Filippi 4:18 - Bible Fulfulde Bénin New Testament

¹⁸ Mi heɓi ballal mooɗon ŋal lilduɗon am fu e junŋo Epaforoditus, ŋal heƴii am faa ɓuri haaje am. Ŋal laatake hande wardi belɗo, hande sadaka, ɗum Alla jaɓi.

Filippi 4:18 ပူးပေါင်းရင်းမြစ်များ

Golle Lilaaɓe 10:4

O fattinani mo gite sabbu kulol, o wi'i: «Joomiraawo, ume nun?» Malaykaajo on wi'i mo: «Alla jaɓanii maa du'aaje maa e sadakaaji maa, o yeggitanay maa bo.

Roma 12:1

Banniraaɓe, mii eela on sabbu enɗam Alla. Kokkee mo ko'e mooɗon hande sadaka yonkinteha, ceniika, pottananka Alla. Kanjum woni sujida gooŋaha, kaanuka caafiron Alla.

Korintu ɗiɗaɓol 11:8

Mi jaɓirii eklesiyaaji goɗɗi ko woodi, nootiimi ɗi joɓammi gam mi jagganoo on.

Korintu ɗiɗaɓol 9:12

Ballal mon, hinaa himɓe Alla tan ŋal nafata, amma eŋal ɗuuɗinana bo Alla jettooje.

Efesu 5:2

Yidde ardanoo goonki mon, hande no ɗum laatii e *Almasiihu. O yiɗii en, faa o hokki yonki makko gam meeɗen. O laatake sadaka e kiisaaɗum pottanɗum Alla.

Filippi 4:12

Mii waawi wonaago der dullere, mi waawan bo ko woni der keɓal. Der wakkatiiji fu e no ɗum laatii fu, mi ekkitake wonaago der haarande e rafo, der goonnan e dullere.

Tesalonika Ɗiɗaɓol 1:3

Banniraaɓe, e haani men jetta Alla wakkati fu gam mooɗon. Eɗum fotti, gam goonɗinki mooɗon e ɓeydoo yeeso yeeso, kade bo yidde ne goodontirɗon hakkune mooɗon e ɓeydoo der moy mooɗon.

Iburaninkeeɓe 13:16

Amma to on jeggitee waɗugo ko wooɗi. Ballontiree, gam iri kiiseteeɗi ɗii ɗon nun Alla yiɗi.

Piyer Aranol 2:5

Onon bo, on laati nun hande kaaƴe ɗe yonki, garee mahireɗon suudu ruuhunkewol, gam laatoɗon waalde *limaamiiɓe seniiɓe, yaaranooɓe Alla sadakaaji ruuhunkeeji ɗi o jaɓata diga e Yeesu *Almasiihu.