Filippi 3:19 - Bible Fulfulde Bénin New Testament

¹⁹ heennyitirde maɓɓe laatoto halkere, deeɗi maɓɓe laatii tooruuje maɓɓe, ɓee juroro ko waddanta ɓe senteene, huune duuniyaaru tan ɓe miijanto.

Filippi 3:19 ပူးပေါင်းရင်းမြစ်များ

Matiye 16:23

Yeesu yeeƴitii, wi'i Piyer: «An *Seyɗan, wittu ɓaawo am! A laati nun ko doƴƴatammi. Miilooji maa ƴiway to Alla, to himɓe ɗi ƴiwi!»

Matiye 25:41

Ɓaawo majjum, o wi'an wonuɓe junŋo makko nano: ‟Dillee woɗɗi am, onon ya'aaɓe! Naatee der yiite tabitiiŋe, desanaaŋe Ibiliisa e malaykaaɓe mum!

Luka 12:19

Ɓaawo majjum, mi wi'an hoore am: ‟Mii woodi nyaamdu puy, ŋol heƴan bo faa duuɓi ɗuuɗɗi, mi siwtoto, mi nyaama, mi yara, mi seyoo.”

Luka 16:19

«E wooduno gorko gom jom jawdiijo, ɓornotooɗo gineeji boɗeeji, ɗigguɗi, wakkati fu, dow belɗum o tawaa, oo seyo der gonki makko.

Luka 18:4

Kiitotooɗo on yiɗay ka, faa ɗum ɓooyi, den o miiji der ɓerne makko o wi'i: “Baa to mi hulataa Alla, mi faaltaaka bo e goɗɗo,

Roma 16:18

Gam himɓe ɓen, *Almasiihu Joomiraawo meeɗen bane ɓe gollantoo, amma deeɗi maɓɓe. E haalaaji belɗi, eytooji ɓe jarbortoo himɓe ɓe walaa hakkillo.

Roma 6:21

Ume keɓunoɗon no gaɗunoɗon ko centirton jooni? Heennyitirde majjum laati nun maayde.

Korintu Aranol 3:3

gam jikku duuniyaaru nun jogii on taw. To nawniraagu e kaɓe e woni hakkune mooɗon, ɗum hollitintaa no jikku duuniyaaru nun jogii on na? Ɗum hollitintaa no ɓalli mooɗon nun jaalii on na?

Korintu Aranol 5:2

Go oon juroro ɗum! Ko haanuno ɓerɗe mooɗon biisoo, burtinon gaɗuɗo iri baadi bonni nii caka mooɗon.

Korintu Aranol 5:6

E gooŋa, on goodaa laawol juraago! On annaa no *ƴuufinirɗum seɗɗa ƴuufinan conni peen laawaani fu na?

Korintu ɗiɗaɓol 11:12

Ko gaɗanmi, mi waɗan ɗum kade, gam mi maɓɓa laawol jurotooɓe e wi'a, ɓee golla hande no men gollirta.

Korintu ɗiɗaɓol 11:15

To non non, ɗum haaynaaki to gollantooɓe mo e nandina ko'e mum hande gollantooɓe foonnitaare. Amma heennyitirde maɓɓe laatoto hande golle maɓɓe.

Galaatiya 6:13

Baa kamɓe juulnaaɓe, ɓe tokkaaki tawreeta. Ɓe jiɗu nun juulnoɗon gam ɓe keɓa juroraago on.

Filippi 2:21

horiiɓe fu haaje mum tan miijantoo, hinaa ɗum Yeesu *Almasiihu.

Koloosi 3:2

Miilanee kujje gonuɗe dow kammu, to on kakkilanee kujje ɗe leydi.

Tesalonika Ɗiɗaɓol 1:9

Pooɗol maɓɓe noppi e foonnitii, halkere tabitiine nun, ɓe boɗɗodinto e Joomiraawo e tedduŋal baawɗe mum.

Tesalonika Ɗiɗaɓol 2:12

O waɗan ɗum gam o hiitoo ɓe goonɗinay gooŋa, go ɓee ceyoroo ko foonnitaaki.

Tesalonika Ɗiɗaɓol 2:8

neɗɗo kalluɗo on suppitinto. Amma Yeesu Joomiraawo waran mo e foofaaŋo hunnuko mum, halka mo e jayŋol garki mum.

Timote Aranol 6:5

Eɗum wadda jeddi ɗi walaa kaddi, hakkune himɓe ɓe hakkillo mum wuurii. Ɓe joofii gooŋa, ɓee miili goonɗinki laati nun laawol keɓal.

Timote Ɗiɗaɓol 3:4

Ɓe laatoto jammotooɓe, dulluɓe hakkillo, ɓe jiɗan welwelo duuniyaaru ɓura Alla.

Yaakuuba 4:16

Amma jooni, on mawnikinake, oon juro. Juro hande ŋoo ɗon fu wooɗaa.

Piyer Ɗiɗaɓol 2:1

Hande no annabiiɓe fewrekuuɓe wonirno caka *Isira'iilaaɓe, non bo janŋinooɓe fewrekuuɓe wonortoo caka mooɗon. Ɓe naannan janŋinol fewrekuwol, kalkoowol, caka mon. Ɓe jeddan Joomiraawo cooditiiɗo ɓe. Hande non ɓe pooɗiranta ko'e maɓɓe halkere yaawune.

Piyer Ɗiɗaɓol 2:13

Ɓe duggan riiba golle maɓɓe kalluɗe. Ɓee ceyoroo waɗugo ko wooɗaa caka nyalooma. Ɓee laatii coɓuɓe e nyidduɓe. To ɓe jooɗike gam ɓe nyaamda e mooɗon der juulɗe, ɓee ceyoroo jammaago on.

Piyer Ɗiɗaɓol 2:3

Suunooji maɓɓe waddanan ɓe batugo haalaaji fewrekuuji gam ɓe jammoo on, amma ɓe doƴƴaamaa kiita diga ɗum ɓooyii, halkere e nyuɗanoo ɓe.

Yahuuda 1:10

Amma himɓe ɓee e bata kalluka dow ko ɓe annaa. Ko ɓe anni dow ko finaa tawa bo, ɓee laatii hande bisaaji ɗi galaa faamu, kanjum majjinta ɓe.

Yahuuda 1:16

Himɓe ɓen laati nun dumbitintooɓe, ɓee bullikinoo wakkati fu, suunooji maɓɓe nun ɓe tokki. Ɓee mawnito dow majjum, ɓee mana woɓɓe gam ɓe keɓa ko ɓe jiɗi.

Yahuuda 1:4

Gam himɓe halluɓe naati caka mooɗon e ƴoyre. Ɓee darta lelugo haala moƴƴere Alla men, gam ɓe nyaama goonki maɓɓe no ɓe pakkiri fu. Ɓee jedda Yeesu *Almasiihu laatiiɗo hooreejo meeɗen gooto, e Joomiraawo meeɗen. Dewte ceniiɗe bataniino halkere maɓɓe.

Kollitinki 18:7

Ɗuuɗinanee ne toora e bojji jaka no ne teddiniri hoore mayre, e no ne wuuriri der goonnan. Gam nee wi'a der ɓerne mayre: ‟Min laamiiɗo debbo nun, mi gowniijo bane, mi annataa bojji maayde abada!”

Kollitinki 19:20

Bisaa ŋan nanŋaa maɓɓaa, kanŋa e annabiijo pewoowo gaɗunooɗo haaynaareeji yeeso magga. E haaynaareeji ɗin o jammoriinoo wooduɓe maane bisaa, e sujidanooɓe foto magga. Ɓe fu ɗiɗo, ɓe paɗɗaa e yonki der maayo yiite kuɓɓoowe, e kibiriita.

Kollitinki 21:8

Amma hulhulɓe, e ɓe walaa goonɗinki, e soɓuɓe, e warooɓe himɓe, e jeenooɓe, e waɗooɓe dobo dobooje, e saafooɓe tooruuje, e fewooɓe fu, maayo yiite kuɓɓoowe e kibiriita nun woni geɗu maɓɓe. Kanjum woni maayde ɗiɗawre.»

Kollitinki 22:15

Amma laatiiɓe dawaaɗi, e waɗooɓe dobo dobooje, e jeenooɓe, e warooɓe himɓe, e saafooɓe tooruuje, e yiɗuɓe fewre go e fewa fu, wonoto yaasi.