Filippi 4:1 - Bible Fulfulde Bénin New Testament

¹ Gam majjum, banniraaɓe am yiɗaaɓe, mii woodi kumpa yi'ugo on sanne, onon laatii seyo am, e tuutawal am, tabitee hande nun der kawtal mon e Joomiraawo, onon yiɗaaɓe am.

Filippi 4:1 ပူးပေါင်းရင်းမြစ်များ

Matiye 10:22

Himɓe fu wanyan on gam am. Amma munyuɗo faa heennyitirde, joomum hisinte.

Yuhaana 8:31

Yeesu wi'i *Yahuduuɓe, goonɗinɓe ɗum: «To oon jogii haala am, on laati nun aahiiɓe am lalley.

Golle Lilaaɓe 11:23

No o yottii o yi'i moƴƴere Alla, ɓerne makko weli, o waajii, o semmiɗini ɓe ɓe fu ɓe tinnoo, ɓe tabbitoo der Joomiraawo e ɓerne woore.

Golle Lilaaɓe 14:22

ɓee cemmiɗina ɓerɗe goonɗinɓe, ɓe baajii ɓe ɓe daroo der goonɗinki, ɓe bi'i: «Sey e tooraaji ɗuuɗɗi naatirten *Laamaare Alla.»

Golle Lilaaɓe 2:42

Ɓe kaɓɓi anniya nanugo janŋinol lilaaɓe janŋinta ɓe, ɓe kawti, ɓe laatii gootum, eɓe ceenna peen eɓe gaɗa du'aaje .

Roma 2:7

Tinniiɓe e waɗa ko wooɗi e daartira tedduŋal e manŋu e ko tabotoo, Alla hokkan ɓe yonki tabitiiki.

Korintu Aranol 15:58

Gam majjum banniraaɓe am yiɗaaɓe, laatee tabitiiɓe, ɓe dimmataako. Wakkati fu kiinnee golle Joomiraawo, gam oon anni ko gaɗuɗon sabbu kawtal mooɗon e Joomiraawo yanataa baanji.

Korintu Aranol 16:13

Kakkilee, daree e semme der goonɗinki, kollitee cuusal mon, goodee semme.

Korintu ɗiɗaɓol 1:14

On puɗɗii faamugo no menen nun laatii juro mon, onon bo laatii juro amen nyaanne Joomiraawo meeɗen Yeesu wittoy.

Galaatiya 5:1

*Almasiihu firtii en gam laatoɗen rimɓe e gooŋa. Gam majjum, daree e semme, to on accee bittineɗon der baawɗe jeyaanaaku.

Filippi 1:27

Amma, sey no gonirɗon fotta e *linjiila *Almasiihu, gam to mi warii daarugo on, naa bo to mi waray, mi nana oon tabitii der hakkillo wooto, oon kaɓa gam goonɗinki linjiila e ɓerɗe goote,

Filippi 1:8

Alla woni seedeejo am, mii yiɗi on on fu e yidde Yeesu Almasiihu.

Filippi 2:16

Oon baajoo ɓe haala ka yonki gam mi juro der nyalaane wittoygo *Almasiihu, mi anna doggudu am e comuri am waɗay baanji.

Filippi 2:26

Emo humpaa on booɗum on fu, kade bo o toorakeno sanne no nanuɗon emo nyawi.

Koloosi 4:12

Epafaras, neɗɗo leydi mooɗon, gollantooɗo Yeesu *Almasiihu, e sanna on. Wakkati fu, o accay haɓugo gam mooɗon der du'aaje makko. O eela heɓa cemmiɗon der goonɗinki, kebbinon sago Alla.

Tesalonika Aranol 3:13

O hokka ɓerɗe mooɗon semme, o sena ɗe faa ɗe galaa gacce yeeso Alla Baaba men faa nyalaane Joomiraawo men Yeesu jippoytoo e malaykaaɓe mum.

Tesalonika Ɗiɗaɓol 2:15

Gam majjum banniraaɓe, tabitee wakkati fu, jogee ko men ekkitini on e haala, ɗum bo e ɗereeji amen.

Timote Ɗiɗaɓol 2:1

Gam majjum ɓiyam, accu moƴƴere ne keɓuɗen sabbu kawtal men e Yeesu *Almasiihu semmiɗinee.

Iburaninkeeɓe 10:23

En ceedee ko kooliɗen, to en tampee, gam kaɓɓanɗo en alkawal e laatii koolaaɗo.

Iburaninkeeɓe 3:14

To en jogake hoolaare men arandeere e semme faa heennyitirde, den en laatike hawtuɓe e *Almasiihu.

Iburaninkeeɓe 4:14

Een goodi hooreejo *Limaamiiɓe mawɗo jottiiɗo to Alla dow kammu, kanko woni Yeesu, *Ɓiɗɗo Alla. Gam majjum, sey jogoɗen e ɓerɗe goote goonɗinki meeɗen ki ceedotoɗen.

Piyer Ɗiɗaɓol 3:17

Amma onon banniraaɓe yiɗaaɓe, on keɓii seedineego, to non kakkilee to himɓe yedduɓe Alla majjina on, sottina on diga darande mon.