Filippi 2:1 - Bible Fulfulde Bénin New Testament

¹ *Almasiihu deƴƴitinii ɓerɗe mooɗon, semmiɗini on der yidde, oon kawti e *Ruuhu, oon goodi yurmeene e enɗam, naa noy?

Filippi 2:1 ပူးပေါင်းရင်းမြစ်များ

Luka 2:25

Gorko gom e tawano *Urusaliima, inne makko nun Simeyon. Gorko poonnitiiɗo nun, kulɗo Alla. Oo hettiniino garoowo moyta gonɗi Isira'iilaaɓe. *Ruuhu Ceniiɗo e woni dow makko.

Yuhaana 14:18

Mi accataa on hande gonɗaaɓe, mi wittaan to mooɗon.

Yuhaana 14:27

Mii accana on jam, mii hokka on jam am. No duuniyaaru hokkirta bane kokkiranmi on. To ɓerɗe mooɗon biisoo, to on kulee.

Yuhaana 17:13

Jooni kan mii foonni to maa. Mi batii haalaaji ɗii diga mi na'on e duuniyaaru gam belɗum ɓerne am hebba ɓe.

Golle Lilaaɓe 2:46

Nyalaane fu eɓe kaɓɓi anniya, eɓe kawritoo der suudu Alla, ɓe gaɗi hunnuko wooto, eɓe ceenna peen, eɓe nyaamda der cuuɗi maɓɓe e belɗum ɓerne, munaafitaare walaa.

Golle Lilaaɓe 4:32

Jama'aare goonɗinɓe foti, waɗi hunnuko wooto e hakkillo wooto. Ɓe kawti ko ɓe goodi fu, goɗɗo e maɓɓe wi'ataa jawdi muuɗum kan nun jey.

Roma 5:5

Hoolaago ko warata yeeso majjintaa en, gam Alla wattii yidde mum der ɓerɗe meeɗen, diga e *Ruuhu Ceniiɗo mo o hokki en.

Roma 8:26

Hande non bo *Ruuhu e wara wallugo en der tampe meeɗen. En annaa du'aago hande no haani. Amma Ruuhu e hoore mum e du'anoo en e uumaali ɗi neɗɗo waawataa ko bati.

Korintu Aranol 12:13

Gam en fu, en keɓii batisi diga e *Ruuhu gooto gam laatoɗen ɓannu gootol, *Yahuduuɓe e Yunaninkeeɓe, maccuɓe e rimɓe, en fu en jarinaama Ruuhu gooto on.

Korintu Aranol 15:31

Banniraaɓe, nyalaane fu der hunnuko maayde nun gonumi. Amma e nun fu mii juroro on gam daliila kawtal mooɗon e Joomiraawo meeɗen Yeesu *Almasiihu.

Korintu Aranol 3:16

Faa jooni on annitay onon nun laatii suudu Alla na? On annaa *Ruuhu Alla na'on der mooɗon na?

Korintu ɗiɗaɓol 2:14

Yettoore laatanoo Alla, gam oo hokka en wakkati fu jaalaago, gam kawtal meeɗen e *Almasiihu. Alla e gollira men gam sankitingo habaru Almasiihu nokku fu, hande luunŋol belŋol.

Galaatiya 4:6

Gam een laatii ɓiɓɓe Alla, o lilii *Ruuhu Ɓiyiiko der ɓerɗe meeɗen. Kanjum acci Ruuhu on e wi'a: «Abba», waato *Baaba.

Galaatiya 5:22

Amma ko *Ruuhu Ceniiɗo rimata woni: yidde, seyo, jam, munyal, neɗɗaaku, yurmeene, goonɗinki,

Efesu 4:4

Ɓannu gootol nun woni, e Ruuhu gooto, non bo gootum woni ko tammihiɗon yeeso, ɗum Alla noddani on.

Filippi 1:8

Alla woni seedeejo am, mii yiɗi on on fu e yidde Yeesu Almasiihu.

Filippi 3:3

Gam enen woni julniiɓe e gooŋa, enen saafirooɓe Alla e *Ruuhu, jurortooɓe Yeesu *Almasiihu, ɓe koolaaki ko'e mum.

Koloosi 2:2

Mii waɗa ɗum, gam ɓe keɓa cuusal, ɓe kawta der yidde, ɓe keewa hakkillo hebbuŋo, ɓe paama asiiri Alla cuuɗiiɗo, kan woni *Almasiihu.

Koloosi 3:12

Alla suɓii on laatini on himɓe mum yiɗaaɓe. Gam majjum, goodee yurmeene mawne, e neɗɗaaku, e ɓuytugo hoore, e ɗiggere, e munyal.

Iburaninkeeɓe 6:18

To non, kujje ɗiɗi woni waylitintaako, ɗe Alla waawataa ko fewi dow mum, kanje woni: hunayeere e alkawal. Kanjum semmiɗinta ɓerɗe men, enen accoyɓe huune fu, go kooliɗen ko bi'aɗen.

Piyer Aranol 1:2

Alla *Baaba suɓii on hande no o resirnoo, o seni on e *Ruuhu makko, gam ɗowtanoɗon Yeesu Almasiihu, mo ƴiiƴam mum laaɓini on. Alla ɗuuɗinana on moƴƴere e jam!

Yuhaana Aranol 3:24

Ɗowtaniiɗo ooda Alla fu e hawti e Alla, Alla bo e hawti e joomum. *Ruuhu mo o hokki en, kanŋu anninta en oo hawti e meeɗen.

Yuhaana Aranol 4:12

Walaa meeɗuɗo yi'ugo Alla abada. Amma to en jiɗontirii hakkune men, Alla e hawti e meeɗen, yidde makko e hebbi der men.

Yuhaana Aranol 4:16

Enen kan, een anni yidde Alla yiɗi en, een koolii ne bo. Alla e hoore mum laati nun yidde, gooduɗo yidde fu, e hawti e Alla, Alla bo e hawti e joomum.