Filippi 4:17 - Bible Fulfulde Bénin New Testament

¹⁷ Ɗum wi'ay no ballal nun daartanmi, ko daartanmi woni, ɓikkon goonɗinki mooɗon ɓeydoo faa ɗuuɗa.

Filippi 4:17 ပူးပေါင်းရင်းမြစ်များ

Yuhaana 15:16

Onon bane suɓimmi, min suɓi on go desumi on jahon, dimoon ɓiɓɓe, ɓiɓɓe mooɗon taboo, den Baaba hokkan on huune fu ko eelirton e inne am.

Yuhaana 15:8

To on dimii faa ɗuuɗi, den kan on laatike aahiiɓe am. Nunnun tedduŋal *Baaba am wurtortoo.

Roma 15:28

To mi yottinii golle ɗen, kokkumi ko hawritaa to haanuɓe ɗum yottoo, den mi yahan Espaniya, mi yaalan bo to mooɗon.

Korintu ɗiɗaɓol 11:16

Mii batitoo kade: To goɗɗo daarammi hande kaaŋaaɗo. Amma to oon jiɗi, jaɓee am hande kaaŋaaɗo, gam min bo mi juro seɗɗa.

Korintu ɗiɗaɓol 9:5

Gam majjum, tawumi e haani mi eela banniraaɓe ɓen ardoo am, yaha to mooɗon, ɓe kawrita ballal ŋal kaɓɓuɗon alkawal on kokkan. Den to mi warii, mi tawan eŋal resii, ŋal laatoo ballal kokkaaŋal e ɓerɗe goote, doole walaa der majjum.

Filippi 1:11

On kebbinaama ɓiɓɓe foonnitaare ƴiwuɗe diga e Yeesu Almasiihu, gam inne Alla teddinee, yettee.

Filippi 4:11

Hinaa gam dullere acci ko mii bata ka, gam mi ekkitake seyoraago no gonirmi fu.

Tesalonika Aranol 2:5

Hande no annuɗon men meeɗay baddugo on e belal ɗenŋal. Daɗey waaju amen suuɗay suuno der ɓerɗe amen. Alla woni seedeejo amen.

Timote Aranol 3:3

Taa o laatoo jaroowo bagi, ɗum bo kaɓaaɗo. Amma o laatoo munyuɗo, daartoowo jam, mo suunaaka ceede.

Timote Aranol 6:10

Gam suuno ceede woni ɗaɗol kalluɗum. Woɓɓe suunake ɗe, go ɓe ceeki diga goonɗinki, den ɓe gaddani ko'e maɓɓe tooraaji ɗuuɗɗi.

Titus 1:7

Doole ardiiɗo Eklesiya fu laatoo mo walaa gacce, gam o laati nun gollantooɗo Alla. Haanay o laatoo mawnitiiɗo, ɗum bo mo mone, maa bo jaroowo bagi, ɗum bo kaɓaaɗo, maa bo cuunaaɗo riiba kalluka.

Titus 3:14

E haani himɓe meeɗen bo ekkitoo waɗugo golle booɗɗe. Ɓe balla haajaaɓe walleego gam to kamɓe wallooɓe ɓen ɓe gonoo baanji.

Iburaninkeeɓe 6:10

Gam Alla laataaki mo fonnitaaki. O yeggitintaa gaɗu mon, e yidde ne kollitinɗon gam inne makko. On kollitii yidde nen e golle ɗe gaɗuɗon, e ɗe gaɗoton faa hanne gam himɓe Alla.

Piyer Aranol 5:2

Duree himɓe Alla ɓe jowanaɗon. To on gaɗee ɗum e doole, amma e ɓerɗe goote, hande no Alla yiɗiri, to on duree ɓe gam heɓugo joddi kalluni, amma gam oon jiɗi ɗum puy.

Piyer Ɗiɗaɓol 2:15

Ɓe accii laawol poortiiŋol, ɓe majjii, ɓe tokki laawol Balaama, jiɗuɗo heɓa ceede diga waɗugo kalluɗum.

Piyer Ɗiɗaɓol 2:3

Suunooji maɓɓe waddanan ɓe batugo haalaaji fewrekuuji gam ɓe jammoo on, amma ɓe doƴƴaamaa kiita diga ɗum ɓooyii, halkere e nyuɗanoo ɓe.

Yahuuda 1:11

Bone laatanii ɓe! Gam ɓe tokkii laawol Kayiinu. Ɓe gattii ko'e maɓɓe der majjere, hande ne Balaama , gam ɓe keɓa jawdi. Ɓe turtii hande no gorko bi'eteeɗo Koora turtiri, go ɓe kalki.