Filippi 2:13 - Bible Fulfulde Bénin New Testament

¹³ Gam Alla e hoore mum nun gollata der mooɗon, faa jiɗon ko weli mo, gaɗon ɗum bo.

Filippi 2:13 ပူးပေါင်းရင်းမြစ်များ

Luka 12:32

«To on kulee onon koggel pettel! Gam *Baaba mon e woodi seyo hokkugo on laamaare mum.

Luka 2:14

«Tedduŋal wonanii Alla towuɗo, jam dow leydi wonanoo himɓe ɓe o yiɗi.»

Yuhaana 3:27

Yuhaana toontii ɓe, wi'i: «Neɗɗo waawataa ko heɓi goɗɗum to hinaa ko Alla hokki ɗum.

Yuhaana 6:45

E winnii der dewte annabiiɓe: ‟Ɓe fu Alla janŋinan ɓe.” Neɗɗo fu nanuɗo ko Baaba bati, go jaɓi janŋinol makko, waran to am.

Yuhaana 6:65

O ɓeydi o wi'i: «Gam majjum bi'umi on: ‟Walaa baawoowo ko wari to am, to *Baaba hokkay ɗum no warirta”.»

Golle Lilaaɓe 11:21

Baawɗe Joomiraawo e wondi e maɓɓe. Himɓe ɗuuɓɓe goonɗini, tuubi, wittoy to Joomiraawo.

Roma 12:3

Alla waɗanii am moƴƴere mum. Gam majjum mii wi'a moy mooɗon fu to daaru hoore muuɗum ɓura ko laati. Amma moy fu daara hoore mum jaka no foti, e jaka goonɗinki ki Alla hokki ɗum.

Roma 9:11

Sukaaɓe ɓen rimaakano taw, ɓe gaɗay ko wooɗi, ɗum bo ko halli. E nun fu, ko Alla resi nun waɗata. Cuɓol makko daraaki dow gaɗu, amma dow no o resiri, kanko cuɓoowo.

Roma 9:16

Hande non, cuɓol Alla daraaki dow sago neɗɗo, ɗum bo dow anniya mum, amma diga e Alla enɗotooɗo ɗum ƴiwi.

Korintu Aranol 12:6

Baawal golle feere feereeje nun woni, amma Alla gooto on waɗata huune fu der moy fu.

Korintu Aranol 15:10

Gam moƴƴere Alla laatoriimi ko laatiimi. Moƴƴere ne o waɗanimmi bo laataaki baanji, gam mi gollake ko ɓuri lilaaɓe fu. Min bane waɗata ɗum, amma moƴƴere Alla wonne der am waɗata ɗum.

Korintu ɗiɗaɓol 3:5

Menen e ko'e amen, men goodaa baawɗe waɗugo goɗɗum. Baawɗe amen, to Alla ƴiwi.

Efesu 1:11

Der kawtal men e *Almasiihu, Alla hokkii en geɗu ŋu o haɓɓannoo en alkawal mum, e suɓugo en diga law, hande no o resirno. O waɗii ɗum, gam non o suɓirno e sago makko,

Efesu 1:5

O suɓii en diga aran, gam laatoɗen ɓiɓɓe makko diga e Yeesu Almasiihu. Non non o yiɗiri ɗum sabbu geetaaku makko. Non ɗum fottirani mo bo.

Efesu 1:9

Geetaaku makko acci o annini en asiiri sago makko, ko o resuno waɗugo diga fuɗɗoode diga e Almasiihu.

Efesu 2:8

Gam sabbu moƴƴere Alla kisuɗon, e gam on goonɗinii Almasiihu. Kisidam mooɗon laati nun dokkal Alla, golle mooɗon bane.

Tesalonika Ɗiɗaɓol 1:11

Gam majjum emen du'anoo on wakkati fu. Emen eela Alla meeɗen laatina on fotuɓe noddoore ne o noddi on. Baawɗe makko hokka on semme hebbingo golle booɗuɗe ɗe jiɗuɗon waɗugo fu, gam on goonɗinii mo.

Timote Ɗiɗaɓol 1:9

Kanko hisini en, noddi en gam laatanoɗen mo. Hinaa gam gaɗu meeɗen o hisiniri en, amma gam nun nun o yiɗiri ɗum e moƴƴere makko. Moƴƴere nen o waɗani en diga e Yeesu *Almasiihu, diga hanne bane.

Iburaninkeeɓe 13:21

Alla on hokka on baawɗe waɗugo booɗɗum feere feere fu, heɓa kebbinon ko o yiɗi. O waɗa der men ko fottani mo, diga e Yeesu *Almasiihu mo tedduŋal laatanii faa e baade! Aami!

Piyer Aranol 1:3

En jettee Alla, *Baaba Joomiraawo men Yeesu *Almasiihu, dimitoriiɗo en e enɗam mum mawɗam. E pintol Yeesu Almasiihu diga maayɓe, o hokkiri en tammuwe gooŋaare.