Filippi 3:11 - Bible Fulfulde Bénin New Testament

¹¹ gam no ɗum waɗi fu, min bo, mi heɓa yottaago nyalaane pintol maayɓe.

Filippi 3:11 ပူးပေါင်းရင်းမြစ်များ

Luka 14:14

Barke laatante, gam ɓe baawataa ko yoɓu maa ɗum. A yoɓoyte ɗum wakkati foonnitiiɓe fintinoytee.»

Yuhaana 11:24

Marta wi'i: «Mii anni o fintan nyalaane ummital.»

Golle Lilaaɓe 23:6

Pol e annunoo woɓɓe e *dawrooɓe laati nun *Sadukiiɓe, woɓɓe bo *Farisaaɓe, o bati e semme, o wi'i: Banniraaɓe, min mi Farisaajo nun, ɓii Farisaajo. Gam mii woodi tammuwe dow pintol maayɓe waɗi ko mii hiitanee.

Golle Lilaaɓe 26:7

Alkawal ŋal nun lenyi amen sappo e ɗiɗi tammihii ɓee caafira Alla jemma e nyalooma. Agirippa laamiiɗo, gam tammuwe nen gacceteemi, Yahuduuɓe bo gaccotoo am!

Golle Lilaaɓe 27:12

No darorde laanaaji ne ɓe goni e muuɗum wooɗaa jippaago wakkati dabbune, ɗuuɓɓe maɓɓe wi'i ɓe jaha ɓe daarta yottaago Fenika, darorde laanaaji Kereta ɓattiine gorgal hoore fuɗo e lokere gorgal soɓɓiire, ɓe dabba ton .

Roma 11:14

Mii yiɗi to waɗoto, mi ummina nawniraagu himɓe lenyol am, mi hisina woɓɓe maɓɓe.

Korintu Aranol 15:23

Moy fu fintan e wakkati mum. Almasiihu laatii arano, ɓaawo mum, goonɗinɓe mo tokkina der nyalaane garki makko.

Korintu Aranol 9:22

To mi yahii to goonɗinɓe tampuɓe, mii waɗa hoore am hande tampuɗo, gam mi heɓa ɓe. Walaa fu no mi laatinay hoore am dow himɓe fu gam mi hisinira woɓɓe maɓɓe, baa no waɗi fu.

Korintu Aranol 9:27

Amma mii gollina ɓannu am e naawɗum faa mi jaaloo ŋol, gam mii hula mi dulla heɓugo yetteego ɓaawo baajiimi woɓɓe *linjiila.

Korintu ɗiɗaɓol 11:3

Amma mii woodi kulol to hakkillo mooɗon waylitoo, accon yiɗugo Almasiihu e ɓerɗe goote, laaɓuɗe, nandon hande Hawwa, mo boddi ƴoyri.

Tesalonika Aranol 3:5

Gam majjum no mi waaway ko munyi, kan acci lilumi Timote to mon o daara no goonɗinki mon woniri. Mi hulii to jarbotooɗo jarboo on, golle amen fu laatoo baanji.

Tesalonika Ɗiɗaɓol 2:3

To on accee goɗɗo ƴoyra on baa dow laawol ŋole. Gam nyalaane nen warataa to hinaa himɓe ɗuuɓɓe yeddi Alla, neɗɗo kalluɗo, laatiiɗo ɓii halkere suppitoo.

Timote Ɗiɗaɓol 4:8

Diga jooni, Joomiraawo kiitotooɗo e gooŋaaku, e resanimmi riiba kokketeeka poonnitiiɗo nyaanne darŋal. Min tan bane hokketee ka. Amma, min e hettiniiɓe, yiɗuɓe wittoygo makko fu, o hokkata ka.

Iburaninkeeɓe 11:35

Diga e goonɗinki nun rewɓe woɓɓe heɓiri maayɓe mum fintinaa. Gam goonɗinki nun, woɓɓe tooraa, salii faabeego, gam ɓe keɓa pintol ɓuruŋol wooɗugo.

Kollitinki 20:5

Maayɓe horiiɓe fintay faa duuɓi ujuneere hebbi. Kanjum woni pintol aranol.