Filippi 3:10 - Bible Fulfulde Bénin New Testament

¹⁰ Min kan, sago am woni annugo Almasiihu e baawɗe pintol mum, mi heɓa geɗu am der toora makko faa mi nanda mo der maayde makko,

Filippi 3:10 ပူးပေါင်းရင်းမြစ်များ

Matiye 20:23

O wi'i ɓe: «Gooŋa nun, on baawan. Amma jooɗaago nyaamo am e nano am, min bane hokkata ɗum. Ɓee ɗo *Baaba am siryanii joonɗe ɗen nun heɓata ɗe.»

Yuhaana 10:18

Goɗɗo ittantaa am ki, min hokkata ki e hoore am. Mii woodi baawɗe hokkitirgo ki, mii woodi bo baawɗe heɓitaago ki. Ooda kaa ɗon keɓumi e Baaba am.»

Yuhaana 17:3

Annugo an woni Alla gooto, gooŋaajo, e lilaaɗo makko Yeesu *Almasiihu, kan woni yonki tabitiiki.

Roma 8:17

To een laatii ɓiɓɓe Alla, en donan ko Alla resani himɓe mum. En donidan ɗum e *Almasiihu. To en toorodike e makko, en donidan bo tedduŋal e makko.

Roma 8:29

Himɓe ɓe Alla anni diga aran, o suɓii ɓe diga fuɗɗoode ɓe nanda e Ɓiyiiko. Den Ɓiyiiko laatoo afo caka banniraaɓe ɗuuɓɓe.

Roma 8:36

Hande no Dewtere wi'i: «Gam maaɗa acci emen gonii nyalaane fu der kaliije maayde, emen daaraa hande baali kiiseteeɗi .»

Korintu ɗiɗaɓol 1:10

Kanko hisini men e kaliire maayde iri nee ɗon, o hisinan men kade bo. Emen koolii mo, o hisinan men kade.

Korintu ɗiɗaɓol 1:5

No tooraaji ɗi keɓeten gam Almasiihu ɗuuɗiri, non non bo deƴƴitinki men ɗuuɗiri diga e makko.

Korintu ɗiɗaɓol 13:4

E gooŋa nun, o tiggaama dow *leggal palaaŋal gam tampere makko, amma oo wuuri sabbu baawɗe Alla. Menen bo, der kawtal amen e makko, men tampuɓe, amma men buurdan e makko gam baawɗe Alla, on ji'an ɗum bo.

Galaatiya 2:20

Min bane wuurata, Almasiihu nun wuuri der am. Guurnam ɓannu buuranmi jooni, e goonɗinki *Ɓiɗɗo Alla nun buuranmi, kanko jiɗɗo am faa hokkitiri hoore mum gam am.

Galaatiya 6:17

Diga jooni, to goɗɗo tooranmi kade, gam ɓannu am e woodi maane ɓattarɗe Yeesu.

Efesu 4:13

Hande non tinnortoɗen keɓen goonɗinki gooti, e annal *Ɓiɗɗo Alla gootal, laatoɗen mawɓe, jottoɗen to Almasiihu woni laatoɗen hande no o wa'i.

Filippi 3:8

E gooŋa, mi daarii huune fu baanji, gam mi heɓii ko ɓuri ɗum teddugo, kan woni annugo Yeesu Almasiihu Joomiraawo am. Gam makko, mi majjinii huune fu, daarumi ɗum hande buuri, gam mi heɓa mo,

Koloosi 1:24

Jooni, ɓerne am e weli gam tooraaji ɗi keɓammi gam mooɗon. Hande non, kebbiniranmi ko horii der tooraaji *Almasiihu gam ɓannu mum, laatiiŋol eklesiya makko.

Koloosi 2:13

Onon, on maayiino gam boofi mooɗon, e gam on juulnaaki. Amma Alla wuuridinii on e Almasiihu, yaafi boofi meeɗen fu.

Koloosi 3:1

Onon, on pintidinaama e *Almasiihu. Gam majjum, daartee kujje gonuɗe dow kammu to Almasiihu jooɗii nyaamo Alla.

Piyer Aranol 1:3

En jettee Alla, *Baaba Joomiraawo men Yeesu *Almasiihu, dimitoriiɗo en e enɗam mum mawɗam. E pintol Yeesu Almasiihu diga maayɓe, o hokkiri en tammuwe gooŋaare.

Piyer Ɗiɗaɓol 1:13

Mii miili, eɗum foonnitii, mi finnina hakkillooji mooɗon faa ciwtoron ɗum to emii wuuri.

Yuhaana Aranol 2:3

Ko hollitinta no een anni Alla woni, ɗowtanaago oodaaji makko.

Yuhaana Aranol 2:5

Amma ɗowtaniiɗo haala Alla e gooŋa, yidde Alla hebbii dow joomum. Nunnun annitirten een kawti e makko.

Kollitinki 1:18

min woni buuruɗo. Mi maayiino, amma jooni mii wuuri faa abada. Mii woodi baawɗe dow maayde e dow joonne maayɓe.