Filippi 2:22 - Bible Fulfulde Bénin New Testament

²² Oon anni Timote hollitii oo laatii koolaaɗo, o gollodake e am gam waaji *linjiila hande no ɓiɗɗo gollorantoo baaba mum.

Filippi 2:22 ပူးပေါင်းရင်းမြစ်များ

Golle Lilaaɓe 16:2

Banniraaɓe wonɓe Listira e Ikoniya e mana mo.

Roma 5:4

Munyal e rima hoolaare semmiɗinne. Hoolaare semmiɗinne e wadda heɗaago ko warata yeeso.

Korintu Aranol 16:10

To Timote warii to mooɗon, jaɓɓee mo, jogoɗon mo faa wooɗa, gam golle Joomiraawo nun o waɗata hande am.

Korintu Aranol 4:17

Kan waɗi lilumi Timote ɓiyam jiɗaaɗo to mooɗon, koolaaɗo der kawtal mum e Joomiraawo. O siwtoran on no tokkirmi Almasiihu, e ko baajotoomi nokku fu der eklesiyaaji.

Korintu ɗiɗaɓol 2:9

Mi winnanii on bo, gam mi foonna on, mi daara naa oon ɗowtanii am der huune fu.

Korintu ɗiɗaɓol 8:22

Emen lilida banniraawo meeɗen e maɓɓe. Men poonni tinnaare makko de ɗuuɗɗum, der laabi ɗuuɗɗi. Faa jooni bo oo tinnii gam oo hoolii on puy.

Korintu ɗiɗaɓol 8:24

To non, kollee ɓe yidde. Den eklesiyaaji annitan no emen goodi daliila juroraago on.

Korintu ɗiɗaɓol 8:8

Mi batay ka gam mi hokka on umuroore, amma, mii holla on tinnaare woɓɓe, gam gooŋaaku yidde mon hollitoo.

Filippi 1:12

Banniraaɓe, mii yiɗi, annon ɗum ɗo: ko heɓimmi walli *linjiila yahugo yeeso.

Filippi 1:16

Ɓee ɗo e waɗa ɗum gam ɓee jiɗi Almasiihu, ɓee anni mi yowanaama haɓango *linjiila.

Filippi 1:5

diga nyalaane arandeere faa jooni, on darorake am, on ballii am waajaago *linjiila.

Filippi 1:7

E fotti, mii woodi miilooji ɗii dow mon on fu, gam mii watti on der ɓerne am. Gam baa no kaɓɓaami callalluuji gam mi seedanake linjiila tabbitinmi ka, on darorake am, on kawtii e am der moƴƴere ne.

Filippi 2:20

gam mi walaa goɗɗo jiɗuɗo on hande am, paaliiɗo on e gooŋa, to hinaa kanko,

Timote Aranol 1:18

Ɓiyam Timote, saawari kokku maa mi nun ɗon, jaadooki e annabaakuuji gaɗanooɗi dow maa. Accu ɗi laatanee gineeji gaɗiraa konu geetu.

Timote Aranol 1:2

Emi sannee Timote, ɓiyam gooŋaajo, mo dimumi dow laawol goonɗinki. Alla *Baaba meeɗen, e Joomiraawo meeɗen Yeesu *Almasiihu enɗee, hokkee moƴƴere e jam.

Timote Aranol 4:6

Ekkitin banniraaɓe huune ɗum. Den a laatoto gollantooɗo Yeesu *Almasiihu geeto. A nyaannan hoore maa e haala goonɗinki, e ekkitinol poonnitiiŋol ŋol tokkuɗaa e tinnaare.

Timote Ɗiɗaɓol 1:2

Mi sannii maa, an Timote ɓiyam jiɗaaɗo. Alla *Baaba meeɗen, e Joomiraawo meeɗen Yeesu Almasiihu enɗee, hokkee moƴƴere e jam!

Timote Ɗiɗaɓol 3:10

Amma an Timote, a yi'i no janŋinirmi. A yi'ii jikku am, e anniya am, e goonɗinki am, e munyal am, e yidde am, e tinnaare am.

Titus 1:4

Titus, mi sannii maa, an, laatiiɗo ɓiyam e gooŋa diga e goonɗinki men gooti. Alla *Baaba, e Yeesu *Almasiihu Kisinoowo en waɗanee moƴƴere, hokkee bo jam!