Filippi 4:19 - Bible Fulfulde Bénin New Testament

¹⁹ Alla am huunta haajeeji mooɗon fu, jaka goonnan mum tedduŋal, ɗum waɗoo der kawtal mooɗon e Yeesu *Almasiihu.

Filippi 4:19 ပူးပေါင်းရင်းမြစ်များ

Matiye 6:32

Gam kujje ɗee, heeferɓe nun daartata ɗe. Amma *Baaba mooɗon gonuɗo dow kammu, e anni oon goodi haaje majje.

Yuhaana 20:17

Yeesu wi'i mo: «Taa meemam, gam mi eencay to *Baaba am taw, amma yahu to banniraaɓe am, bi'aa ɓe: ‟Mi wonu nun mii eenca to Baaba am, laatiiɗo bo Baaba mooɗon, to Alla am, laatiiɗo bo Alla mooɗon”.»

Yuhaana 20:27

O wi'i Toma: «Waddu honnu maa, daaru newe am; waddu junŋo maa bo, wattu e wuttudu am. Taa laata mo hoolaaki, goonɗin tan.»

Roma 1:8

Taw, mii yetta Alla am diga e Yeesu *Almasiihu gam mooɗon on fu. Gam goonɗinki mooɗon e batanee der duuniyaaru fu.

Roma 11:33

Hey! E gooŋa Alla e mawni! Hakkillo makko e annal makko e luggi! Walaa baawoowo ko faami no o hiitortoo, laabi makko faamataako!

Roma 2:4

Naa a wonu nun aa yawoo manŋu neɗɗaaku Alla e sawraare mum e munyal mum? A annitay no Alla hollii maa neɗɗaaku mum gam tuubaa na?

Roma 8:18

Mii anni tooraaji meeɗen ɗi jooni, foonnataako e tedduŋal garoowal, ŋal Alla suppitinanoyta en.

Roma 9:23

O waɗii ɗum gam hollitingo tedduŋal makko manŋal dow ɓe o enɗii. O siriyake ɗum gam ɓe o yiɗi teddingo.

Korintu ɗiɗaɓol 12:21

To mi yottake to mooɗon, mii hula to Alla am leesinammi caka mooɗon kade, mi wulla dow woɓɓe waɗunooɓe hakke ko ɓe tuubay ɓe acci coɓuɗum, e jeenu e baadiiji baanjaaji ɗi ɓe gaɗi.

Korintu ɗiɗaɓol 4:17

Tooraaji amen ɗi jooni e hoyi, jawtooji nun. Eɗii ciryanoo men tedduŋal manŋal, tabitiiŋal, ŋal fonnataako e tooraaji ɗi jooni.

Efesu 1:18

Mii eela Alla yaynina ɓerɗe mooɗon, heɓa paamon ko heɗii on der noddoore ne o noddi on, paamon bo no barke ɗe desanaɗon onon e himɓe makko teddiri.

Efesu 1:7

Moƴƴere Alla e mawni: Diga e kawtal men e *Almasiihu, en pirtaama, jaafaɗen, sabbu ƴiiƴam makko deƴƴitiiɗam.

Efesu 2:7

O waɗii ɗum gam o hollita en geetaaku makko. Jaamanuuji garooji fu yi'an manŋu moƴƴere makko ne foonnirtaake goɗɗum. O waɗanii en ne gam een kawti e Yeesu Almasiihu.

Efesu 3:16

Mii eela Alla mo tedduŋal manŋal semmiɗina ɓerɗe mon e baawɗe *Ruuhu mum Ceniiɗo.

Efesu 3:8

Min ɓuri goonɗinɓe fu faanɗugo. E non, mi heɓii moƴƴere waajaago ɓe lenyi janani habaru jawdi gonuni der Almasiihu, ni faamataako.

Filippi 4:7

Jam Alla ɓuruɗum faamu fu, reena ɓerɗe mooɗon e miilooji mooɗon der kawtal mon e Yeesu *Almasiihu.

Koloosi 1:27

Gam Alla e yiɗi anningo himɓe ɓe lenyi janani manŋu asiiri mum tedduɗo. Asiiri on woni, Almasiihu na'on der mooɗon. Kanko hokki on tammuwe heɓugo geɗu der tedduŋal Alla.

Koloosi 3:16

Accee haala Almasiihu hebba e mooɗon faa wooɗa. Janŋinontiree, tiiɗinontiron e hakkillo. Jimanee Alla e ɓerɗe mooɗon fu, jettee mo e jimi jabuuraaji, e maantooje, e jimi ɗi *Ruuhu Ceniiɗo hokkata on.

Tesalonika Aranol 2:12

Men baajike on, men cemmiɗinii on, men eeli on jahiron hande no fottanta Alla nodduɗo on naaton laamaare mum, ji'on tedduŋal mum.

Timote Aranol 6:17

Batu wooduɓe jawdi der duuniyaaru ɗo, to ɓe mawnito. To ɓe kooloo jawdi ni tabitintaako, amma ɓe kooloo Alla. Kanko nun hokkata en huune fu, faa heƴa, gam ceyoroɗen ɗum.

Filemon 1:4

Filemon, mii yetta Alla wakkati fu, mi accay siwtorgo maa der du'aaje am.

Piyer Aranol 5:1

Jooni emii badda *dottiiɓe eklesiya wonɓe caka mon, gam min bo mii dottiijo hande maɓɓe. Mi seedake tooraaji *Almasiihu, mi wonoto der tedduŋal ŋal o hollitoyta.

Piyer Aranol 5:10

Amma to on jarii bone der wakkati seɗɗa, Alla mo moƴƴere nodduɗo on gam naaton der tedduŋal mum tabitiiŋal e *Almasiihu, kanko o tiiɗinan on, o semmiɗina on, o hebbina on, o darna on.