Filippi 3:12 - Bible Fulfulde Bénin New Testament

¹² Mi wi'ay mi heɓii ko keɓal am, naa bo mii kebbuɗo, amma emi jokki doggudu am gam mi happa ŋal law. Min e hoore am Yeesu *Almasiihu happii am.

Filippi 3:12 ပူးပေါင်းရင်းမြစ်များ

Matiye 5:48

To non, laatee hebbuɓe, hande no *Baaba mooɗon mo dow kammu laatorii kebbuɗo.»

Golle Lilaaɓe 9:15

Joomiraawo wi'i mo: «Yahu, gam gorko on laati nun gollirɗum ɗum cuɓumi gam o annina lenyi janani e laamiiɓe, e ɓiɓɓe Isira'iila inne am.

Roma 8:39

baa baawɗeeji gonuɗi dow, ɗum bo baawɗeeji gonuɗi ley, to ɗum bo tagaaɗum gom, walaa e majjum ko seennata en e yidde Alla nee ɗo hawti en e Joomiraawo meeɗen Yeesu Almasiihu.

Korintu Aranol 13:10

Amma to huune fu laaɓinaama, ko laaɓaa fu majjitan.

Korintu Aranol 13:12

Jooni en ji'ataa taw huune fu e laaɓal, ɗum nandi hande daanorgal niɓɓuŋal nun daanortoɗen. Amma wakkati waraan, en ji'an e gite meeɗen deydey. Jooni taw annal am laaɓay, amma wakkati waraan de annanmi faa laaɓa, hande no Alla annirimmi.

Korintu Aranol 9:24

E gooŋa, on annaa himɓe fu nun doggata der jayri, to waɗooɓe daɗontiro doggata na? Amma e non fu, gooto maɓɓe tan nun heɓata ko resaa on. Gam majjum, doggee gam keɓal.

Korintu ɗiɗaɓol 13:9

Emen goodi seyo to emen laatii tampuɓe, go onon oon cemmiɗi. Ko men eelata Alla der du'aaje amen woni, laatoɗon hebbuɓe.

Korintu ɗiɗaɓol 7:1

Banniraaɓe am yiɗaaɓe, enen nun alkawalji ɗii fu laatanii. Gam majjum en laaɓinee ko'e meeɗen e tuuni ɓannu, e jiɗaaɗe yonki fu. En kebbinee senaare men een ɗowtoranii Alla.

Galaatiya 5:17

Gam jiɗaaɗe yonki e luudontiri e Ruuhu, ko Ruuhu yiɗi bo e luudontiri e jiɗaaɗi yonki. Eɗum luudontiri hakkune majjum, kan acci on baawataa waɗugo ko jiɗuɗon.

Efesu 1:4

Diga duuniyaaru tagaaka, Alla suɓii en sabbu Almasiihu, gam laatoɗen seniiɓe, ɓe walaa gacce yeeso makko.

Efesu 4:12

O waɗii ɗum gam o siriyoo himɓe Alla gam golle, ɓe mawninira ɓannu *Almasiihu.

Filippi 1:1

Min Pol e Timote, maccuɓe Yeesu *Almasiihu, winnani seniiɓe hawtuɓe e Yeesu Almasiihu wonɓe Filippi ɗerewol ŋol, e onon ardiiɓe e gollotooɓe der eklesiya.

Filippi 3:16

Amma to jottiɗen ɗo, sey tokken laawol ŋol jaheten e mum jooni.

Filippi 3:3

Gam enen woni julniiɓe e gooŋa, enen saafirooɓe Alla e *Ruuhu, jurortooɓe Yeesu *Almasiihu, ɓe koolaaki ko'e mum.

Filippi 3:8

E gooŋa, mi daarii huune fu baanji, gam mi heɓii ko ɓuri ɗum teddugo, kan woni annugo Yeesu Almasiihu Joomiraawo am. Gam makko, mi majjinii huune fu, daarumi ɗum hande buuri, gam mi heɓa mo,

Tesalonika Aranol 5:15

Tinnee, gaɗaaɗo ko halli fu, to wattoo, amma wakkati fu dartee waɗugo ko wooɗi hakkune mooɗon e himɓe fu.

Tesalonika Ɗiɗaɓol 2:13

Banniraaɓe, yiɗaaɓe Joomiraawo, menen, doole men jetta Alla wakkati fu gam mooɗon. Alla suɓii on diga fuɗɗoode, gam kison diga e *Ruuhu Ceniiɗo laaɓinɗo on, gam on goonɗinii gooŋa.

Timote Aranol 5:10

O laatoo anniraaɗo waɗugo ko wooɗi, hande jon: ummingo sukaaɓe mum hande no haani, oo laatii bernuɗo hoɓɓe, e lootuɗo koyɗe goonɗinɓe, e balluɗo toorotooɓe. Laatoo bo o waɗii gaɗuuji geeti ɗuuɗɗi.

Timote Aranol 6:19

Hande nun ɓe cuuɗiranta ko'e maɓɓe jawdi booɗuni, tabitintooni, gam nyalaaɗe garooje, ɓe keɓa bo yonki gooŋahi.

Iburaninkeeɓe 12:14

Dartee jam hakkune mooɗon e himɓe fu, dartee senaare bo, gam to hinaa e mayre, walaa ji'oowo Joomiraawo.

Iburaninkeeɓe 12:23

On garii to hawriine afuɓe, ɓe inɗe mum winnaa dow kammu. On garii to Alla kiitotooɗo himɓe fu, e to yonkiiji foonnitiiɓe hebbinaaɓe.

Iburaninkeeɓe 13:21

Alla on hokka on baawɗe waɗugo booɗɗum feere feere fu, heɓa kebbinon ko o yiɗi. O waɗa der men ko fottani mo, diga e Yeesu *Almasiihu mo tedduŋal laatanii faa e baade! Aami!

Yaakuuba 3:2

En fu een boofa e laabi ɗuuɗɗi. To woodi mo woofataa e haala mum, kanko laatii neɗɗo kebbuɗo, baawuɗo jogaago ɓannu mum fu.

Piyer Aranol 5:10

Amma to on jarii bone der wakkati seɗɗa, Alla mo moƴƴere nodduɗo on gam naaton der tedduŋal mum tabitiiŋal e *Almasiihu, kanko o tiiɗinan on, o semmiɗina on, o hebbina on, o darna on.

Piyer Ɗiɗaɓol 3:18

Mawnee der moƴƴere e annugo Joomiraawo meeɗen Yeesu *Almasiihu kisinoowo en! Tedduŋal laatanoo mo diga jooni faa abada! Aami!