emen ceedo bo no Alla *Baaba liloy *Ɓiɗɗo mum gam wara hisina himɓe duuniyaaru.

Yuhaana Aranol 5:20

Een anni bo *Ɓiɗɗo Alla wari, hokkii en hakkillo annitingo Alla gooŋaajo, jooni kanko woodi en, gam en kawti e Ɓiɗɗo makko Yeesu *Almasiihu. Yeesu Almasiihu on woni Alla gooŋaajo, kanko woni yonki tabitiiki bo.

Kollitinki 1:5

Ɗum laatanoo on bo diga e Yeesu *Almasiihu, ceedotooɗo koolaaɗo, artuɗo finti diga e maayɓe, laamiiɗo laamiiɓe duuniyaaru. Kanko yiɗi en, go o hisini en diga e hakkeeji men, e ƴiiƴam makko.

Kollitinki 3:20

Mi nani darii e dammugal, mii silmina. To goɗɗo nanii daane am go maɓɓiti dammugal, mi naatan wuro mum, mi nyaamda e mum, joomum bo nyaamdan e am.