Galaatiya 1:6 - Bible Fulfulde Bénin New Testament

⁶ Ɗum haaynake am no baylitoriɗon law, tokkuɗon *linjiila gokka, accuɗon Alla, nodduɗo on e moƴƴere *Almasiihu.

Galaatiya

⁶ Ɗum haaynake am no baylitoriɗon law, tokkuɗon *linjiila gokka, accuɗon Alla, nodduɗo on e moƴƴere *Almasiihu.

Galaatiya 1:6 ပူးပေါင်းရင်းမြစ်များ

Marku 6:6

Haynaare waɗi mo sabbu dullere goonɗinki maɓɓe. Ɓaawo mum, Yeesu e woosito der genniije piiltitiiɗi ton, oo janŋina.

Yuhaana 9:30

Gorko on toontii ɓe, wi'i: «E ɗum haaynii no on annaa to o ƴiwi, ko o wuntinimmi!

Golle Lilaaɓe 15:11

To on gaɗee nun nun, een koolii e moƴƴere Yeesu Joomiraawo tan nun, kisirɗen, hande nun kamɓe bo.»

Roma 10:3

Ɓe annaa laawol ŋol Alla laatinirta himɓe foonnitiiɓe. Den ɓe dartani ko'e maɓɓe no ɓe laatortoo foonnitiiɓe. Ɓe jiɗay ɗowtanaago Alla e laawol ŋol o laatinirta himɓe foonnitiiɓe.

Roma 5:2

Kanko yottini en moƴƴere Alla ne gonuɗen e muuɗum jooni. Ɗum laatake gam goonɗinki meeɗen. Een juroro hoolaare heɓugo geɗu der tedduŋal Alla.

Roma 8:28

Een anni bo, ko Alla waɗata fu, oo waɗa ɗum gam booɗɗum yiɗuɓe mo, kamɓe ɓe o suɓi hande no o resiri.

Roma 8:30

Ɓe o suɓi diga fuɗɗan, o noddii ɗum. Ɓe o noddi bo, o laatinii ɗum foonnitiiɓe. Ɓe o laatini foonnitiiɓe, o teddinii ɗum.

Korintu Aranol 4:15

E nun fu, baa to oon goodi ekkitinooɓe ujune sappo der goonɗinki mon *Almasiihu, on goodaa baabiraaɓe ɗuuɓɓe kan. Gam der kawtal mooɗon e Almasiihu, min on laatii baaba mooɗon diga e waaji *linjiila.

Korintu ɗiɗaɓol 11:4

To goɗɗo warii waajii on Yeesu feereejo, mo men baajaaki on, oon jaɓana mo. Oon jaɓa bo, ruuhu feerewu, ŋu on jaɓayno, ɗum bo *linjiila feereha ka men baajaaki on.

Korintu ɗiɗaɓol 2:17

Men laataaki dartirooɓe batu Alla jawdi hande no ɗuuɓɓe waɗata. Men laati nun lilaaɓe Alla, emen bata e ɓerɗe laaɓuɗe yeeso makko, gam emen kawti e Almasiihu.

Galaatiya 1:11

Banniraaɓe, mii yiɗi paamon no *linjiila ka baajotoomi ƴiway e neɗɗo.

Galaatiya 1:15

Amma Alla suɓii am diga mii woni der reedu inna am, noddimmi sabbu moƴƴere mum.

Galaatiya 1:7

Linjiila gokka walaa. Amma himɓe nun laawata on e yiɗi waylitingo linjiila Almasiihu.

Galaatiya 2:14

No ji'umi ɓe jahataa der gooŋa *linjiila, bi'umi Piyer yeeso himɓe fu: «An Yahuduujo, aa waɗa hande no ɓe lenyi janani waɗata, hinaa hande no Yahuduuɓe, noy doolirta ɓe lenyi janani ɓe gaɗa hande Yahuduuɓe?»

Galaatiya 2:2

Mi yahii ton gam ko Alla hollitimmi. Mi hawtii min tan e ardiiɓe, kollumi ɓe *linjiila ka baajotoomi caka ɓe lenyi janani. Gam mi yiɗaa golle am ɗe gaɗumi, e ɗe gaɗanmi laatoo baanji.

Galaatiya 2:5

Amma men kokkay ɓe laawol baa seɗɗa, heɓa gooŋa linjiila tabitoo caka mooɗon.

Galaatiya 2:7

Amma ɓe paamii Alla nun yowanimmi *linjiila mi waajoo ɓe lenyi janani, hande no o yowirani Piyer waajoo *Yahuduuɓe.

Galaatiya 5:14

Gam tawreeta fu hawtii der haala goota kaa ɗo: «Yiɗu banniraawo maa hande no jiɗirɗaa hoore maa».

Galaatiya 5:4

Onon dartooɓe laataago foonnitiiɓe diga e tawreeta, on ceedi e Almasiihu, on boɗɗodike e moƴƴere Alla.

Tesalonika Ɗiɗaɓol 2:14

Kanjum Alla noddani on diga e *linjiila ka men baajii on, gam keɓon tedduŋal Joomiraawo meeɗen Yeesu *Almasiihu.

Timote Aranol 1:14

Moƴƴere Joomiraawo ɗuuɗanii am puy. O hokkii am goonɗinki e yidde ƴiwune diga e Yeesu Almasiihu.

Timote Aranol 1:3

Wakkati jahannoomi Maseduwaan, mi batiino maa jooɗoɗaa Efesu. Himɓe woɓɓe na'on ɗon e janŋina ekkitinol feerewol. Haɗu ɓe ɗum.

Timote Ɗiɗaɓol 1:9

Kanko hisini en, noddi en gam laatanoɗen mo. Hinaa gam gaɗu meeɗen o hisiniri en, amma gam nun nun o yiɗiri ɗum e moƴƴere makko. Moƴƴere nen o waɗani en diga e Yeesu *Almasiihu, diga hanne bane.

Timote Ɗiɗaɓol 2:1

Gam majjum ɓiyam, accu moƴƴere ne keɓuɗen sabbu kawtal men e Yeesu *Almasiihu semmiɗinee.

Piyer Aranol 1:15

Amma laatee seniiɓe der yaadu mon fu, hande no Alla nodduɗo on oo Ceniiɗo,

Piyer Ɗiɗaɓol 1:3

Baawɗe Alla hokkii en huune fu ko haanani en buuriren, e no haani goniren e kulol Alla. Baawɗe ɗen wallii en annugo Alla nodduɗo en kawten der tedduŋal mum, e geetaaku mum.

Kollitinki 22:21

Moƴƴere Joomiraawo meeɗen Yeesu wonda e mooɗon on fu!