Filippi 2:6 - Bible Fulfulde Bénin New Testament

⁶ Kanko potidinɗo e Alla diga fuɗɗoode, e non fu, o daaray fotugo makko e Alla hande huune ko o jogitinto,

Filippi 2:6 ပူးပေါင်းရင်းမြစ်များ

Matiye 1:23

«Gatol ŋol annaa gorko saawan, rima ɓiɗɗo gorko, o wi'ete Emmanuwel .» Maana inne nen woni: «Alla e wondi e meeɗen.»

Yuhaana 1:18

Goɗɗo yi'ay Alla abada, amma Ɓiɗɗo bajjo, laatiiɗo Alla, gonduɗo e *Baaba nun annini en Alla.

Yuhaana 10:30

Min e Baaba fu, men gooto.»

Yuhaana 10:33

Yahuduuɓe toontii mo: «Gam golle booɗɗe bane men jiɗi warirgo maa kaaƴe, ko men jiɗi warirgo maa nun, gam a yennii Alla. An a tagaaɗo nun, a waɗii hoore maa Alla.»

Yuhaana 10:38

Amma to mii waɗa ɗe, baa to on goonɗintaa am, min e hoore am, goonɗinee golle am, gam annon, paamon Baaba na'on e am, min bo mi na'on e Baaba.»

Yuhaana 14:28

On nanii ko bi'umi on: ‟Mi yahan, mi wartan to mon.” To oon jiɗunoo am, ɓerɗe mon welanno ko jahanmi to *Baaba, gam kanko ɓurimmi manŋu.

Yuhaana 14:9

Yeesu wi'i mo: «No ɓooydirmi e mooɗon nii fu, Filippu a annaa am? A annaa ji'uɗo am fu, yi'ii Baaba? Noy bi'irtaa: ‟Hollu men Baaba”?

Yuhaana 17:5

Jooni kan, *Baaba, teddinam tedduŋal ŋal goodunoo mi to maa diga duuniyaaru tagaaka.

Yuhaana 20:28

Toma toontii mo: «Joomam, Alla am.»

Yuhaana 5:18

Gam majjum hooreeɓe *Yahuduuɓe hocci niiya warugo mo, hinaa gam o biisii *nyalaane siwteteene tan, amma gam o wi'i bo, Alla woni Baabiiko. O fotinii hoore makko e Alla.

Yuhaana 5:23

gam himɓe fu teddina Ɓiɗɗo hande no teddiniri Baaba. Neɗɗo fu mo teddinay Ɓiɗɗo, teddinay Baaba liloyɗo mo.

Roma 9:5

Kamɓe laatii ƴiwuɓe diga e kaakiraaɓe amen. Almasiihu bo ƴiwii e lenyol ŋol. Kanko woni Alla jintuɗo huune fu, yettoore laatanoo mo faa abada. Aami!

Korintu ɗiɗaɓol 4:4

Kamɓe, ɓe goonɗinay, gam Seyɗan wuminii hakkillo maɓɓe. O waɗii ɗum gam to ɓe ji'u jayŋol linjiila kolloowa tedduŋal *Almasiihu, laatiiɗo nandi Alla.

Korintu ɗiɗaɓol 8:9

Oon anni moƴƴere Joomiraawo meeɗen Yeesu *Almasiihu. Kanko jom jawdiijo, o laatinii hoore makko talakaajo gam mooɗon, gam laatoɗon jom jawdiiɓe diga e talakaaku makko.

Timote Aranol 1:17

Alla gooto woni, laamiiɗo tabitiiɗo, mo maayataa, mo yi'ataake bo. Daraja e tedduŋal woodani mo faa abada abadin. Aami!

Timote Aranol 3:16

Seko fu walaa, asiiri diina meeɗen e mawni: Alla hollitake e ɓannu neɗɗo, *Ruuhu seedanike gooŋaaku makko, malaykaaɓe yi'ii mo, lenyi fu waajaama haala makko, o goonɗinaama der lenyi janani, o heɓii tedduŋal dow kammu.

Titus 2:13

Hande non keɗortoɗen nyalaane barkiɗinaane, ne tammihiɗen. Nyalaane nen, Yeesu *Almasiihu, Alla meeɗen mawɗo, Kisinoowo en, hollitinto e tedduŋal.

Iburaninkeeɓe 1:3

Kanko nun laatii jayŋol jalboowol, kollitoowol tedduŋal Alla, e no Alla laatii e gooŋa. Oo jogii huune fu diga e haala makko gooduka baawɗe. Ɓaawo o laaɓini hakkeeji himɓe, o jooɗake dow kammu, to nyaamo Alla mawɗo, mo tedduŋal.

Iburaninkeeɓe 1:6

Kade bo, no o liloyta Afo makko e duuniyaaru, o wi'i: «Malaykaaɓe Alla fu sujidana mo .»

Iburaninkeeɓe 1:8

Amma dow Ɓiɗɗo, o wi'i: «Laamu maa, an Alla, wonoo faa abada! A laamoranto himɓe maa e sawru foonnitaare.

Iburaninkeeɓe 13:8

Yeesu *Almasiihu gooto on nun, diga keenya, hanne, e faa abada.

Kollitinki 21:6

O wi'immi kade, «Huune fu hebbii! Min woni arano, min woni sakitiineejo, min woni fuɗɗoode, e heennyitirde. Ɗonɗaaɗo fu, mi hokkan ɗum diyam yonki, o yoɓataa.