Filippi 4:7 - Bible Fulfulde Bénin New Testament

⁷ Jam Alla ɓuruɗum faamu fu, reena ɓerɗe mooɗon e miilooji mooɗon der kawtal mon e Yeesu *Almasiihu.

Filippi 4:7 ပူးပေါင်းရင်းမြစ်များ

Luka 1:79

Ŋol yaynana jooɗiiɓe der niwre e der ɗoogi maayde, ŋol yaara koyɗe meeɗen der laawol jam.»

Luka 2:14

«Tedduŋal wonanii Alla towuɗo, jam dow leydi wonanoo himɓe ɓe o yiɗi.»

Yuhaana 14:27

Mii accana on jam, mii hokka on jam am. No duuniyaaru hokkirta bane kokkiranmi on. To ɓerɗe mooɗon biisoo, to on kulee.

Yuhaana 16:33

Mi batii on ɗum, gam keɓon jam der kawtal mooɗon e am. Oon gonii e ɓillaare der duuniyaaru. Amma tinnee, gam mi jaalike duuniyaaru.»

Roma 1:7

Mii sanna on on fu, onon wonɓe Roma, yiɗaaɓe Alla, seniiɓe ɓe o noddi. Alla *Baaba meeɗen, e Joomiraawo meeɗen Yeesu *Almasiihu, hokka on moƴƴere e jam.

Roma 14:17

Gam *Laamaare Alla laataaki gam nyaamɗe e jarɗe, amma ne laati nun foonnitaare, e jam, e seyo ɗum *Ruuhu Ceniiɗo hokkata.

Roma 15:13

Alla mo tammuwe hebbina ɓerɗe mooɗon seyo e jam gam goonɗinki mon. Tammuwe mooɗon ɓeydoo der ɓerɗe mooɗon diga e baawɗe *Ruuhu Ceniiɗo!

Roma 5:1

En laatinaama foonnitiiɓe gam en goonɗinii. Jooni jam waɗii hakkune meeɗen e Alla, sabbu Joomiraawo meeɗen Yeesu *Almasiihu.

Roma 8:6

Tokkugo jiɗaaɗi ɓannu, maayde nun. Amma tokkugo ko Ruuhu yiɗi, yonki e jam nun.

Korintu ɗiɗaɓol 10:5

e mawnitaare fu, haɗoore himɓe annugo Alla. Emen baylita miilooji himɓe fu, men bittinaa ɗi, ɗi ɗowtanoo Almasiihu.

Korintu ɗiɗaɓol 13:11

Banniraaɓe, ko horii wi'ugo on woni jooɗodee e seyo. Laatee hebbuɓe, cemmiɗinontiree, goodee miilo wooto, jooɗodee e jam. Den Alla mo yidde e jam wondan e mooɗon.

Galaatiya 5:22

Amma ko *Ruuhu Ceniiɗo rimata woni: yidde, seyo, jam, munyal, neɗɗaaku, yurmeene, goonɗinki,

Efesu 3:19

Mii eela Alla annina on yidde Almasiihu ɓurune faamu fu, gam laatoɗon hebbuɓe, Alla bo hebba der mooɗon.

Filippi 1:1

Min Pol e Timote, maccuɓe Yeesu *Almasiihu, winnani seniiɓe hawtuɓe e Yeesu Almasiihu wonɓe Filippi ɗerewol ŋol, e onon ardiiɓe e gollotooɓe der eklesiya.

Filippi 1:2

Alla *Baaba e Joomiraawo meeɗen Yeesu *Almasiihu hokka on moƴƴere e jam!

Filippi 4:19

Alla am huunta haajeeji mooɗon fu, jaka goonnan mum tedduŋal, ɗum waɗoo der kawtal mooɗon e Yeesu *Almasiihu.

Filippi 4:21

Cannee seniiɓe hawtuɓe e Yeesu *Almasiihu. Banniraaɓe wonduɓe e am sannii on.

Filippi 4:9

Ko janŋinmi on jaɓuɗon, nanuɗon, ji'uɗon e am, golloree ɗum, Alla mo jam wonda e mooɗon.

Koloosi 3:15

Accee jam *Almasiihu laamanoo miilooji mooɗon, kanjum Alla noddani on, gam laatoɗon ɓannu gootol. To non, jettee mo.

Tesalonika Ɗiɗaɓol 3:16

Joomiraawo mo jam e hoore mum hokka on jam wakkati fu, e der noy fu. Joomiraawo wonda e mooɗon, on fu.

Iburaninkeeɓe 13:20

Alla kokkoowo jam fintinii Joomiraawo meeɗen Yeesu diga maayɓe. Yeesu on laatike duroowo baali mawɗo, o haɓɓii alkawal tabitiiŋal diga e ƴiiƴam makko.

Yahuuda 1:1

Ɗerewol ŋol ƴiwi e am min Yahuuda, maccuɗo Yeesu *Almasiihu, miiraawo Yaakuuba. Mi sannii on, onon ɓe Alla *Baaba meeɗen yiɗi, go noddi on, onon reenaaɓe gam Yeesu Almasiihu.

Kollitinki 1:4

Min Yuhaana nun winnani eklesiyaaji jeeɗiɗi tawaaɗi der leydi Asiya. Moƴƴere, e jam laatanoo on diga e Alla gonuɗo, e goonnooɗo, e garoowo. Ɗum laatanoo on diga e ruuhuuji jeeɗiɗi, gonuɗi yeeso kittaal *Laamaare makko.

Kollitinki 2:17

Gooduɗo noppi, nana ko *Ruuhu batata eklesiyaaji! Jaaliiɗo, mi hokkan ɗum nyaamdu suuɗiinu, wi'eteenu “maannu”. Mi hokkan mo bo, kaaƴel daneyel. Dow maggel, inne heyre e winnaa. Goɗɗo annaa inne nen to hinaa kokkaaɗo ne."