Filippi 2:8 - Bible Fulfulde Bénin New Testament

⁸ O leesinii hoore makko, o ɗowtanii Alla faa o maayi, o maayi dow *leggal palaaŋal.

Filippi 2:8 ပူးပေါင်းရင်းမြစ်များ

Matiye 17:2

Tagudi makko waylitii yeeso maɓɓe. Yeeso makko e jalba hande naaŋe, gineeji makko rawni tar hande jayŋol.

Matiye 26:39

O woɗɗii seɗɗa, o yani o hippii e leydi, oo du'oo, oo wi'a: «*Baaba, to waɗoto, woɗɗinanam jarirgel toora kaa. Amma ko jiɗuɗaa laatoo, hinaa ko jiɗumi.»

Matiye 26:42

O witti du'aago kade de ɗiɗawre, o woɗɗii seɗɗa, o wi'i: «Baaba, to waɗataako jarirgel toora ŋel yawta, mi yariray ŋel, den, accu yidde maa laatoo!»

Luka 9:29

Wakkati o du'otoo, yeeso makko waylitii, gineeji makko rawni tar e jalba.

Yuhaana 10:18

Goɗɗo ittantaa am ki, min hokkata ki e hoore am. Mii woodi baawɗe hokkitirgo ki, mii woodi bo baawɗe heɓitaago ki. Ooda kaa ɗon keɓumi e Baaba am.»

Yuhaana 14:31

amma sey duuniyaaru anna mii yiɗi Baaba, nu annan mi waɗan bo ko Baaba wannunoo am. Ummee, jawten diga ɗo.»

Yuhaana 15:10

To on tokkii ooda am, on tabbitinto der yidde am, hande no tokkirmi oodaaji Baaba am go mii tabbii der yidde makko.»

Yuhaana 4:34

Yeesu wi'i ɓe: «Nyaamdu am laati nun waɗugo sago lilɗo am, e heennyitingo golle ɗe o hokkimmi.

Golle Lilaaɓe 8:33

O yawnaama, o hiitanaaka e gooŋaaku. Moy waawata ko bati haala himɓe wakkati makko? Gam yonki makko ikkinaama e duuniyaaru.»

Roma 5:19

Dullere ɗowtaare neɗɗo gooto accii himɓe ɗuuɓɓe laatii hakkeeɓe. Hande non bo ɗowtaare neɗɗo gooto accirta himɓe ɗuuɓɓe laatoo foonnitiiɓe.

Korintu ɗiɗaɓol 8:9

Oon anni moƴƴere Joomiraawo meeɗen Yeesu *Almasiihu. Kanko jom jawdiijo, o laatinii hoore makko talakaajo gam mooɗon, gam laatoɗon jom jawdiiɓe diga e talakaaku makko.

Galaatiya 3:13

*Almasiihu sooditake en diga naaloore tawreeta. O laatake naalaaɗo gam men, gam e winnii: «Ɓilaaɗo dow leggal fu laati nun naalaaɗo.»

Titus 2:14

O hokkii hoore makko gam men, o sooditii en diga ko halli fu. O laatinii en himɓe makko ɓe o woodi, laaɓinaaɓe, tinniiɓe waɗugo golle geete.

Iburaninkeeɓe 12:2

En tiggee gite meeɗen dow Yeesu, laatiiɗo puɗɗuɗo goonɗinki meeɗen, kanko nun bo hebbinta ki. O hakkilanay senteene maayde dow *leggal palaaŋal, gam seyo ŋo o resanaa. Jooni oo jooɗii nyaamo kittaal *Laamaare Alla.

Iburaninkeeɓe 12:4

On kaɓiday taw e hakke faa yottii maayde.

Piyer Aranol 2:24

Almasiihu roonake hakkeeji meeɗen dow ɓannu mum dow *leggal palaaŋal, gam laatoɗen maayuɓe wecco hakke, amma laatoɗen foofooɓe der ko foonniti. On joofake sabbu looci ɗi o fiyaa.

Piyer Aranol 3:18

Gam Almasiihu e hoore mum maayi de woore, sabbu hakkeeji ɓiɓɓe Aadama. Kanko poonnitiiɗo, o maayanii en enen woofuɓe gam o yaara en to Alla. Himɓe warii mo, amma *Ruuhu Ceniiɗo fintinii mo.