Filippi 2:16 - Bible Fulfulde Bénin New Testament

¹⁶ Oon baajoo ɓe haala ka yonki gam mi juro der nyalaane wittoygo *Almasiihu, mi anna doggudu am e comuri am waɗay baanji.

Filippi 2:16 ပူးပေါင်းရင်းမြစ်များ

Matiye 10:27

Ka batumi on der niwre, batitee ka caka nyalooma. Ka bataɗon e noppi der asiiri, piinee ka dow doomooɗe cuuɗi.

Luka 12:8

«Mii bata on: ceedaniiɗo am yeeso himɓe fu, *Ɓii neɗɗo bo seedanoyto joomum yeeso malaykaaɓe Alla.

Yuhaana 6:63

*Ruuhu woni buurinoowo, ɓannu nafataa goɗɗum. Haalaaji haalanmi on ɗii, laati nun Ruuhu e yonki.

Yuhaana 6:68

Simon Piyer toontii mo, wi'i: «Joomiraawo, to moy men jahata? An woodi haala kokkoowa yonki tabitiiki.

Golle Lilaaɓe 13:26

«Banniraaɓe, onon ɓe lenyol Iburahiima e onon bo hulɓe Alla! Enen lildaa habaru faabuwe oo ɗo.

Korintu Aranol 1:8

Kanko semmiɗinta on faa heennyitirde, gam laatoɗon ɓe walaa gacce der nyalaane wittoygo makko.

Korintu Aranol 9:26

Gam majjum to emi dogga, gam baanji bane dogganmi, to emi lukka bo, dow hennu bane lukkanmi.

Korintu ɗiɗaɓol 1:14

On puɗɗii faamugo no menen nun laatii juro mon, onon bo laatii juro amen nyaanne Joomiraawo meeɗen Yeesu wittoy.

Galaatiya 2:2

Mi yahii ton gam ko Alla hollitimmi. Mi hawtii min tan e ardiiɓe, kollumi ɓe *linjiila ka baajotoomi caka ɓe lenyi janani. Gam mi yiɗaa golle am ɗe gaɗumi, e ɗe gaɗanmi laatoo baanji.

Galaatiya 4:11

Mii hula to golle gaɗumi gam mooɗon laato baanji.

Filippi 1:10

gam baawon annitingo ko ɓuri nafugo, laatoɗon laaɓuɓe, ɓe galaa gacce der nyalaane *Almasiihu wittoyta.

Filippi 1:6

Mii tabbitini, Alla puɗɗuɗo golle muuɗum booɗuɗe der mooɗon hebbinan ɗe, der nyalaane Yeesu *Almasiihu.

Tesalonika Aranol 2:19

Ume woni tammuwe amen, e seyo amen, e meetalol ŋol men jurorto? Onon bane laatii ɗum yeeso Joomiraawo meeɗen Yeesu to mo wittoy na?

Tesalonika Aranol 3:5

Gam majjum no mi waaway ko munyi, kan acci lilumi Timote to mon o daara no goonɗinki mon woniri. Mi hulii to jarbotooɗo jarboo on, golle amen fu laatoo baanji.

Iburaninkeeɓe 4:12

Haala Alla e woodi yonki, eka woodi semme. Kaa ɓuri kaafahi kiye fu, belnaaki becce ɗiɗi welugo. Kaa naata faa der, ka seenna yonki e ruuhu, jokkule e busam. Eka hiitoo maatirɗum, e miilooji ɓerne.

Piyer Aranol 1:23

On dimitaaɓe de ɗiɗawre, hinaa e awdi nyoloori, amma e awdi ni nyolataa, e haala Alla yonkinteha, tabitiika.

Yuhaana Aranol 1:1

Emen binnana on haala neɗɗo gom gonuɗo . Men nanii daane makko, men ji'ii mo e gite amen, men daarii mo, men meemi mo e juuɗe amen. Kanko woni haala kokkoowa himɓe yonki.

Kollitinki 22:17

*Ruuhu e jommanjo debbo darii e wi'a: «War!» Nanuɗo fu sey wi'a: "War!" Ɗonɗaaɗo fu, wara. Jiɗuɗo diyam yonki fu, jaɓa ɗam, yoɓataa!