Filippi 4:5 - Bible Fulfulde Bénin New Testament

⁵ Accee himɓe fu annita neɗɗaaku mooɗon. Joomiraawo ɓadake warugo.

Filippi 4:5 ပူးပေါင်းရင်းမြစ်များ

Matiye 6:25

«Gam majjum bi'anmi on: To on cukulanee yonkiiji mooɗon dow ko nyaamoton e ko jaroton. To on cukulanee ɓalli mooɗon dow ko ɓornotoɗon. Yonki ɓuraa nyaamdu na? Ɓannu ɓuraa koltal na?

Matiye 6:34

To on cukulanee gam jaaŋo, jaaŋo sukulanto hoore mum. Nyalaane fu, toora mum heƴii ɗum.»

Luka 21:34

«Kakkilanee ko'e mon! To on accee nyaamduuji juulɗe, e jaranji, e miilooji duuniyaaru hebba ɓerɗe mon gam to nyalaane nen juhu on.

Korintu Aranol 16:22

Neɗɗo fu mo yiɗaa Joomiraawo, o naalaaɗo! Maranata, yaa Joomiraawo Yeesu, war!

Korintu Aranol 6:7

Maa to oon gaccontira, eɗum hollita no on tampii. Ume waɗi on jaɓataa gaɗaneɗon ko wooɗaa? Ume waɗi on munyantaa nyaameego amaana?

Korintu Aranol 8:13

Gam majjum to nyaamdu nun doƴƴata banniraawo am, mi ƴakkataa kade tew abada, gam to mi doƴƴu mo.

Korintu Aranol 9:25

Jiɗɗo daɗugo der doggudu fu, sey elta ɓannu mum der huune fu. Kamɓe, ɓee gaɗa ɗum gam heɓugo keɓal meetalol ɗayloowol, amma enen, een tammi heɓugo meetalol ŋol ɗaylataa.

Korintu ɗiɗaɓol 10:1

Min Pol, mii eela on e ɗiggere, e geetaaku *Almasiihu. E wi'ee mii ɗiggi to mi na'on caka mon, amma mii suusi to mii woɗɗodii on.

Tesalonika Ɗiɗaɓol 2:2

To on accee hakkillo mooɗon jiɓoo law. To on accee bo goɗɗo huunna on der annabaaku mum, ɗum bo der haala mum, ɗum bo goɗɗo wi'a, men binnii ka der ɗerewol amen no nyalaane Joomiraawo warii ko.

Titus 3:2

To ɓe batu kalluka dow goɗɗo, ɓe laatoo deƴƴuɓe, e sawriiɓe, e weluɓe deeɗi dow himɓe fu.

Iburaninkeeɓe 10:25

To en accee hawtugo e goonɗinɓe hande no woɓɓe waɗata. Amma baajontiree, hakko du no oon ji'a nyalaane Joomiraawo e faanoo.

Iburaninkeeɓe 10:37

E winnii der Dewtere: «Ɗo e yeeso seɗɗa, seɗɗa tan horii kaanuɗo wara, waran, o ɓooyataa.

Piyer Aranol 1:11

*Ruuhu *Almasiihu gonɗo der maɓɓe, hollii ɓe ɗum diga wakkati majjum waray, o sappake ɓe tooraaji Almasiihu, e tedduŋal ɗi ŋal waddata. Annabiiɓe ɓen dartii faamugo dey ɗum waɗata, e no ɗum waɗirta.

Piyer Aranol 4:7

Huune fu ɓadake heennyugo, gam majjum gaɗee hakkillo, jogee ko'e mon gam gaɗon du'aaje.

Kollitinki 22:20

Ceediiɗo kujje ɗee wi'i: ''E gooŋa, mii wara, ɓooyataa!'' Aami! War Yeesu Joomiraawo!

Kollitinki 22:7

Yeesu wi'i: "Kettinee, mii wara ɓooyataa!" Barke laatani ɗowtaniiɗo ko woni der dewtere annabaaku nee ɗo.